من فضلكم استخدموا كلابش الدريكسيون

**zaza2002** · 08-01-2011 04:46 PM

طيب انا ليا سؤال انا عندى الكلابش ده والمفتاح بتاعه على شكل صليبه هل لو الحرامى جاب مفك صليبه بنفس حجم المفتاح ممكن يفتحه ولا صعب

**SonaSteel** · 08-01-2011 06:08 PM

المشاركة الأصلية كتبت بواسطة zaza2002

طيب انا ليا سؤال انا عندى الكلابش ده والمفتاح بتاعه على شكل صليبه هل لو الحرامى جاب مفك صليبه بنفس حجم المفتاح ممكن يفتحه ولا صعب:u_thin1[1]:

ايه ده زي الكلابش بتاعي ......... بس معتقدتش انه ينفع بمفك علشان اساسا لو جيت تفتح بالمفتاح بتاعك وقلبته سنه مش هايخش في الكلابش ... ولا ايه
متابع باهتمام الله يكرمكوا :b4_007:

**elmkaneeki** · 08-01-2011 07:24 PM

المشاركة الأصلية كتبت بواسطة hellboy

حتي العربيات اللي فيها ايموبلايزر ممكن تدور من غير المفتاح الاصلي ..اعرف ناس اخدوا عربيه صاحبهم علي سبيل التهريج (هزار بايخ) من الجيزه ل6 اكتوبر بمفتاح مصطنع والعربيه بي ام وطبعا فيها ايموبلايزر .مش هقول ازاي طبعا علشان الشيطان شاطر ,وكفانا الله شر المصائب .

من فضلك قولنا عشان نأمن نفسنا ونبقى فاهمين

**michohat** · 08-01-2011 08:06 PM

هل الكلابشات دي في منها انواع من حيث المتانه ولا كله واحد
لاني لسه شايف واحد امبارح شكله مش شجعني اني اشتريه وكان ب 40 جنيه

**grandh135** · 09-01-2011 07:18 AM

حتى حرامى السيارات بيكسل يتعامل مع سيارة فيها كلابش ايه الكسل ده هوه ماحدش شايف شغله كويس فى البلد دى ليه؟

**yasserelsayad** · 09-01-2011 07:51 AM

انا الحمد لله ربنا رزقنى بحرامى غبى كسرلى ازاز العربية البى ام تقريبا كان عايز يسرق العربية بس المغفل ممكن يكون مبتدأ لان العربية مفيهاش كونتاكت اصلا وكمان لوك الابواب مش بيتفتح غير بالمفتاح او الريموت فقط مينفعش يفتحه من جوا العربية ولا حتى يقدر يفتح الشنطة ولا يقدر يجر العربية عشان الفتيس باردوا مش بيتحرك غير لما تدور العربية .. مستفدش حاجة غير ان هو كسرلى الازاز بس بس الحمد لله ان هو مكنش متمكن مع ان انا مش عارف هو كان ممكن يدورها ازاى .. نفس الكلام باردوا فى السيراتو مفيش كونتاكت وفى امبولايزر .. بس احنا الحمد لله كل عربياتنا مفيهاش كونتكت وفيها امبولايزر باردوا فهل بنفع يدور العربية كدا باردوا ولا ايه ؟؟؟