الموضوع: من فضلكم استخدموا كلابش الدريكسيون

حكايه مسوجر الدركسيون دي سهل تتفك لو فك الفبره بتاعه عمود الدركسيون

ف الافضل و الامن كلابش الدركسيون

المشاركة الأصلية كتبت بواسطة أبومريم

العربيات اللي فيها امبوليزر بتتسرق ازااااااااااااي؟

الإيموبيلايزر ... ديته جهاز مخصوص لفك شفرته والأجهزة دي بقت منتشرة في مصر ... أمال بتوع المفاتيح اللى شغالين دلوقتي على المفاتيح المشفرة وبيعملوا المفتاح الواحد بمبالغ خيالية برغم إنه مش بيكلفهم حاجة أكتر من تكلفة المفتاح العادي .. بس هما بيلموا تمن الجهاز اللى بيقلد الشفرة اللى إشتروه .. بيعملوا كده إزاي

كل تكنولوجيا في الدنيا ليها تكنولوجيا مضادة وكلنا عارفين كده

الفرق إننا بنسمع في مصر عن التكنولوجيا متأخر .. وبنسمع عن التكنولوجيا المضادة متأخر جدا .. لكن الأثنين خارج مصر بيكونوا متاحين يمكن حتى في نفس الوقت

وصاحب التكنولوجيا غالبا بيكون هو هو صاحب التكنولوجيا المضادة .... ده في معظم الأحيان كمان بيكون صاحب التكنولوجيا ملتزم بمدة معينة مع مشتري التكنولوجيا دي قبل ما يطرح الكنولوجيا المضادة بتاعتها

وطبعا في الأول سواء التكنولوجيا أو التكنولوجيا المضادة بتاعتها بكون سعرها غاليى جدا ولو تفتكروا أيام ما كان المفتاح الإيموبيلايزر بيتعمل في التوكيل فقط وبمبالغ بتعدي الألف جنيه في بعض التوكيلات .. ولا يمكن تعرف تعمله برة التوكيل .. وإنهاردة ممكن يتعمل بما لا يتعدى 200 جنيه في بعض الأماكن وعند بتوع مفاتيح كتير جدا ومنتشرين في كل حتة

على فكرة فعلا مسوجر الدريكسيون مش امان نهائى

حصلى موقف من كام سنة مع عربية فى بلد ارياف المفتاح بتاعها مش راضى يدخل الكونتاكت اصلا فجأة ، ولما دخل مش عايز يلف فيها كانه مش بتاعها بالظبط و النسخة الثانية على بعد يوم سفر من العربية ولازم اتحرك بيها فى وقتها

جبت ميكانيكى معرفة فتح الفبر وكسر المسوجر ودور العربية بسلوك فى وقت بالظبط لم يتعدى شفطتين من كباية الشاى بتاعته

يعنى لو ضيفت على الوقت ده خمس دقايق كمان لفتح الباب هنقول القصة كلها مش هتاخد 10 دقايق او اقل كتير مع حد متعود على كدا ، مع ملاحظة ان العربية كانت هوندا سيتى يعنى مش حاجة مثلا الميكانيكى حافظها ، هو بنفسه قالى انا اول مرة اشوف العربية الغريبة دى

ربنا يسترها معانا جميعاً

المشاركة الأصلية كتبت بواسطة engineer_amr

يخرب عقلك يا احمد
انت كمان جبت ميكانيكى لعب فيها وكسر المسوجر

بلاش فضايح ، انا مشيت بالعربية حوالى 1200 كم دايرة بسلوك والرخص منتهية ومش بأسمى ومعيش توكيل والفبر بتاع الدريكسيون هو وغطا الكلاكس مفكوكين

ومن ضمن السفرية دى المرور على حوالى 4 كماين الفجر :) ، ربك بيسترها علشان لو كنت اتمسكت والعربية نفسها نطقت كان لا محالة انى ازور مكتب المكافحة

وبالمرة كمان ، صاحب العربية شخصيا ميعرفش انها معاى ولا يعرفنى ولا انا اعرف شكله ولا تليفونه والوسيط اللى بيننا مكنش فى القاهرة :)

اولا شكر للنصيحة من صاحب الموضوع
ثانيا انا ركبت انذار وفيه خاصية ان العربية لو متأمنة بالانذار استحالة تدور
الا لما تفتح بالريموت بتاع الانذار
يعنى لو فتحت العربية بمفتاحها ودورت استحالة تدور
هل ممكن للحرامي انو يفك الدايرة دى بسهولة

المشاركة الأصلية كتبت بواسطة engineer_amr

ههههههههههههههههههههههههه هههههههههههههههههه
والله انت مشكلة
اه انا عارف ان صاحب العربية شخصيا ميعرفكش ولا تعرفة ولا شفتوا بعض
وعارف ان الوسيط لو عرف انك عملت فيها كدة كان علقك
دة لو دخل قرأ ردك دة احتمال يروح فيها اصلا
كنت لسة بكلمة اول امبارح وبيسلم عليك على فكرة

بفضل جهود الميكانيكية العربية رجعت ولا الهوا ، والموضوع عدى على خير ومحدش لاحظ اى حاجة

وحكيتله اللى حصل بعد الموضوع ما خلص بشهرين تقريباً ، وبرده حكيت له عن بعد علشان مكنتش اضمن رد الفعل :) ، وده كان تفكير سليم