سوسو حبيبتى :)))

**morasystem** · 16-12-2010 12:38 PM

المشاركة الأصلية كتبت بواسطة ahmed_201091

اولا:-الموتور
سحب العربة ممتاز و الكيك داون بطلعنى من حاجات كتير اوى و بتفرق جامد(اوتو مش ستيبترونك)
صوت الموتور بيعلى شوية لما تحرق رغم انى بحب الصوت دا اوى

و أنا كمان بحب الصوت ده جدا ... و من رأيى إن العزل بتاع العربية ياخد 8 من 10 ... و بعدين العربية المفروض فيها Speed Dependent Volume Control بيشتغل من زرار ال Setup بتاع الكاسيت و بيغطى على صوت العربية اللى أصلا مش بتسمعه إلا لو فاتح الإزاز و حارق جامد

ثانيا:العفشة
مقدرش اول ممتازة الصراحة لكن مش حاسس بمشكلة كبيرة علشان الجنط 15 و النيتروجين لكن لو طريق مهبد جامد بتحس بيها شوية(طريق القاهرة اسماعيلية الوصلة اللى بعد الكارتة ((زفتتت)) بتحس باخبط بتاع المطبات فى العربية)
*لكن الصراحة العربية بتشيل اوزان جامدة و مبتنزلش جامد

العفشة هتطرى جامد جدا مع الوقت ... و التورشن بيم ده إعجاز فى عالم العربيات ا... يخربيت الثبات بتاعه ... مش مشكلة ناشف شوية و إيه يعنى بس اللى قاعد فى الكنبة ورا على الأقل قاعد مسترح كما لو كان قاعد فى مرسيدس

رابعا:الثبات
جيد جدا ولكن لو مع الجنط 17 كان هيفرق جامد
وفى الغرز و المنحنيات ممكن لحد 150 كدا

أنا أقصى سرعة جربت أحود عليها كانت 100 بس بصراحة كان ثبات ال 15 فوق الممتاز

خامسا:الفرامل
دى بقا اكتر حاجة شغلانى(معنديش abs) لما بضغط على الفرامل بح ان ادواسة بتنزل و تحت رجلى هوا و مقلق من الحوار دا اوى لكن فى مرة كنت ماشى على 10 كدا و طلع قدامى واحد غبى دوست فرامل جامد العربية وقفت فى اقل من سنيتن

دى اسمها الفرامل المعززة ... موجودة فى الطراز الأوتوماتيك ... كل ما العربية تنقل للشيفت الأقل ... دواسة الفرامل تريح أكتر تحت رجلك ... تقوم تديلك قوة فرملة أقوى ... العربية مش محتاجة ABS و لكن على الرغم من كدة ممكن العربية تتزحلق على الطريق بس بصراحة محصلتش معايا غير مرة واحدة كان كاوتش العربية مش نضيف خاص و كنت على أرض تراب و اتزحلقت لمسافة قصيرة جدا بسأول ما شيلت رجلى من على الفرامل و كبست تانى العربية وقفت بثبات و بسرعة كبيرة جدا

اعتذر لوفى اخطاء فى الحروف و الكتابة

**ahmed_201091** · 16-12-2010 04:41 PM

اتفق معاك فى كل اللى انت قولته ولكن عندى سوال بس هو ايهSpeed Dependent Volume control ان شوفته فى setup الكاسيت لكن معرفش دا بتاع ايه الصراحة

**NoRmAl** · 16-12-2010 06:06 PM

مبروك على العربيه يا باشا ربنا يديك خيرها ويكفيك شرها
شكرا على التقييم وعايز أطمنك على فرامل العربيه
الفرامل كويسه جدا جدا وأفضل ما فى العربيه هى الفرامل
وحتته أنها بتهبط دى فعلا كانت مخوفانى أول مجبتها لكن دلوقتى متعود عليها
فمن جديد فكر فى أى حاجه إلا الفرامل :)

المشاركة الأصلية كتبت بواسطة ahmed_201091

اتفق معاك فى كل اللى انت قولته ولكن عندى سوال بس هو ايهspeed dependent volume control ان شوفته فى setup الكاسيت لكن معرفش دا بتاع ايه الصراحة

دا أوبشن أتناقشنا قبل كدا كذا مره إذا كان شغال ولا لأ
وهو أن صوت السى دى بيعلى ويوطى حسب سرعتك
على أساس أنك لو بتجرى فالضوضاء بتزيد وبالتالى هتعوز تعلى السى دى
ولما تهدى توطيه وهكذا
فالاوبشن دا وفر عليك الموضوع وبيعلى ويوطى لوحده حسب السرعه
فى الاخر بقى أحب أقلوك أنه مش شغال :)))
أو شغال عند ناس وناس لأ.. كدا يعنى :)

**morasystem** · 16-12-2010 07:27 PM

المشاركة الأصلية كتبت بواسطة ahmed_201091

اتفق معاك فى كل اللى انت قولته ولكن عندى سوال بس هو ايهSpeed Dependent Volume control ان شوفته فى setup الكاسيت لكن معرفش دا بتاع ايه الصراحة

هو بيزود من حدة صوت السماعات ... إنما فى الحقيقة مش بيزود من علو الصوت ... هقوللك على حاجة ... دوس Setup و شغل ال SDVC على On و شغل اغنية يكون صوتها حلو كدة و افتح شباك العربية اللى قدام عالناحيتين و اطلع بالعربية و اعمل كيك داون (احرق بالموتور لحد أر بى ام عالى) و اثبت عالأر بى ام العالى شوية هتلاقى الكاسيت مغطى بشكل كبير أوى على صوت الموتور و أول ما العربية تنقل هيرجع تانى ... بجد لو ركزت معاها هتلاقها فعلا شغالة

