الموضوع: ايه أفضل زيت وفلتر زيت للموتور وللفتيس وأفضل زيت للباور وللفرامل وللكرونا؟

أنا كما عاوزه أعرف المعلومات دى عشان عندى عربيه نفس الموديل

شكله بجد هيكون موضوع مفيد لأعضاء كتير

لأننا كلنا محتاجين المعلومات دى

فى أنتظار خبراء المنتدى

مبروك العربية و اجاباتي المتواضعه انا كاتبها بالاخضر تحت كل سؤال

المشاركة الأصلية كتبت بواسطة maregypt

عربيه 318 موديل 1980 اتوماتيك 4 سلندر 1600 سى سى (باستخدم بنزين 80)

دى اول مره اغير فيها زيوت ، سمعت عده أقاويل وعاوز استشير حضراتكم فيما سمعت ! عايزه اعرف ايه أفضل وأنسب زيوت ؟



بالنسبه لزيت الموتور أيهما أفضل: mobile1 أم caltex delo silver أم يوجد أفضل منهم؟

بالنسبة لعربية موديل قديم يفضل استخدام زيت معدني و ليس تخليقي

استعمل موبيل xhp او شل الاصفر

بالنسبه لزيت الفتيس والباور سترينج أيهما أفضل: mobile atf أم abro atf أم يوجد أفضل منهم؟


اوعي تستعمل اللي اسمة ابرو دة منعظمة مضروب

استعمل شل دوناكس او امارات ترانس ماكس او موبيل و تشترية من محطة بنزين مش من بتاع زيوت علشان تضمن انة مش مضروب

بالنسبه لفتر زيت الموتور وفلتر زيت الفتيس الأتوماتيك أيهما أفضل: mann أم fac أم يوجد أفضل منهم؟

فلتر زيت الموتور تجيب اي فلتر من محل قطع غيار مافيش مشكلة بس يفضل الالماني ال mann طبعاً و فلتر زيت الفتيس دة شغلانة في تغييرة و تجيب الاصلي من محلات البي ام و تغيرة عند حد فاهم (دة لو عربيتك فيها فلتر زيت فتيس اوتوماتيك اساساً لأني اعتقد ان الموديل دة مافيهوش)

بالنسبه لزيت الفرامل: هل bendix أفضل زيت؟

لوكهيد افضل نوع

بالنسبه لزيت الكرونا: هل mobile shc 75w-90 أفضل زيت؟

[color="rgb(46, 139, 87)"]زيت الكرونة حسب العربية اذا كان 80 او 90 اسأل ميكانيكي بتاع بي ام او دور عالنت (ابحث في جوجل مثلا او المنتديات الاجنبية الخاصة بالب ام)



بالنسبه للبوجيهات: هل brisk أفضل بوجيهات فى السوق؟ وايهما أفضل الـ 24 أم 16 ؟

مقاس 24 او 16 دة حسب المقاس اللي بياخدة الموتور و مش موضوع اختياري

و تجيب البوش ال 3 شمعه للبي ام ممتاز او البوش الشمعه واحدة و ممكن برضة ال ngk

فى ميكانيكى كلمنى عن بوجيهات 16 وانها افضل من بوجيهات 24 الى راكبه عندى ، انا مش فاهمه ايه الفرق؟[/color]

دة ميكانيكي على ما تفرج

مقاس البوجية حسب مقاس فتحه البوجيهات في الموتور و مايقدرش يغيرة, لو الموتور بياخد بوجيهات 16 حاتركب البوجيهات ال 16 و مافيش حل لتغيير المقاس

و مافيش مقاس افضل من مقاس لان زي ما سبق و قلت الموضوع مش اختياري



وهل فى زيوت تانى فى العربيه تتغير أو تتزود ؟

لا بس المهم الكشف على السيور كمان و تغيير سير الدينامو و الكاتينة و بلية الكاتينة كمان

وكل زيت منهم يتغير او يتزود كل فتره قد ايه؟ وسعره حوالى كم ؟

زيت الموتور و زيت الفتيس الاوتوماتيك و زيت الكرونة يتكشف عليهم كل فترة, و ملاحظة ان كان هناك اي تسريب زيوت منهم

زيت الموتور السوبر كل 3000-4000 كيلو

العادي كل 2000 كيلو

التخليقي كل 8000-9000 كيلو و لا يحبذ في السيارات القديمة لانة حايتبخر بسرعه و ينقص و خفيف عالموتور القديم و يسبب سماع صوت خشانة

زيت الفتيس الاوتوماتيك بيختلف حسب السيارة بس عامة بيتغير غالبا على 40,000 كيلومتر تقريباً

على فكرة البي ام ال 318 مفروض انها 1800 سي سي مش ال 1600