الموضوع: اية رائيكم الفورد فيستا 2010 أو سيات ليون ؟؟؟

حضرتك تقصد فيستا و Ibiza. الليون ديه اكبر كتير من الفيستا.
عامتا الفيستا تقريبا كل العالم بيقول عليها احلي super - mini و بعدين نتكلم مابين الIbiza والكورسا الجديدة. أنا بس استغليت الفيستا لما لقيتها 1400 cc بس وكانت اغلي من الIbiza ال1600.
برنامج fifth gear كان عامل مقارنة مابينهم ويمكن هما من الناس القليلة اللي قالوا الIbiza أحلى. الفيستا على فكرة برده من تصميم ford المنيا بس معرفش بتتصنع هناك برده ولا لأ
لو حضرتك يهمك الأداء يبقي الIbiza لو مش فارق معاك ممكن تشوف الفيستا. الاتنين عربية تكنولوجيا الماني ومن اقوي وأحسن عربية فأتهم في مصر. رأي حضرتك أحسن تشوف الاتنين على الطبيعة. خد بس في اعتبارك الاتنينن نفس السعر, الاتنين حلوين قوي بس الIbiza 1600 والفيستا 1400

انا عن نفسي محتار بجد في المقارنة دي واعتقد فعلا ان حضرتيك تقصدي السيات ابيزا مش ليون عموما الفيستا عربية هايلة وفي توب جير كانو عاملين عنها تقرير وبيقولو انها افضل عربية ميني وكانت واخدة اعلي تقيم وجيمي كلارسون كان ناقص انو يحلف بالطلاق انها معجزة هندسية ويبوس عجل العربية من كتر الاعجاب وبما ان حضرتيك في الامارات والفورد هناك منتشرة اكتر بكتير واعادة البيع احسن من السيات الي اكيد هتكون نادرة جدا فخليكي احسن في الفيستا وفية كمان عربيات صغيرة حلوا ممكن حضرتيك تشوفيها وربنا يوفقيك لعربية حلوة.