الموضوع: غطا اللوجان طلع مأزعر :)

المشاركة الأصلية كتبت بواسطة super_star_h

عندى الغطاء برضو يادوب على النمر ورا
ده بسبب ارتفاع السقف والشنطه

صحيح و خصوصا الشنطة,عالية اوي

المشاركة الأصلية كتبت بواسطة أشرف العدوي

في التوفيقية بـ 110 في سوستة لباب السائق و مكان للمرايات و مافيش سوستة للشنطة
بس تحفة و مبطن من جوة

هاروح اشوفة ان شاء الله

المشاركة الأصلية كتبت بواسطة zkralla

مبروك يا باشا ربنا يديك خيرها ويكفيك شرها
اهلا بيك فى الكلوب

الله يبارك فيك
اهلا بيك يا باشا

المشاركة الأصلية كتبت بواسطة frhateg

بس نصيحه للغالي اكتب عليها رقم العربيه بخط كبير احسن اخوك جاب للوجي غطاء محترم و مالحقتشي تتهنا بيه و هلبوه من عليها في عز البرد و سبوها تتكتك من السقعه .

اه يا عيني صعبت عليا اوي

المشاركة الأصلية كتبت بواسطة د.أحمد عبد الرحمن

يا باشا وليه التعب بس

الغطا موجود في التوكيل ب 175 جنيه ووتر بروف خفيف ومن النوع الحلو اللي وزنه كله ميعديش كيلو

ومكتوب عليه رينو ومعاه شنطة صفرا مطبوع عليها رينو

نسخة طبق الاصل من الللي جابهولنا من سنة أستاذ هاني chato eg

بس يا باشا المبطن حلو و قيم شوية و تقيل نسبيا عن العادى انا شمعت انه بيطير كمان سهل حد ينسره باي حاجة حادة و كدة
بس طبعا شكرا عالمعلومة

المشاركة الأصلية كتبت بواسطة mo7asmsm

انا جبت بتاع السيراتو من الوكالة ب 140 جنية بس مش وتر بروف هوة قماش خيم تقيل بس حلو قوى و مغطي العربية كلها و مبروووووووووووووووووووووو وووك ياسيدي

الله يبارك فيك
بصراحة انا مش بحب القماش مع انه في الحماية جيد جدا
لكن تقيل اوي في الشيل و الحط
و كمان بيلم المطرة
و الكلاب بتعزة اوي :)))

المشاركة الأصلية كتبت بواسطة moustafa_saad

ياباشا رجعه خساره تدفع 200 جنيه فى حاجه مش على مقاسها
انا جبت واحد من مهمول من قماش لبس الجيش بتاع بيجو 504 وطلع صغير عليها برده ونص الباب كان عريان وب 60 جنيه
رجعته وجبت بتاع المرسيدس ب 90 جنيه بس مقاسه تمام وطويل سنه صغيره بس مظبوط من العرض ومغطى العربيه من الاكصدام للاكصدام والنمر متغطيه ( العربيه فعلا طلعت كبيره رغم انه مش باين عليها )ده غير انه بيستحمل ولو اتقطع وممكن يترقع ويتصلح
لو انت بتنزل اسكندريه زراعى وممكن تعدى على دمنهور فى سكتك تقابلنى واجيبلك واحد

جزاك الله خيرا على تعبك و ذوقك
ان ليا حبايب كتير اوي في دمنهور و نادي دمنهور للسلة

بس فعلا اللوجان تخونك في المقاس/ معاك السعر كتير مفارنة بحاجات تانية بس ان شاء الله اصورة و اوريكم
هايعجبكم اوي بس الاقي مفاس اكبر ان شاء الله