عيد جوازي الثالث بعد بكره ...... ايه الهدية المناسبة ؟

**dr-mohamed** · 19-12-2010 03:53 AM

مش عارف الظاهر انى من جيلتاني خااااااااااااااااااالص
ورد ايه بس دي مراته
ويخت خاص وجرسون
متهيالي مراته لو عمل كدة ممكن تغتاله لانه هيدمر ميزانية شهرين
والدهب دلوقتى مولع وحرام حد يشتريه
ولو طبخت لها هايبقي يوم سئ جدا في الزاكرة

بص من الاخر كل سنة وانتى طيبة يا حبيبتي وخروجة لاي مكان هي بتحبه واديها فلوس وقلها هاتى اللى انتى عايزاه وتبقي في الامان والسليم

**MaZaGAngeE** · 19-12-2010 08:40 AM

المشاركة الأصلية كتبت بواسطة حاتم فوزى

ربنا يخليكوا لبعض وعقبال مليون سنة يارب وانتم بصحة وسعادة

بس خلى بالك من الحركة دى لتكون زعلت وافتكرت انك ناسى وتبوظ كل اللى انت بترتب ليه
فهمها انك كنت بترتب وتعمل كل ده

واقولك بقا على هدية جامدة بجد مع ده كله؟

خليها تشوف الموضوع ده ع المنتدى أعتقد ان تذكرك للمناسبة نفسها وتخطيطك ليها واهتمامك بيها بهذا الشكل الرومانسى بجد احلى هدية مع اللى فات طبعا ومتبقاش بخيل ههههههههه ;)

wishing you happy wedding anniversary

الله يخليك و يسعدك

الصراحة أنا قلبي وجعني لما لقيتها اتصدمت اني مطنش كده و لا على بالي و كنت هقول على طول بس مسكت نفسي ......
و بعد العشا هخليها تقرا الموضوع طبعا

**AbO_FaRaH** · 19-12-2010 08:56 AM

والله انا خايف عليك لاحسن تضرب عين.... الحاجات ديه بتحسد يا مان

هههههه
بهزار معاك طبعا......

كل سنه وانت طيب

**amir** · 19-12-2010 09:22 AM

المشاركة الأصلية كتبت بواسطة mazagangee

يخت ايه بس يا دكتور ...... الكلام ده لناس أغنيا و ربنا موسع عليهم

كنت اتمني ان محاولتي لمساعدتك تقابل برد احسن من كده حتي لو ده كان فوق طاقتك الماديه, لكن هو ده مردود محاوله مني لاسعادك انت و زوجتك في عيد جوازكم؟

متشكر جدا و فعلا بجد متشكر انك نبهتني ان مش كل الناس بتتعامل زي بعض

**زينة الله** · 19-12-2010 10:08 AM

المشاركة الأصلية كتبت بواسطة amir

كنت اتمني ان محاولتي لمساعدتك تقابل برد احسن من كده حتي لو ده كان فوق طاقتك الماديه, لكن هو ده مردود محاوله مني لاسعادك انت و زوجتك في عيد جوازكم؟

متشكر جدا و فعلا بجد متشكر انك نبهتني ان مش كل الناس بتتعامل زي بعض

دكتور أمير الراجل ماقلش حاجة تزعل هو قال للناس اللى ربنا موسع عليهم و ربنا يوسعها علينا جميعا

ما تزعلش منه و لا تزعله فى مناسبة حلوة زى دى و امسحها فيا أنا

و الله فكرة حلوة جدا عقبال ما اشوفنى على يخت كدا

يارب مش بعيدة على الله ههههههههه

و بعدين بصراحة صاحبك الدكتور محمد هو اللى استفزه و كان بيرد عليه ههههههههههه أنا بهدى النفوس بس

**cyborg_ift** · 19-12-2010 10:53 AM

عاوزين دم ... عاوزين الناس تتلم

عاوزين دم ... عاوزين الناس تتلم ههههههههههههههههه

صلو على النبي يا جماعه عندي أنا المرادي

**MaZaGAngeE** · 19-12-2010 11:07 AM

المشاركة الأصلية كتبت بواسطة amir

كنت اتمني ان محاولتي لمساعدتك تقابل برد احسن من كده حتي لو ده كان فوق طاقتك الماديه, لكن هو ده مردود محاوله مني لاسعادك انت و زوجتك في عيد جوازكم؟

