موضوع للسهيره فقط و المشاركه من 12 صباحا الي 6 صباحا !!!

**ahmed_mido1889** · 19-01-2011 04:06 AM

المشاركة الأصلية كتبت بواسطة a7med_pharma

من بعيد لبعيد

طب هقولك على حاجة..وقولي معناها إيه

عرفت عن طريق واحدة صاحبتها الأتي
هيا كانت قاعدة مع صاحبتها ..وبتقولها الكلام ده بالنص
"" كنت ماشية في الزقازيق يابسمة..وفجأة لقيت أحمد قدامي بالصدفة ..فضلنا بصين لبعض نص ساعة..أبصله ويبصلي""

هيا قالت كده لبسمة صاحبتها..وبسمة تبقا مرات صاحبي الأنتيخ
وطبعا الكلام ده محصلش خاااااااااالص..ولا شوفتها في الزقازيق ..ولا وقفت ولا أي حاجة من دي خالص
هيا قالت الكلام ده قريب أوي
طيب قالته ليه؟؟؟؟
وهيا دلوقتي المفروض إنها مخطوبة؟؟؟

حد عنده تفسير؟؟؟؟؟؟؟؟

ممكن تكون مش مستريحه او نفسها تفضفض معاك
او بتحاول توصلك ان اللي حصل ده مش بارادتها غصب عنها او اجبار من اهلها
لكن انت اللي في قلبها

**A7MED_PHARMA** · 19-01-2011 04:11 AM

المشاركة الأصلية كتبت بواسطة ahmed_mido1889

ممكن تكون مش مستريحه او نفسها تفضفض معاك
او بتحاول توصلك ان اللي حصل ده مش بارادتها غصب عنها او اجبار من اهلها
لكن انت اللي في قلبها

اصل ماتتخيلش ياميدو

أيامها
كنا مجانين ببعض أووووووووووي
لدرجة لو حكيتلك..هيجيلك إسهال من الضحك
تعرف

مرةكنت خارج معاها..عدينا على محلات بتاعت فساتين العرايس
قولتها تعالي نشوف فستان ليكي(الكلام ده قبل أي كلام رسمي مع أهلها)
المهم
دخلت هيا قاست فستان..وعلى مالبسته
كنت أنا روحت قسم البدل الرجالي في نفس المحل..ولبست بدلة (خدوا بالكوا كنت لابس صندل مش جزمة)
ووحتلها القسم الحريمي
وإتصورت معاها صورة عريس وعروسة على الموبيل
كانت هتموت من الفرحة بالصورة ...وأنا كمان بصراحة
ههههههههههههههه
كل ماشوف الصورة دي دلوقتي ....أعيط غصب عني

**ahmed_mido1889** · 19-01-2011 04:38 AM

المشاركة الأصلية كتبت بواسطة nicegypt

طالما الموضوع فيه ظابط ووصل لنيابة .. يبقى اقوم اكول احسن .. هروووب .
متقولنا يا ميدو موضوع المشكلة اللى حصلت دى بينك وبين الست دى ... انا مش عارف انت لية دايماَ متصاب ؟؟
فية عين عليك يا ميدو جامدة قوي ... مرة تخيش ف واحد بعجلة .. ودماغة تطلع زى ال watermelon
ومرة نيابة لسب وقذف لية يا حج كدة ؟؟؟

