30 ولا 40 ولا 50 ؟

**ELWAA** · 18-12-2010 03:27 PM

مساء الخير على كل الناس المحترمه الفورداويه اللى هنا :)

أنا اسمى على أبوالورد

أنا سجلت مخصوص عشان اشارك معاكم لأنى حسيت انكو اكتر ناس فورداويه ايجابيين و مش بيلخلوا على حد بمعلومه

أنا بحب فورد من زمان لأنها عربيه فخمه و مش منتشره و شيك

دلوقتى بفكر أجيب أول عربيه ليا و انا شغلى الفتره الجايه هيتطلب وجود عربيه دائمه بشكل يومى مستمر ,, فقلت
الفورد بتستحمل الهلك على ما اعتقد ,,
سؤالى بقى .. أجيب إسكورت بـ 30 و لا مونديو بـ 40 ولا فوكس 2003 بـ 50 ؟!؟
مش بيفرق معايا غلو قطع الغيار بس المهم انها بتعيش و موجوده ؟

أنا عايز عربيه تستحمل مشاوير كل يوم كـ sales engineer العربيه تحت رجلى طول اليوم و فى نفس الوقت أعطالها متكونش كتير,, أنا اكتر واحده بحبها هى المونديو ,, نفسى أعرف انهى احسن واحده اداء و قله اعطال ؟

و اكون شاكر ليكو جدا

**aYaBooY** · 18-12-2010 11:25 PM

المشاركة الأصلية كتبت بواسطة ELWAA

[gdwl]أول عربيه ليا [/gdwl]

**aYaBooY** · 18-12-2010 11:27 PM

بلاش تكون اول عربية ليك عربية قليلة و قطع غيارها غالية

**ELWAA** · 19-12-2010 12:02 AM

مممم ,, شكرا ليك يا باشا على إهتمامك ,, بس أنا حابب أوى انى أركب فورد و مش حابب أركب عربيه فيات او كده أعطالها كتير
و فكرت ممكن فى بيجو 405 برضه عشان بتستحمل و قويه بس الفورد عجبانى أكتر ,,
أنا بفكر مثلا أجيب مونديو محترمه و أظبطها تظبيطه محترمه معنديش مشكله فى كده بس تستحملنى فى مشاويرى
إيه رأى حضرتك ؟

**MohamedSotohy** · 19-12-2010 01:31 AM

اي حاجه تعوزها في المونديو عن خبره انا تحت امرك(وما تسمعش من اي فتاي وخصوصا لو كان معاه عربيه غير المونديو)

**aYaBooY** · 19-12-2010 10:39 AM

المشاركة الأصلية كتبت بواسطة elwaa

مممم ,, شكرا ليك يا باشا على إهتمامك ,, بس أنا حابب أوى انى أركب فورد و مش حابب أركب عربيه فيات او كده أعطالها كتير
و فكرت ممكن فى بيجو 405 برضه عشان بتستحمل و قويه بس الفورد عجبانى أكتر ,,
أنا بفكر مثلا أجيب مونديو محترمه و أظبطها تظبيطه محترمه معنديش مشكله فى كده بس تستحملنى فى مشاويرى
إيه رأى حضرتك ؟

طيب بكرر نصيحتي بلاش تكون اول عربية ليك فورد و انت حر
اقراء مواضيع القسم كويس و كون فكرة خاصة بيك الاول
طبعا المفروض تلف شوية في باقي الاقسام علشان تعرف الفروق بين العربيات و عموما اي سؤال هاتلاقي ليه رد هنا
و لو موضوع الفلوس معاك مش مشكلة انصحك تفكر في الفوكاس ( حصان فورد الرابح )
رقم واحد هيا موديل اعلى
رقم اتنين هيا اعلى مبيعات لعربية فورد بقالها كذا سنة
رقم ثلاثة فروق اتمان قطع الغيار الرئيسية مش عالي قوى
رقم اربعة ارتفاعها من الارض افضل من المونديو ( هيا مش عالية بس افضل من المونديو و الاسكورت )
رقم خمسة نقطة تخليها في راسك كويس قوي لو ليك مشاوير كتير برة القاهرة يبقي لازم تكون صاين عربيتك و مظبطها كويس قوي
علشان لو حصلها اي مشكلة و انت برة القاهرة مش هاتلاقي حد يعرف يعملهالك كويس علشان صيانة الفورد لازم تكون عند متخصص فورد
عموما و انت بتشتري كلمة تخليها دايما في راسك ايا كان الموديل الي انت بدور عليه (( الفورد عربية بشوات مينفعش تركبها من ورا شحات ))
يعني قبل ما تتفرج على العربية لازم تحس ان صاحبها باشا و صاينها كويس قوي كدة او ممكن العربية تكرهك في اليوم الي اتعلمت فيه السواقة

