الموضوع: طريقه تصليح النقر والخبطات البسيطه.. موضوع للمناقشه

ايوا ياباشا الجهاز دا كامل ميه ميه هوا دا المطلوب..

المشاركة الأصلية كتبت بواسطة mahmoud_afifi

اخويا مره رش الاكصدام بتاعه الي قدام واتعمل كويس بس بعد فتره الاكصدام اتخبط واتخدش واتبهدل وجه يرشه تاني عند نفس الراجل ماطلعش كويس وشقق بعدها بكام يوم تقريبا كان زفر زي ماحضرتك بتقول.
متشكر جدا على المعلومات بصراحه وجزاك الله خير.

هوا حضرتك البويه طقت من علي الاكصدام عشام مش مخدوم صح و لازم تعرف ان مافيش بوهياجي كويس

المشاركة الأصلية كتبت بواسطة mahmoud_afifi

مع حضرتك حق لأنه استخدم خامه غير الي استخدمها اول مره. وفعلا مافيش بوهياجي كويس لازم يبقى في عيوب و الألوان لازم تطلع مختلفه.

الفكرة مش في الخامة الفكرة ان الصاج لازم يتخدم و تنزل كل الزفارة من عليه انا حقول لحضرتك ازاي بس خليك فاكر الكلام دا ماينفعش يتعمل الصاج لما يتحرق من عليه البويه لازم يتصنفر بصنفره خشنة لاول و بعد كده صنفر انعم و هكذا لحد انعم صنفره موجوده و الصاج يبيقي ناعم جدا زي الحرير كده و لو وصل للدرجة يبيقي المعجون ملهوش لزمه و مفروض المعجون يتحط علي الحتة المردوده بس و يتصنفر بردو لحد مايبيقي ناعم خالص لدرجة لو مشيت اديك علي الصاح متحسش بالمعجون خالص و متفرقش بين الصاج و المعجون كده الصاج اتخدم صح الباقي بقي انواع الدوكو و مهارة الصنايعي و كمان العده بتفرق اللي بيرش بيها دا بقي ماينفعش يحصل ليه؟؟؟؟ لان البوهياجي عايز يخلص العربية اللي تحت اديه و بشوف غيرها عشان دا رزقه و هوا بيشتغل علي العدد و لان الكلام دا بياخد فترة اسبوع مثلا دا ماينفعش لو كل عربيه وقفت عنده اسبوع مش حيخلص البوهياجي عارف الكلام دا كله و فاهمه بس ماينفعش يطبقه و كمان مصلحه تروحله تاني لو بوهياجي نضيف و معرفه حيعمل ايه حيجيب صنفره و علي طرف العربيه و يصنفره عشان البويه متطقش بسرعه عشان كده مثلا لو حضرتك ليك في العربيات الكلاسيك ممكن تلاقي عربية موديل 40 مثلا بويه مصنع لان بويه المصنع لو راعتها بولش و واكس حتعيش اما البويه المرشوشه لو راعتها اخرها حتعد 5 سنين و بعد كده تبان العيوب و كما زمان العربيات كان فيها خير انا عربيتي كانت بتنزل من المصنع واخده 20 كليو بويه اما لو رشتها استحاله اديها اكتر من 5 كيلو

المشاركة الأصلية كتبت بواسطة mahmoud_afifi

كلام سليم و واضح ان حضرتك فاهم جدا في الموضوع ده ما شاء الله.
وانا بصراحه الي خلاني افكر في طريقة تصليح تبعدنا عن موال رد الصاج والرش وكده هو بالظبط الي حضرتك بتقول عليه ان مفيش حد بيعمل شغله صح عشان بياخد وقت. مع انهم بياخدوا نفس المبلغ لو عملوه صح بس نعمل ايه.
متشكر جدا على معلومات حضرتك القيمه

فعلا لو حضرتك ردت الصاج بالطريقة اللي انت بتقول عليها يبقي ريحت نفسك من الهم دا كله
بس البوهياجي حياخد منصعيه كبيره لو عمل الشغل صح وفي الاخر حيبقي دفعت مثلا 10 الاف علي رش العربيه و طبعا عشان احنا في مصر حتتخربش و تتخبط و يبيقي كل الفلوس دي ضاعت علي الفاضي
اما لو بتركن العربيه كتير زي حالتي كده و بتدخل بيها معارض و كلام من دا زي ناس اعرفها كده يبيقي عادي لانها مش حتتخربش بس لو بستعملها كل يوم عمري ماحدفع مبلغ زي ده علي رشها لان قبل ماعيوب البويه تظهر حتكون اتخبطت
ارجو اكون افادتك في الموضوع دا عشان لو بعد الشر روحت لبوهياجي تبقي فاهم هوا بيعمل ايه و المفروض يعمل ايه