الموضوع: عيد جوازي الثالث بعد بكره ...... ايه الهدية المناسبة ؟

كل سنة و نتم طيبين

و يعيدوا عليكم بخير و صحة

و يبارك لكم فى أولادكم

( مش عارفة ليه قلبت على شحاته كدا ههههههههههه)

بس صورة الورد و الشمع هايلة و كويس إن فى حد رومانسى فعلا نفذ الفكرة

ربنا يسعدكم و يحفظكم من كل سوء

يا بشمهندس الف مبروك وعيد زواج سعيد وربنا يسعدكم على طول و يبارلك في عائلتك كلها

الله يخليكوا و يبارك فيكوا كلمكم

و عقبال عندكم

الراجل بتاع الورد سألني المناسبة ايه ؟ قلتله عيد جوازي رد عليا " تعيش و تفتكر "

و نفس الجملة سمعتها من كذا واحد .... همه الرجالة مالهم و لا الستات بتعمل ايه في الرجالة خلاهم كده ؟؟؟

المشاركة الأصلية كتبت بواسطة nonetta

معلش يا استاذ مزاجنجي
اصل اللي زيك عملة نادرة
تلاقيهم كمان بيقولولك ابقى قابلنا بعد عشر سنين هنشوف هتعمل ايه ؟ صح ؟

عايزة الصراحة .... الستات ليها طلعات مالهاش أي لازمة ... مثلا أبقى راجع من 18 يوم شغل و سفر و أول ما أدخل البيت تقولي عايزين لبن عشان مريم و اللبن خلص مع ان السوبرماركت تحت البيت و معاها فلوس و التلفون شغال و الدليفري موجود .... و دي حاجة أخدت وقت لحد ما ظبطها ...
حاجة تانية : جايب بوكيه ورد و شمع و هدية و بظبط غدا و مبسوط و مروق تقولي ليه ورد ب 85 جنيه ؟ طيب ينفع ترجعه و تاخد الفلوس .... مش دي حاجة تنرفز برضه ؟

حاجة كمان :: آخر الشهر و مفلس و تبصي تلاقي طلبات ممكن تتأجل كمان 5 سنين و تقولك عايزيها دلوقتي ... و لا عايزة أخرج و نروح سينما ... طب ازاي و أنا مفلس ؟ هوه ده وقته يعني ؟

حاجة كمان : الواحد يبقى دماغه مقلوبه و فيه مصيبة في الشغل و قاعد بفكر في حل ليها ... ألاقي المدام تقولي ما تيجي ننزل نزور مش عارف مين ؟ ... و تلاقيها تزن كده في حاجات مفيش أي داعي ليها ..... طيب ماتسيبني في المصيبة اللي أنا فيها و بعدين نبقى نشوف هيه عاية ايه ...


كمان : دايما المقارنة بينها و بين والدتي و اخواتي الستات .... تقولي لمين انتي حاجة و همه حاجة مفيش فايدة ..

كمان والدتها ليها تأثير غريب جدا و قوي جدا عليها ......


دي طبعا مشاكل موجودة في كل بيت و كل الستات و كل الرجالة ... الفرق بيكون في طريقة التعامل من الراجل مع كل الحاجات دي .... بس بجد



انتوا عايزين حاوي عشان يقدر يعيش معاكم