السلام عليكم ازيكم يا أعضاء منتدى رينو الكرام.
أنا جبت فلوانس 2011 لسا من أسبوعين والعربية ما شاء الله روعة وبصراحة أحلى حاجة عجبتني فيها شكلها ووسعها ودي أول مرة ليا أركب فرنسي كل اللي كنت بركبه ياباني (لانسر - نيسان ) وبصراحة حاسس أن الفرنسي فعلا التعامل معاه مختلف شوية عن الياباني فأنا دلوقتي حاليا في مرحلة التعود على الفرنسي ...
وبصراحة العربية فيها اهتمام جدا غير عادي براحة الراكب واهتمام بالفخامة إلى حد كبير .. ومن أكتر الحاجات اللي شدت انتباهي نعومة الباور إلى حد كبييير جدااا وعجبتني المالتي فانكشن اللي في الدركسيون ..
بس في حاجات صغير بصراحة كانت محيرااني بس كنت عاوز أفهمها .

زراير الكمبيوتر اللي في دراع المساحات (الدراع اليمين) ازاي أستفيد منها أو بمعنى أصح إيه اللي ممكن أستفيده منها هل هو مجرد فقط عداد الكيلومترات وعدادت الرحلات ولا في حاجات تانية أنا مش واخد بالي منها ؟

وياريت تقولولي إيه نصايحكوا لواحد انتقل للفرنسي بعد الياباني يعني في حاجات معينة آخر بالي منها أو اختلافات أتوقعها ؟؟
وجزاكم الله خيراااا