تقييمي للأوبترا وصيانة الـ 15000 كم

**falak** · 17-12-2010 01:38 PM

بسم الله الرحمن الرحيم

اسمحوا لي أقيم سيارتي شيفروليه أوبترا 2009 أوتوماتيك ، وكذلك صيانة 15000 والتي كانت في توكيل العوض جروب

مميزات الأوبترا :

الصالون واسع ومريح
الارتفاع عن الأرض معقول جداً ولا يسمح بالاحتكاك في المطبات
الموتور عفي وإن كانت استجابته ليست سريعة قوي ، ولكن معقولة.
الشنطة واسعة
استهلاك البنزين متوسط بمعدل 10 كيلو لكل لتر بنزين ( طبعا يزيد الاستهلاك قليلا مع الزحمة والتكييف )
العفشة قوية وتستحمل.

العيوب :

الصاج ضعيف وطري جداً.
مراية الصالون صغيرة ولا تفي بالغرض.
العفشة ناشفة شوية . بحيث تخليك تشعر بما تدوس عليه.
صوت الموتور عالي نسبياً.
الكاسيت ( عيب أن تكون سيارة موديل 2009 وبها كاسيت شرايط ) وإن كانوا تداركوا هذا العيب في موديل 2011 وأصبحت تنزل بـ سي دي .
التابلوه فقير جداً ،، يعني تابلوه الأفيو أشيك ( من وجهة نظري )
جهاز الإنذار والريموت خايب جداً .. حتى مافيهوش خاصية أن تغلق السيارة الأبواب بعد التحرك.

صيانة الـ 15000 تمت في توكيل العوض جروب اللي على الآوتوستراد
غيروا الآتي :

زيت موبيل10000 كم 240 جنيه
فلتر زيت هدية ( لإني أول مرة أروح عندهم ) لكنه عموماً بـ 18 جنيه
تيل فرامل 230
لمبة الشنطة الداخلية 2 جنيه
فلتر بنزين 35 جنيه
مصنعيات 195 جنيه ( كتير جدا )
فوم غسيل الموتور 25 جنيه

حركات بايخة حصلت وزعلتني ..

المفروض إني دافع تمن غسيل الموتور ،، لكن بعد ما استلمت السيارة ومشيت .. تاني يوم بابص على الموتور وجدته غير مغسول .. رحت رايح لهم ،، وقلت لهم عيب قوي اللي بيحصل ده .. ده حتى غسيل الموتور شيء واضح وظاهر وماتعملش .. أومال تربيط العفشة وتغيير مواضع العجلات ( كروس ) ممكن يكون برضه ماتعملش .. لكنهم راضوني ، وخدوا العربية غسلوا موتورها على الفور . وشكلهم كده غسلوها بالمياة مش بالفوم.
تاني حاجة زعلتني وفقدت من ثقتي فيهم إن السوائل لم يتم تزويدها ،، فمثلا مياة المساحات فاضية .. وهذا إن دل فيدل على أنهم لم ينظروا عليها أساساً .
ثالث حاجة : إن العميل ما بيشوفش حاجة أبداً من اللي بتحصل .. وبيسيبهم لضميرهم .

تقديري الشخصي للسيارة : السيارة جيدة لكن ثمنها في مصر مغالى فيه حبتين .

**Bassem Raafat** · 17-12-2010 05:17 PM

1000 مبروك على الصيانه يا باشا ، ولتفادى ( الحركات البايخه اللى زعلتك ) حاول تروح فرع التجمع الخامس .

وده تقرير صيانة الـ 5000 هناك ممكن يعجبك الكلام اللى فيه عن الفرع ده .

http://www.nilemotors.net/Nile/185871-5000.html

ومش لوحدى اللى بشكر فى الفرع ده .... بصراحه أعضاء كتير إتعاملوا معاه وعجبهم .

وبالتوفيق .

**mhmdalsaadany** · 17-12-2010 08:58 PM

مبروك يا باشا وعقبال ال1000000 كم

**falak** · 19-12-2010 08:22 AM

المشاركة الأصلية كتبت بواسطة bassem raafat

1000 مبروك على الصيانه يا باشا ، ولتفادى ( الحركات البايخه اللى زعلتك ) حاول تروح فرع التجمع الخامس .

وده تقرير صيانة الـ 5000 هناك ممكن يعجبك الكلام اللى فيه عن الفرع ده .

http://www.nilemotors.net/nile/185871-5000.html

ومش لوحدى اللى بشكر فى الفرع ده .... بصراحه أعضاء كتير إتعاملوا معاه وعجبهم .

