الموضوع: 30 ولا 40 ولا 50 ؟

المشاركة الأصلية كتبت بواسطة ayabooy

الرقم ده بجد متعب جدا
فعلا المونديو كدة الاختيار الافضل بس يكون في معلومك انه بعد شهر مش هاينفع تبيعها بجنيه واحد اكتر ما جبتها يعني تكون عارف كويس انها مش عربية بياعة و مفيش عليها طلب
بس ثباتا و جودة و قوة الفورد تكسب عربيات تانية كتير و لو هانقارن بـ 405 انا معرفش خباياها ايه بس مشوفتش عربية فرنساوي مش متعبة في موضوع التبريد بتاعها بس الـ 405 نفس فئة الاسكورت مش المونديو
عموما لو هاتجيب مونديو تعرف انك بتجيب عربية مستعملة يعني لازم هايكون فيها شغل عى الاقل علشان تبقي مظبوطة حسب مزاجك انت
و تبقي عارف انك ساعة الشراء مبتشوفش 40% من عيوب العربية و بتظهر معاك مع الوقت
عموما دور كويس و ربنا يوفقك و كلامك مظبوط مفيش عربية هاتكون مناسبة بنسبة 100 % لازم يكون فيها نقطة ضعف معينة
بس اسال كويس على قطع الغيار و خصوصا ما يتم تغيرها بصفة مستمرة
يعني مثلا
تيل فرامل امامي و خلفي و طنابير
فلاتر زيت و بنزين و هواء و تكييف
خراطيم دورة المياه ( و خلي بالك منهم )
جوانات و خصوصا جوان غطاء تكيهات
عموما لو حابب انك تجيب الاتوماتيك المفروض تعرف طريقة التعامل معاها علشان متبقاش انت بتفتري على العربية و في الاخر تقول الفتيس بتاعها وحش
و برده خلي بالك و انت بتشتري ان شكل الصالون دايما بينم عن شخصية صاحب العربية و طريقة تعاملة معاها

باشا ..هو ده اللى انا اقصده .. أنا عارف انها مش بياعه و عموما انا مش ناوى أغير غير بعد كذا سنه و مش ناوى أبيعها قريب .. المهم ان تكون حالتها جيده و تريحنى فى مشاويرى .. و كده كده هبتصرف عليها عشان تبقى على المزاج زى ما انت بتقول .. أنا كل اللى عايز أعرفه بعد ما أستقريت فى ال3 فورد على المونديو .. هل ليها عيوب شائعه يصعب التعامل معها غير موضوع غلو قطع الغيار و الصيانه من واحد فاهم فورد ؟
1600 مانيوال كافيه على عربيه كبيره زى مونديو ولا 2000 cc أتوماتيك و ايه مشاكلهم ؟
ولو فيه أى تحذيرات فى طريقه التعامل مع الأتوماتيك ياريت توضخعالى :)
وبالنسبه لقطع الغيار اللى حضرتك ذكرتها .. مش فاهم أسأل مين عليها ؟ مش حضراتكم كاتبين أسعار تقريبيه ليها
هنا فى المنتدى ؟
ومعلش أسف انى بسأل كتير و بزعجكم بس عارف انى بسأل فى حاجات مش اى حد هيفيدنى فيها غير
حضراتكم و لكم جزيل الشكر

i_Am_Legend

البرافا أنا بحب شكلها برضه بس معرفش أى معلومات عنها و صيانتها و أدائها و قطع غيارها ,, لو عندك أى معلومات يا باشا عن واقع تجربه يبقى كتر خيرك :)

MohamedSotohy

تمام ياباشا ,, أنا عامل حسابى على الكشف فى التوكيل و الأهتمام بالتفاصيل دى ,, بس أنا بسأل عموما المونديو لو ليها عيوب شائعه معروفه الواحد يحطها فى حسبانه
بالأضافه انى برضه نفسى أعرف الفرق بين موديل 98 و موديل 2000 ؟
و 1600 cc و 2000 cc أتوماتيك ؟ هى الـ 1600 كموتور كافى بالنسبه لعربيه كبيره زى مونديو ؟

mido51eg

ماشاء الله ربنا يبارك للمالك السابق و يبارطلك فى عربيتك ياباشا

نفسى فى خد يكون كده مع المونديو و يكون هو أول مالك :)