الحوار ان انا ساكن في دار السلام
تعتبر منطقه شعبيه وعمارتنا فيها ناس مستواهم عادي ووالدي كان شغال في مصر للبترول
المهم احنا عندنا عربيتين الدايو معانا من 2002 والفولكس كانت واقفه 6 سنين شدتها وبقيت اركبها
وبركب الدايو بنوع مره بدي ومره بدي
يجي الجيران انضف واحد فيهم معاه مرسيدس 1980
مراته بص اني انا لسه صغير ومعايا عربيتي
اول مره قليتلي كده في وشي لبست في دهر كورولا 92 والحمد لله العربيتين سلام كان ترييح مش اكتر بس ترييح جامد
تاني مره بتاعت مرات الظابط كنت بوصل اختي الاصغر مني المدرسه كنت بالفولكس داخل شارع المدرسه علي شمالي لاقيت عربيه دايو لانوس زنقت نفسها بيني وبين الرصيف كبست فرامل عالاخر وفادتها
بقولها حرام عليكي اللي بتعمليه عالصبح ده
وسكت داخل بنزل اختي عند المدرسه لاقيتها بتنزل ولادها المدرسه اللي اختي فيها
داخل اركن قدامها لاقيتهاقامت طالعه ببوز عربيتها علشان اخبط فيها وابنها كان لسه بينزل من العربيه
حكيت في الرفرف القدامني عندها نازل اقولها لو في حاجه هصلحها لاقيتها بتقولي انتو عالم زباله انت واللي مخلفينك
قولتلها اكلمي باحترام بتقولي انا هربيك انت واللي خلفوك
الطبيعي دخلت قعد في عربيتي قولتلها لما تهدي هتكلم معاكي
خدت نمر العربيه وراحت عملت محضر عند جوزها في القسم طبعا قالت اني قولتلها شتايم قبيحه يا بنت...ويا.....
انا هربيكي انت واللي خلفوكي!!!
وتلفيات العربيه فانوس شمال رفرف شمال بابا شمال اكصدام وحطيتهم 5000جنيه!!!!!!!
تاني يوم بوصل اختي كانت الفولكس عند الميكانيكي بيشيك عليها
لاقيت الغفير بيقولوهم هو ده صاحب العربيه بس الصراحه الست هي اللي غلطانه
لاقيتهم جايبين ميكروباص مليان امناء شرطه علشان ياخدوني عالقسم خدت عربيتي ورحت هناك
كلمت خالي كان لواء شرطه سابق
جالي القسم ولم المحضر هناك قالولي لازم تتطلع عالنيابه
طلعت عالنيابه بابا كلم صاحبه طلع جوز بنته صاحب رئيس نيابه المعادي
خلصت وخدت اخلاء سبيل من قسم الشرطه
رحت القسم علشان امشي من هناك
طبعا كان جوزها شغال في القسم ده وموصي عليا
لقيت بيقولي خش الحجز
اتخانقت مع واد ملازم اول
فدخلني الحجز وجوه حبه عيال مسجلين
حبو يعملو بلطجيه لاقيتها ضايعه ضايعه لوشت بايديا ورجليا
بس المهم قميصي اتقطع ابويا كلم واحد قريبو يعرف مدير امن العاصمه ومساعد وزير الداخليه
وواحد تاني جاري كلم عميدطلع نائب المأمور في القسم
وعمي كلم عميد طلع مامور قسم التجمع الخامس
بس لقيتهم طلعوني ابويا كان عايز يلم الحوار علي كده
رحت وزاره الداخليه اداره التفتيش عملت شكوي في جوز الست دي
لاقيته جي يتحايل عليا اني اتنازله عن الشكوي
وهو خلي مراته تروح تتنازل عن المحضر خلاص وقالي روح خد اثبات تنازل من النيابه
سبت الشكوي مايه عادي ولبسته في الحيط
اتوقفلو ترقيه وفي الاخر حول لولاده من المدرسه علشان ميحتكش بيا
بس هي دي حكايتي يا عم الحج.....