**egytamer** · 19-12-2010 11:20 AM

المشاركة الأصلية كتبت بواسطة ayabooy

طيب بكرر نصيحتي بلاش تكون اول عربية ليك فورد و انت حر
اقراء مواضيع القسم كويس و كون فكرة خاصة بيك الاول
طبعا المفروض تلف شوية في باقي الاقسام علشان تعرف الفروق بين العربيات و عموما اي سؤال هاتلاقي ليه رد هنا
و لو موضوع الفلوس معاك مش مشكلة انصحك تفكر في الفوكاس ( حصان فورد الرابح )
رقم واحد هيا موديل اعلى
رقم اتنين هيا اعلى مبيعات لعربية فورد بقالها كذا سنة
رقم ثلاثة فروق اتمان قطع الغيار الرئيسية مش عالي قوى
رقم اربعة ارتفاعها من الارض افضل من المونديو ( هيا مش عالية بس افضل من المونديو و الاسكورت )
رقم خمسة نقطة تخليها في راسك كويس قوي لو ليك مشاوير كتير برة القاهرة يبقي لازم تكون صاين عربيتك و مظبطها كويس قوي
علشان لو حصلها اي مشكلة و انت برة القاهرة مش هاتلاقي حد يعرف يعملهالك كويس علشان صيانة الفورد لازم تكون عند متخصص فورد
عموما و انت بتشتري كلمة تخليها دايما في راسك ايا كان الموديل الي انت بدور عليه (( الفورد عربية بشوات مينفعش تركبها من ورا شحات ))
يعني قبل ما تتفرج على العربية لازم تحس ان صاحبها باشا و صاينها كويس قوي كدة او ممكن العربية تكرهك في اليوم الي اتعلمت فيه السواقة

الصراحة كلام فية الخلاصة
الاسكورت حلوة بس مفيهاش اوبشن عالي فيستحسن مدام مع حضرتك وفرة مادية تخليك في اوبشن ودلع.
المنديو عربية حميلة وفيها اوبشن ممتازة وسعرها معقول.
الفوكاس كل مميزات المنديو + تكنولوجيا احدث واوبشن اكتر واستهلاك بنزين اقل وياريت الشكل الي من اول 2006 شكلها جديدة وشيك جدا.
وحكاية انها تكون اول عربية ليك لو انتا بتحب العربيات وهتقدر تتعامل مع الميكانيكية وتتعود عليهم يبقي تمام اهم حاجة الحالة لان لو حالة العربية تعبانة هتكرهك في العربيات كلها وربنا يوفقك.

**ELWAA** · 19-12-2010 02:36 PM

MohamedSotohy
ربنا يخليك يا باشا .. أنا بس عايز أعرف ايه الفرق بين مونديو 98 و مونديو 2000 ؟ و سمعت أنه فيه مشاكل كتير للـ 2000 cc الأتوماتيك ؟

فلو حبيت أجيب مونديو اجيب انهو موديل و اتوماتيك ولا مانيوال ؟ و لو فيه واحده حالتها جيده ايه الجاجات اللى مختاج أصرف عليها عشان تبقى تمام ؟ بالبلدى ايه العيب الشائع فيها غير انها فورد و مش اى حد يقيمها و يفهم فيها و شكرا يا باشا

**ELWAA** · 19-12-2010 02:47 PM

aYaBooY

باشا كلامك على راسى من فوق والله ولازم استفيد بيه ,, أومال انا بسألكم ليه ؟
القصه انه انا قريت كتير فى المواضيع هنا و فيه بقيه الأقسام و تقريبا مفيش عربيه محدش بيشتم فيها !! :)
أنا مبدأيا مش بحب الكورى .. الأكسينت و اللانوس و كده.. قبالتالى بدور على الأوروبى أو اليابانى
السيفيك 92-94 أكتر عربيه عجبانى فى اليابانى بس تعتبر غاليه جدا على موديلها يعنى 45-50 للحالخ الجيده و ده طبعا على عربيه بقى لها 16-18 سنه بتشقى فى اراضى مصر المحروسه ,,

عشان كده قلت مثلا البيجو 405 واسعه و محترمه و تستحمل ,, اسمع الناس تقول ابعد عنا بتسخن و بتجيب زيت و واطيه و ..و..و..

الفلوس مشكله طبعا .. انا كنت حاطط كبدايه 35 الف لقيتهم مش هيجيبوا حاجه محترمه ,, فكرت فى المونديو و قلت الى كان بيخلينى افكر فى السيفيك طب اقرص على نفسى شويه و اجيب فوكاس 2003 بخمسين مثلا وده لما اقرص على نفسى جامد و ربنا يسهل خصوصا انا مقتنع انه غلو قطع الغيار مش مشكله كبيره لأنها أكيد بتعيش كتير و انا مش عايز اوجع دماغى بتغيير قطع غيار كل يوم -- عاليه بس موجوده و بتعيش .

حضرتك شايف ايه لو بدايه فى 40-35 مثلا و مش فورد وتكون بتستحمل مشاوير طول اليوم

**ELWAA** · 19-12-2010 02:51 PM

egytamer

متشكر جدا ياباشا على ذوقك ,, وبالنسبه لفوكاس 2006 هتبقى غاليه عليا انا اخرى 50 لو الفوكاس 2003 فى الرينج ده زى ما قريت و شوفت لو اغلى يبقى مونديو متظبطه و انا لسه بقلب كل جاجه فى دماغى و لاخد نصايح حضراتكو الغاليه جدا بجد :)

الموضوع: 30 ولا 40 ولا 50 ؟

LinkBack

أدوات الموضوع

عرض

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة