السلام عليكم ياجماعه

للمره التانيه الموضوع خطر ببالي حالا

دلوقتي احنا كلنا او اغلبنا بيجيب قطع غيار الماروتي من سوزوكي سنتر او من شارع احمد حلمي

قبل موجة التراب اللي جت كنت انا عايز اغير كم حاجه عشان الموجه دي
فطبعا صعب اني اروح احمد حلمي لانشغالي
فقلت انزل شارع دمشق اقربلي وحتى لو اغلى شويه المهم مصلحة العربية ووقتي

نزلت اتمشيت شويه
انا كنت عايز فلتر هوا
وكنت عايز ريش مساحات
وقلت طالما هغير الفلتر اجيب منظف كربيراتير في السريع


وصلت لمحل هناك اسمه اكرم حمدي
هوا تخصص سوزوكي

طلبت منه فلتر هوا الماروتي
قالي في الاصلي الهندي بتاعها وفي ماليزي

طبعا انا ذهلت لان انا لما كنت بلف قبل كده في شارع احمد حلمي ملقتش غير المصري (السئ) بتاع ال 128

فقلتله وريني الاتنين

طبعا خامات فوق الوصف
الهندي كان خرافي الحقيقه ومعرفتش اصوره لاني مشتريتهوش
كان ب 50 جنيه بعد الفصال
بس للامانه خامته فعلا حاجه تانيه خالص

اما الماليزي فبعد الفصال المستميت كان ب 25 وده اللي انا جبته وفعلا تشوفه وتشوف المصري تقول كنت فين وبقيت فيه

هحط صور الماليزي والمصري بس مش دلوقتي (لسا مصورتش المصري)


وبرضو جبت ريش المساحات ودي مش بتفرق فيها

منظف الكربيراتير كنت زمان جبته بعد عناء في التوفيقيه ملقتش غير ماليزي وصيني
وكان الماليزي ب 15 جنيه

في شارع دمشق لقيت امريكي وعبوة كبيره اخدتها ب 28 وبعد تجربته رائع جدا لان العربية فرقت فعلا في السحب....

هحط صوره برضه وهحط صور الماليزي

للمعلوميه
الماليزي كان ممتاز برضو بس للاسف التوفيقيه بعيد عني دلوقتي...


فلتر البنزين قبل كده اشتريته
كل اللي في السوق مختلف عن الاصلي
ولما بتيجي تحطه في مكانه بيعاكس ومبيرضاش يركب
وبسبب الموضوع ده كنت هظطر اني اشيل الغطا الحديد اللي بيبقى مغطي فلتر البنزين عشان المكان يكون مريح للفلتر اللي بيتباع في السوق

هحطلكم صور الاصلي وصور اللي في السوق
طبعا انا جبت من السوق الياباني والتايواني والاتنين فيهم نفس المشكله انهم مبيركبوش مستريحين لكن الياباني كان اقرب للاصلي...



طبعا زي منتو شايفين
في تفاوت في الخامات والاشكال من منطقه للتانيه وطبعا تفاوت في الاسعار...

وعليه
كل واحد اشترى حاجه وبعدين لقى احسن منها في مكان تاني ياريت يقولنا عليها ويحاول يورينا الحاجات ذات الخامات السيئه عشان منشتريهاش وربنا يسترها علينا.....
انتظروا الصور في القريب العاجل

تحياتي