وبالتوفيق .

الله يبارك فيك يا باشا
وإن شاء الله هاجرب الفرع ده قريباً .. في صيانة الـ 25000 لإني شكلي كده مش هاعمل صيانة الـ 20000

**falak** · 19-12-2010 08:23 AM

المشاركة الأصلية كتبت بواسطة mhmdalsaadany

مبروك يا باشا وعقبال ال1000000 كم

الله يبارك فيك يا باشا
متشكر لمرورك المعطر

**arakysolom** · 26-12-2010 01:36 PM

المشاركة الأصلية كتبت بواسطة falak

بسم الله الرحمن الرحيم

اسمحوا لي أقيم سيارتي شيفروليه أوبترا 2009 أوتوماتيك ، وكذلك صيانة 15000 والتي كانت في توكيل العوض جروب

مميزات الأوبترا :

الصالون واسع ومريح
الارتفاع عن الأرض معقول جداً ولا يسمح بالاحتكاك في المطبات
الموتور عفي وإن كانت استجابته ليست سريعة قوي ، ولكن معقولة.
الشنطة واسعة
استهلاك البنزين متوسط بمعدل 10 كيلو لكل لتر بنزين ( طبعا يزيد الاستهلاك قليلا مع الزحمة والتكييف )
العفشة قوية وتستحمل.

العيوب :

الصاج ضعيف وطري جداً.
مراية الصالون صغيرة ولا تفي بالغرض.
العفشة ناشفة شوية . بحيث تخليك تشعر بما تدوس عليه.
صوت الموتور عالي نسبياً.
الكاسيت ( عيب أن تكون سيارة موديل 2009 وبها كاسيت شرايط ) وإن كانوا تداركوا هذا العيب في موديل 2011 وأصبحت تنزل بـ سي دي .
التابلوه فقير جداً ،، يعني تابلوه الأفيو أشيك ( من وجهة نظري )
جهاز الإنذار والريموت خايب جداً .. حتى مافيهوش خاصية أن تغلق السيارة الأبواب بعد التحرك.

تقديري الشخصي للسيارة : السيارة جيدة لكن ثمنها في مصر مغالى فيه حبتين .

+1111111111111111111111111111111111
تقييم ممتاز ربنا يباركلك

**blackbirate** · 27-12-2010 02:31 PM

عايز اقولك ان العوض جروب نصابين وحرمت اعمل صيانة عندهم تاني انا عملت صيانة ال5000 عندهم ولقيت الأسعار مبالغ فيها جدا يعني مثلا المصنعيات قالولي ببلاش عشان اول مرة وبعد كدة لقيتها علي الفاتورة كما ان المهندس المسؤول قليل الذوق ومبيعرفش يتعامل مع العميل وحاجات تانية كتير من ضمنها انك مابتشوفش العربية وهي بتتعمل ويقولك ممنوع الدخول لغير العاملين عشان كدة مش هروح هناك تاني لأني قريت من صيانة 10000 وعايز حد ينصحني بفرع صيانة محترم

**M.Yahia** · 27-12-2010 03:29 PM

اولا الف الف مبروك الصيانة
ثانيا انا معاك فى معظم التقيم بالذات موضوع المراية انا عايز اغيرها فعلا و الريموت مش جامد و فعلا مش بيقفل لوحده و مفيش ماكينة رفع و دى حاجة تخنق انما بالنسبة للسعر انا شايف انه مناسب بالنظر لاقرب المنافسين
........ مرة تانية الف مبروك

**Hossam_Zaky** · 27-12-2010 05:59 PM

مش حاجة غريبة انك تغير تيل الفرامل علي 15000 بس !!

اعتقد متوسط توقيت تغيير التيل من 25000 لحد 30000 و احيانا اكتر

الموضوع: تقييمي للأوبترا وصيانة الـ 15000 كم

LinkBack

أدوات الموضوع

عرض

-

-

المواضيع المتشابهه

تقييمي الشخصي عن فلاشات النت

تقييمي للايفو بونتو (مهم)

تقييمي للسيارة بعد تجربة سفر للاسكندرية (صد رد)

تقييمي للأوكتافيا a4

تقييمي لbmw 318i-2001

الكلمات الدلالية لهذا الموضوع

المفضلات

المفضلات

ضوابط المشاركة