**ahmed_201091** · 16-12-2010 08:03 PM

المشاركة الأصلية كتبت بواسطة normal

مبروك على العربيه يا باشا ربنا يديك خيرها ويكفيك شرها
شكرا على التقييم وعايز أطمنك على فرامل العربيه
الفرامل كويسه جدا جدا وأفضل ما فى العربيه هى الفرامل
وحتته أنها بتهبط دى فعلا كانت مخوفانى أول مجبتها لكن دلوقتى متعود عليها
فمن جديد فكر فى أى حاجه إلا الفرامل :)

دا أوبشن أتناقشنا قبل كدا كذا مره إذا كان شغال ولا لأ
وهو أن صوت السى دى بيعلى ويوطى حسب سرعتك
على أساس أنك لو بتجرى فالضوضاء بتزيد وبالتالى هتعوز تعلى السى دى
ولما تهدى توطيه وهكذا
فالاوبشن دا وفر عليك الموضوع وبيعلى ويوطى لوحده حسب السرعه
فى الاخر بقى أحب أقلوك أنه مش شغال :)))
أو شغال عند ناس وناس لأ.. كدا يعنى :)

ربناغ يخليك يبشمهندس نورمال ياكبير و انا مش قلقان ولا حاجة عشان ساعة ما احتجتها وقفتنى فى زمن كويس من غير ما تزحف ولا حاجة

**ahmed_201091** · 16-12-2010 08:04 PM

المشاركة الأصلية كتبت بواسطة morasystem

هو بيزود من حدة صوت السماعات ... إنما فى الحقيقة مش بيزود من علو الصوت ... هقوللك على حاجة ... دوس setup و شغل ال sdvc على on و شغل اغنية يكون صوتها حلو كدة و افتح شباك العربية اللى قدام عالناحيتين و اطلع بالعربية و اعمل كيك داون (احرق بالموتور لحد أر بى ام عالى) و اثبت عالأر بى ام العالى شوية هتلاقى الكاسيت مغطى بشكل كبير أوى على صوت الموتور و أول ما العربية تنقل هيرجع تانى ... بجد لو ركزت معاها هتلاقها فعلا شغالة

هجرب ياباشا و اقولك ومتشكر على ردك اوى

**ahmed_911_98** · 20-12-2010 12:30 AM

عني إنت جبت مع المازده وإنت 124 حصان وهي 105
وإنت جبت مع السيفك وهي 140 حصان
يعني الماذا أحسن من السيفك
أنا عايز اجييب الكوب بس خايف من العفشة علشان أنا ليَّ تجرح وحشة مع العفشة
وعايز ماتور شديد

**keeero2020** · 20-12-2010 01:02 AM

مبروك عليك العربية يا باشا بس سؤال بسيط : هي الفئة دي بكام ؟؟ و هل برأيك ال abs يمكن الاستغناء عنه ؟؟ عشان أنا بفكر أجيب فئة في الخليجي اللي هي ب 106 فيها abs بس من غير جنط ، فكنت عايز أعرف اختياري كدة صح ولا الجنط أهم ؟

**ahmed_201091** · 20-12-2010 04:52 PM

المشاركة الأصلية كتبت بواسطة ahmed_911_98

عني إنت جبت مع المازده وإنت 124 حصان وهي 105
وإنت جبت مع السيفك وهي 140 حصان
يعني الماذا أحسن من السيفك
أنا عايز اجييب الكوب بس خايف من العفشة علشان أنا ليَّ تجرح وحشة مع العفشة
وعايز ماتور شديد

ياباشا السيفيك طلعتها تقيلة نوعا ما عن السيراتو لكن فى تجميع السرعة هى هتجبنى و ممكن تقرا الموضوع بتاع ياسر الصياد الشد مع السيفيك
لكن ومضوع المازدا دا ممكن كنا مع بعض عشان كنا فى ملف و انا اخدوا على الواسع و هو كان اخدوا على الضيق دى حاجة و بعدين مجريناش من وضع ثبات كنا ماشين و هو عمل كيك وانا وراه و بعد كدا دخلن على الملف و بعد كدا هدينا عشان مطب
موضوع العفشة انا شايف انك هتتعود عليها زى اغلبية الناس و بعدين لما تيجى تختار ثبات ولا عفشة مريحة اكيد هتختار الثبات وربنا يوفقك فى الاختيار وتبقى واحد من عائلة كيا

**ahmed_201091** · 20-12-2010 04:55 PM

المشاركة الأصلية كتبت بواسطة keeero2020

مبروك عليك العربية يا باشا بس سؤال بسيط : هي الفئة دي بكام ؟؟ و هل برأيك ال abs يمكن الاستغناء عنه ؟؟ عشان أنا بفكر أجيب فئة في الخليجي اللي هي ب 106 فيها abs بس من غير جنط ، فكنت عايز أعرف اختياري كدة صح ولا الجنط أهم ؟

الفئة دى كانت ب 105 و كان فى منها اردنى abs ,فتحة سقف ب 108 بس انا اخترت السعودى الصراحة
انا شايف ان العربية فراملها كويسة و حاضرة لكن اكيد هو مهم بردوا بس فى نفس الوقت الجنط هيديك منظر و ثبات حتى لو كان 15