**ahmed_mido1889** · 19-01-2011 04:45 AM

المشاركة الأصلية كتبت بواسطة a7med_pharma

اصل ماتتخيلش ياميدو

أيامها
كنا مجانين ببعض أووووووووووي
لدرجة لو حكيتلك..هيجيلك إسهال من الضحك
تعرف

مرةكنت خارج معاها..عدينا على محلات بتاعت فساتين العرايس
قولتها تعالي نشوف فستان ليكي(الكلام ده قبل أي كلام رسمي مع أهلها)
المهم
دخلت هيا قاست فستان..وعلى مالبسته
كنت أنا روحت قسم البدل الرجالي في نفس المحل..ولبست بدلة (خدوا بالكوا كنت لابس صندل مش جزمة)
ووحتلها القسم الحريمي
وإتصورت معاها صورة عريس وعروسة على الموبيل
كانت هتموت من الفرحة بالصورة ...وأنا كمان بصراحة
ههههههههههههههه
كل ماشوف الصورة دي دلوقتي ....أعيط غصب عني

ربنا يوفقك يا فارما وتلاقي اللي تريح بالك وربنا يعوضك عنها خييير واحسن منها

**AhMeD EzZ** · 19-01-2011 04:46 AM

المشاركة الأصلية كتبت بواسطة a7med_pharma

دي خلاصة الكلام
ناس ممكن تعرف بنات ..وعادي..تهييس
لكن الوقعة في الحب دي ..بجوووووووون
دهولة بعيد عنكم..يعني ماتسلمش قلبك لحد
إلا لما تكون ضامن إنه ليك..مش لحد تاني

للاسف انا غلط الغلطة دي

==================
يا دوك شفت المشاركة دي

يا دوك
كان في سؤال نفسي اعرف له اجابة من زمان
الادوية المضادة للاكتئاب دي ليها تاثير فعلا و ايه اعراضها الجانبية و مساوئها

**ahmed_mido1889** · 19-01-2011 04:53 AM

يا جماعه من كتر لما اتظلمت في القصه دي واتبهدلت بقيت كل يوم وانا بحاول انام معرفش ولو نمت احلم بكوابيس
وابقي حاسس بضيق في صدري وعارف حاجه بتقولك انتحر
واللي بيدايقني اكتر كذا واحده من بنات عمامي وعماتي كل شويه يقولي ما انت بقيت سوابق
من غير اي سبب
واحده منهم قاليتلي الكلمه دي وانا سايق عالدائري والله كنت هخش بعربيه تحت تريلا اموت نفسي واموتها
بس كنت بقول انا هموت كافر
لحد الحمدلله لما خدت حقي

**A7MED_PHARMA** · 19-01-2011 04:54 AM

يا دوك
كان في سؤال نفسي اعرف له اجابة من زمان
الادوية المضادة للاكتئاب دي ليها تاثير فعلا و ايه اعراضها الجانبية و مساوئها

تاهت وسط وجع القلب ياعز
ههههههههههههه

بص
مضادات الإكتئاب دي ..بتسبب حالة من الهدوء العصبي
وتقلل القدرة على التركيز ..والتفكير السليم
يعني
بتخليك مش قادر تفكر في الحاجة إلي بتسبب ليك الإكتئاب
ومعظمها بتسبب النعاس
علشان كده ...لو بتسوق أو بتتعامل مع الألات..ماتخدهاش
وهيا خطيرة ..لإنك ممكن تتعود عليها نفسيا

**ahmed_mido1889** · 19-01-2011 05:14 AM

وواحد صاحبي كل شويه يتريق عليا قولتله لولا انك انت صاحبي كنت دعيت عليك تدوق الظلم في الاقسام

-

-

الموضوع: موضوع للسهيره فقط و المشاركه من 12 صباحا الي 6 صباحا !!!

LinkBack

أدوات الموضوع

عرض

-

-

-

-

-

-

-

-

المواضيع المتشابهه

حظر التجوال بالتحرير ووسط البلد من 2 صباحا الى 7 صباحا

التكييف صباحا

صوت مع الدواره صباحا فقط

صعوبة فى الدوران صباحا

مشكله في الدواره صباحا

الكلمات الدلالية لهذا الموضوع

المفضلات

المفضلات

ضوابط المشاركة