متشكر جدا و فعلا بجد متشكر انك نبهتني ان مش كل الناس بتتعامل زي بعض

يا دكتور انا مكانش قصدي حاجة وحشة خالص و لا تقليل من فكرة جميلة فعلا و لا حتى استهتار برأي أحد أصدقائي في المنتدى .....
كل اللي قصدته ان دي فكرة مناسبة لواحد يكون ربنا موسع عليه و يقدر يعمل حاجة مكلفة زي كده ....

آسف جدا لو كنت قلت تعليق على فكرة بطريقة مش حلوة .....

**dr-mohamed** · 19-12-2010 06:23 PM

المشاركة الأصلية كتبت بواسطة mazagangee

ي
همه كلمتين حلوين و هدية في الخفيف كده و عشا و حتتين شوكلاتة من ام 7 و لا 8 جنيه و عشا ظريف في البيت

و كده الواحد يبقى عامل أحلى شغل و اجمد واجب

اه يا مبذر
حتتين شيكولاتة ب7 ولا 8 جنيه مرة واحدة
احمد ربنا انك مش ادامي كنت بندجتك بالفرفر

المشاركة الأصلية كتبت بواسطة amir

كنت اتمني ان محاولتي لمساعدتك تقابل برد احسن من كده حتي لو ده كان فوق طاقتك الماديه, لكن هو ده مردود محاوله مني لاسعادك انت و زوجتك في عيد جوازكم؟

متشكر جدا و فعلا بجد متشكر انك نبهتني ان مش كل الناس بتتعامل زي بعض

يا دكتور امير الاول انا اللى اسف لانى اللى اعترضت على موضوع اليخت والورد والدهب والحاجات دي ومتزعلش مني والله ما تقليل من فكرتك بالعكس فكرتك روعة وجميلة جدا بس ممكن يعملا ريتشارد جير لنعومي كامبل او صاحبنا ابن ال عز بتاع الحديد لمراته
انما الناس اللى زينا بنكمل عشانا نوم يعني من الاخر انا ماركبتش يخت حقيقي طول حياتي وشكلي مش هركبه اصلا
ولا يمكن اشتري دهب للزينة في الاسعار المولعة اللى وصل لها
والورد بصراحة انا شايف ان بوكيه ورد حرام اجيبه وبعد يومين يترمي ومعاه 150 ولا 200 جنيه تمنه
الموضوع يا دكتور مش اعتراض او تقليل من زوقك بالعكس زوقك عالي جدا بس ينفع لناس تانية
انما الطبقي الوسطي (او التي كانت وسطي) فأخرها عزومة ولا سهرة برة البيت ولو ضربت العزومة والسهر 500 جنيه يبقي سفه وانا اول واحد هطالب بالحجر على مزجانجي

مرة تانية متزعلش يا دكتور وحقك عليا واحنا اخوات وسهيرة زي بعض

المشاركة الأصلية كتبت بواسطة nonetta

ليه الاحباط دة بس
هوة ما بقاش في رومانسية في الزمن دة

اه مفيش
دول متجوزين يعني مفيش رومانسية
فيه حب واحترام ومودة انما تسبيل وورد وتكلفة بدون داعي يبقي حرام (بالمعني الاجتماعي وليس الديني علشان محدش يقولني حاجة مقولتهاش)

-

الموضوع: عيد جوازي الثالث بعد بكره ...... ايه الهدية المناسبة ؟

LinkBack

أدوات الموضوع

عرض

-

-

-

-

-

المواضيع المتشابهه

بكرة الجمعة .... خد الهدية دى

مباركة ل غازي اللي ماتعظش من جوازي :-)

البطارية المناسبة؟؟

السماعات المناسبة للكاسيت ده

فاضل 24 ساعة على انتهاء عرض غبور و مستلمتش الهدية

الكلمات الدلالية لهذا الموضوع

المفضلات

المفضلات

ضوابط المشاركة