الموضوع ده تعابني جدا ومش عارف ايه السبب

**amooooor_s** · 22-12-2010 08:50 AM

انا معايا جوليت 2001 والعربية بترتل اوي وفي ريحة عادم واصلالي جوه العربية ومش عارف الترتيله دي من الموبينه ولا الرشاشات مع إني مغير البوجيهات وسلوك البوجيهات والزيوت والفلاتر والموتور عامل 125 الف كم ومبتغبش في الدوارة الصبح ولا يوجد أي نوع من الدخان بس مش (تتليته) لا هي ترتيله مع ضغط زيادة على دواسة البنزين ولازم اسايسها في المشي علشان مترتلش

**محمد الشامي** · 22-12-2010 09:35 AM

اتأكد الاول ان اسلاك البوجيهات والبوجيهات سليمه

انا اشتريت طقم اسلاك كوري ومشتغلش 2000 كم على بعض ورميته في الزباله , وكانت الاعراض زي اللي حضرتك بتقولها بالظبط

لو عندك طقم الاسلاك القديم جربه بدل الجديد وكمان جرب البوجيهات القديمه , وشوف الدنيا ايه (طبعا ده في حاله انك تكون شيلت القديم وهو لسا شغال)

**احمد المصرى** · 22-12-2010 09:54 AM

انا مغيرتش طقم الاسلاك لحد الان والعربيه عامله 52 الف كيلو بس بغير البوجيهات على طول

صح ولا غلط كدا

**amooooor_s** · 22-12-2010 10:25 AM

متشكر جدا على سرعة الرد بس ممكن اسلاك البوجيهات تكون بايظه وهي جديدة طب لو فعلا كده اجيب احسن نوع ايه وبكام

**محمد الشامي** · 22-12-2010 10:54 AM

المشاركة الأصلية كتبت بواسطة احمد المصرى

انا مغيرتش طقم الاسلاك لحد الان والعربيه عامله 52 الف كيلو بس بغير البوجيهات على طول

صح ولا غلط كدا

صباح الخير يا صديقي

مفيش غلط في اللي انت بتعمله , بس اظن ان مع الوقت كفاءه الاسلاك في توصيل الكهرباء للبوجيهات بتقل , وده معناه انك حتى لما بتحط بوجيهات جديده فـ هتشتغل كويس لكن مش بكفاءه 100% , وتقريبا كمان حاله الاسلاك بتأثر بالسلب على العمر الأفتراضي للبوبينه

بس بردو استنى رأي الزملاء الأكثر مني معرفه في النقطه دي لتأكيد او تصحيح كلامي

المشاركة الأصلية كتبت بواسطة amooooor_s

بس ممكن اسلاك البوجيهات تكون بايظه وهي جديدة

انا من شهرين اشتريت طقم اسلاك كوري (جديد) بـ 40 جنيه من عند ابو الحسن
واشتغل معايا تمام التمام لمده شهر او شهر و شويه , وبعدها وفجأه اثناء رجوعي من مشوار لقيت العربيه بـ تتلت ولو كبست بنزين او حبيت اسحب بيها مره واحده تتخنق وتتبرجل وتنتش
ولازم اسايسها عشان تمشي من غيره تنتيش , و لما بيكون الار بي ام عالى واكبس بنزين اكتر مش بيحصل حاجه
وقعدت حيران كام يوم وقلقت لا تكون البوبينه باظت
وفي الاخر بدأت افحص مجموعه الاسلاك والبوجيهات وطلع العيب من طقم الاسلاك (الجديد) كله ولما حطيت القديم مكانه العربيه اشتغلت زي الفل , ولكن طبعا بعد ما نضفت البوجيهات وظبطت الثغره

عشان كده من رأيي افحص الاسلاك والبوجيهات الاول , لانهم اقرب سبب للمشكله دي (من وجهه نظري)

**amooooor_s** · 22-12-2010 11:04 AM

شكرا على الرد أستاذ / محمد الشامي بس سؤال تاني وأسف على الاطالة هل ده يؤثر على إستهلاك البنزين وريحة العادم ؟

**محمد الشامي** · 22-12-2010 11:16 AM

انا تحت امرك

وبالنسبه لإستفسار حضرتك
الخلل في اسلاك البوجيهات او البوجيهات نفسها = احتراق غير سليم (غير مكتمل) للبنزين
و ده معناه تغيير في ريحه العادم وشكله (احيانا) , وبالنسبه لإستهلاك البنزين فأعتقد انه مش هيكون مختلف بالشكل الملفت للنظر

**amooooor_s** · 22-12-2010 12:16 PM

سؤال تاني ياجماعة واسف للاطالة هل لو فعلا أسلاك البوجيهات كانت العيب أغير معاها طقم البوجيهات تاني ؟ وهل ده لو مش عيب أسلاك البوجيهات ممكن يكون عيب موبينا ولا أعراض الموبينا غير كده ؟

**محمد الشامي** · 22-12-2010 12:40 PM

لو العيب من سلك البوجيهات غيير السلك بس ومش لازم تغيير البوجيهات (لو لسا جديده)
بس طبعا حاول تفكهم وتنضفهم من اي رواسب عليهم واظبط الثغره بتاعتهم على 0.7 مللي و بعدها ركبهم

(على فكره ممكن تنضف البوجيهات بالـ wd40 وبعدها تنشف البوجيه كويس وتركبه)

-

الموضوع: الموضوع ده تعابني جدا ومش عارف ايه السبب

LinkBack

أدوات الموضوع

عرض

الموضوع ده تعابني جدا ومش عارف ايه السبب - انشر الموضوع فى :

-

-

-

-

-

-

-

-

المواضيع المتشابهه

العربية مخنوقة ومش عارف ايه السبب

مشكلة بس مش عارف السبب

محدش عارف اية السبب

الكلمات الدلالية لهذا الموضوع

المفضلات

المفضلات

ضوابط المشاركة