الموضوع: تركيب الانجيكشن بدل الكاربراتير

اللنكات مش شغالة

يا اخى بلاش لتركب الموتور كامل لاما بلاش هتلاقى مشاكل كتير ومحدش هيعرف يعمل التحويل باحتراف ولك الخيار

المشاركة الأصلية كتبت بواسطة tamer_a7

هيه للاسف محتاجه تعمل داونلود ليها علشان تشوفها
يله يا شباب همتكم معانا

حضرتك ماهو الكليك شمال بالماوس دا تحميل بردك وبعدين بيقولي اوووبس بروكن ( مش شغال اللينك )
حوار التحويل لانجكشن حوار جميل لانك بالشكل دا هتبقى مواكب للحاجات الحديثة بس هوا عايزله 3 حاجات:
1: درايه ومعرفه من حضرتك(مش بحب اضخم الامور بس احب الشيئ يتم عن فهم بس مش اكتر) وهي دي اللي هاتحكم ازا كنت تكمل ولا لا ؟ معلش حضرتك لو مش على الاقل فاهم الحاجات الاساسية اللي هاتتعمل حتى لو بشكل نظري هاتحتار انت وجيبك مع الصنايعية .
2: بعد ماتقرر اذا كنت هاتكمل ولا هاتحتاج ميزانية حلوه ( ومش دي اللي انا اقولهالك درايتك وسؤالك على القطع اللازمه لعمل التحويل دا هو اللي يقدر يقلك الميزانية دي قد ايه (ممكن تطلع قريبه من تغيير موتور كامل في ناس بقى تقلك لا انا ادفع زياده ويبقى كدا هو غير مكنة وضفيرة واسبراتير وكله ...الخ هم شايفين كدا احسن وفي ناس تقلك لا اغير السيستم بس احسن ( انا افضل كدا لو مافهاش مخاطرة ولو كان ينفع لنفس الموتور وافضل كدا اكتر لو كان دا الموتور اللي نازل مع العربيه من ساعة ما اصنعت يبقى كدا الواحد حسن من الحاجه اللي عنده او زي مابيقولوا تعديل مش تغيير وتصليح )
3: هاتحتاج صنايعي قراري بيفهم وياسلام لو كان عمل الحوار دا قبل كدا عشان ماتبقاش تجربة ودا برده مصنعيته هاتفرق معاك .
خطوات بقى ازاي؟؟؟؟
حضرتك هاتجيب شوية معلومات عن موتورك الحالي وهاتتشعب فيها شويه لغاية ماتعرف حاجات معينه عندك (نظام الاشعال (وحدة الكونترول الموبينه والاسبراتير والمارش والدينمو والضفيره ولوحة الكهربا او لوحة الفيوزات ) ، نظام الوقود( عوامة التنك طرمبة البنزين اي حساسات ...الخ) ) واي حساسات عندك في الموتور تعرف عنها نوعها ايه بالزبط
تدور على موتور نفس بتاعك نفس السعة اللتريه ونفس الشكل وتقارن الحاجات اللي عرفتها عن موتورك الحالي هي نفسها ولا مختلفه في الموتورين على سبيل المثال لا الحصر الاسبراتير الكتروني ولا كوندسنر وابلاتين الموبينه الكتروني ولا عادي طرمبة البنزين كهرباء ولا عاديه طبعا وحدة الكونترول والضفيرة ولوحة الفيوزات هاتختلف
ونصيحه لو هاتعمل الموتور انجكشن يفضل انك تجيب جزء من الموتور الانجشن اللي زي بتاعك عشان خاطر الرشاشات اللي هاتركب عندك (بالبلدي كدا في حاجات انت هاتضيفها وفي حاجات هاتتغير )
فعشان كدا انا قلت لحضرتك الموضوع محتاج دراية منك بالموضوع دا عشان كل مازادت المعرفة قلت نسبة المخاطرة وقلت الاشتغالات بالعكس هاتديك فكرة حلوة جدا عن المواتير بشكل عام والموتور اللي عندك بشكل خاص وهاتقدر تحل اي مشكلة تواجهك لا قدر الله وانت بتعمل الانجكشن .
ولو عندك ميزانيه وعندك معرفة وصبر وشجاعة انا اشجعك انك تعمله ولو حتى بعد فترة طبعا لو متاح
اما لو بتخاف يبقى بلاش احسن بس برده اعرف كل شيء يمكن قدام تقدر تعمله وربنا يوفقك وطمنا استقريت على ايه ؟

المشاركة الأصلية كتبت بواسطة tamer_a7

نبدا باسم الله الرحمن الرحيم
ودا اولا
نشوف بقي ايه المطلوب
بدايه الحكايه انا عندي هيونداي اكسيل 1500 مانيول العربيه دي بتنزل كاربراتير ومن زمان اسمع ان ليها ماتور انجيكشن 1500
من حوالي اسبوع كنت معدي من عند واحد بتاع قطع غيار باشتري من عنده سلك بتاع فنح التنك وهب لقيته قدامي
المكنه ال1500 الانجيكشن بس المشكله المكنه تعبانه اوي يعني شكلها كده طالع عينه
قدمت عرض للراجل اني اخد الانجيكشن بضفيرته بكل حاجته قالي 500 جنيه قلت قشطه جدا
انا الكاربراتير بتاعي بيخرف وعايز يتغير من فتره طيب يبقي نغيره دا استيراد ب400 جنيه
يبقي نغيره ولا نقلبها انجيكشن ونعيش
المطلوب بقي
انا عايز ميكانيكي صايع بمعني الكلمه علشان هو هيكون معايا من الاف للياء
من اول الشراء وانه ياخد كل حاجه عايزه لحد ما استلم العربيه زي الكتاب ما بيقول
انا هاسيبكم مع صور الماتور ويا ريت لو ارقام تليفونات واسماء ميكانيكيه بقي تغرقني كده

http://www.herosh.com/download/68867...01213.jpg.html
http://www.herosh.com/download/68867...01214.jpg.html

ماتنساش اي حساسات او اجزاء من الموتور اللي هاتركب عليها الرشاشات

طيب ممكن أقتراح تاني بس عايز حد ينفعنا يكون عارف و لافف
شفت قبل كده علي النت كاربراتيرات ابراتيد جديدة و نضيفة و كل موقع بيبعهم بيبقي في لست بالعربيات اللي بيركبلها
ياتري الحاجات دي موجودة في مصر ولا لا