الموضوع: عيد جوازي الثالث بعد بكره ...... ايه الهدية المناسبة ؟

المشاركة الأصلية كتبت بواسطة nonetta

ليه الاحباط دة بس
هوة ما بقاش في رومانسية في الزمن دة

المشاركة الأصلية كتبت بواسطة زينة الله

دكتور أمير الراجل ماقلش حاجة تزعل هو قال للناس اللى ربنا موسع عليهم و ربنا يوسعها علينا جميعا
ما تزعلش منه و لا تزعله فى مناسبة حلوة زى دى و امسحها فيا أنا

و الله فكرة حلوة جدا عقبال ما اشوفنى على يخت كدا يارب مش بعيدة على الله ههههههههه

و بعدين بصراحة صاحبك الدكتور محمد هو اللى استفزه و كان بيرد عليه ههههههههههه أنا بهدى النفوس بس

المشاركة الأصلية كتبت بواسطة cyborg_ift

عاوزين دم ... عاوزين الناس تتلم

عاوزين دم ... عاوزين الناس تتلم ههههههههههههههههه

صلو على النبي يا جماعه عندي أنا المرادي

المشاركة الأصلية كتبت بواسطة MaZaGAngeE

يا دكتور انا مكانش قصدي حاجة وحشة خالص و لا تقليل من فكرة جميلة فعلا و لا حتى استهتار برأي أحد أصدقائي في المنتدى .....
كل اللي قصدته ان دي فكرة مناسبة لواحد يكون ربنا موسع عليه و يقدر يعمل حاجة مكلفة زي كده ....

آسف جدا لو كنت قلت تعليق على فكرة بطريقة مش حلوة .....

المشاركة الأصلية كتبت بواسطة dr-mohamed

اه يا مبذر
حتتين شيكولاتة ب7 ولا 8 جنيه مرة واحدة
احمد ربنا انك مش ادامي كنت بندجتك بالفرفر



يا دكتور امير الاول انا اللى اسف لانى اللى اعترضت على موضوع اليخت والورد والدهب والحاجات دي ومتزعلش مني والله ما تقليل من فكرتك بالعكس فكرتك روعة وجميلة جدا بس ممكن يعملا ريتشارد جير لنعومي كامبل او صاحبنا ابن ال عز بتاع الحديد لمراته
انما الناس اللى زينا بنكمل عشانا نوم يعني من الاخر انا ماركبتش يخت حقيقي طول حياتي وشكلي مش هركبه اصلا
ولا يمكن اشتري دهب للزينة في الاسعار المولعة اللى وصل لها
والورد بصراحة انا شايف ان بوكيه ورد حرام اجيبه وبعد يومين يترمي ومعاه 150 ولا 200 جنيه تمنه
الموضوع يا دكتور مش اعتراض او تقليل من زوقك بالعكس زوقك عالي جدا بس ينفع لناس تانية
انما الطبقي الوسطي (او التي كانت وسطي) فأخرها عزومة ولا سهرة برة البيت ولو ضربت العزومة والسهر 500 جنيه يبقي سفه وانا اول واحد هطالب بالحجر على مزجانجي

مرة تانية متزعلش يا دكتور وحقك عليا واحنا اخوات وسهيرة زي بعض



اه مفيش
دول متجوزين يعني مفيش رومانسية
فيه حب واحترام ومودة انما تسبيل وورد وتكلفة بدون داعي يبقي حرام (بالمعني الاجتماعي وليس الديني علشان محدش يقولني حاجة مقولتهاش)

يا جماعه انا بعتذر ليكم لأن تنبيه التعليقات لسه واصلني حالا انا مش وحش كده ولا بتوقع السوء علي طول الخط لكن حصل اللي حصل

و انا متشكر جدا علي شعوركم النبيل ده و اسف لمزجانجي اني مخدتش بالي و كنت بعكنن عليه بس من غير قصد و الله

و بالمناسبه و علشان انا زيي زيكم و الله فاسمحولي اوضح شويه موضوع اليخت ده لأني برضو عمري ما حطيت رجلي فيه ولا كنت احلم اصلا

الموضوع و ما فيه كان ترتيب غداء عمل علي النيل

و بعد بحث و تمحيص لقيت ان تكلفه المطاعم النيليه اللي تليق بالحضور هتكون عاليه و مكلفه و في مقابل ان الحضور دول هيكونو في وسط الناس عادي و كأنهم في اي كافيه راقي لكن الفرق انه علي النيل

فببعض المشوره و مساعده الاصحاب و اصدقائي اللي عملو افراحهم علي بواخر نيليه وصلت اني لو اجرت يخت و جبت اكل من مطعم بكام جرسون للتقديم التكلفه حتي و ان لم تقل كتير (او حتي زادت شويه بسيطه) فالناتج هيكون تجربه فخمه و ذات طابع متميز

و قد كان

و موضوع اليخت انا وقعت مع سمسار للاسف معدوم الضمير و الحساب كان تقريبا رقم بيتراوح في حدود ال 450 550 في الساعه مش فاكر بس لما سألت بعد كده عرفت انه غلي الاسعار عليا جامد و ان ب 350 جنيه كان ممكن الموضوع يمشي

و ده طبعا بيثبت ان محدش بيتعلم بالساهل

بس بجد احساس كل دقيقه و انا علي متن اليخت ده كان لا يقدر بتمن
غير دردشتي مع العمال اللي بيشغلو اليخت و اني مسكت الدفه شويه و نزلت شوفت المواتير في غرفه المحركات

ياه علي الجمال

فلما لاحظت ان مزاجنجي من المنيا قلت في بالي ان لما اليخت بيتأجر بالاسعار دي من قدام الشيراتون يبقي في المنيا هيكون اقل بكتير و اصلا انه عايز يفرح مراته بعيد جوازهم فقلت مبخلش علي اخ ليا بفكره كنت موفرها ليا مستقبلا لو ربنا قدرني علي حاجه زي كده

و لما قريت التعليق اللي ضايقني حسيت ان مزاجنجي فاكرني داخل بتنطط عليه بالفلوس و اعوذ بالله اني اكون من النوع ده من الناس فالموضوع حز في نفسي جامد

لكن كلامكم و كلامه بجد فرحني جدا

و ليك عليا يا ابو الامزجه لما ربنا يكرمني و اتجوز و اقدر علي يوم زي ده هابقي اعمل ليك و للمدام دعوه (بس مش في اول مره لأن اكيد اول مره هاتكون عيد جوازي الاول ان شاء الله)


و علي فكره الكلام في الموضوع ده كبرها في دماغي ان مقابله المنتدي الجايه تكون في يخت و يكون يخت كبير كمان

استنو بس لما حد يجيب سيره الموضوع

اما بالنسبه ليك يا دكتور محمد فحسابنا مش دلوقتي و مش هنا في وسط الناس الحلوه دي

حسابنا بالليل لما الناس تنام و الديابه تقوم تلفلف

و الدعوه عامه طبعا لأي حد من العالم السهيره بس الحضور علي مسئوليه الحاضرين