الحمدلله ربنا ستر عربيتي كانت هتتسرق

**M.Elgergawy** · 26-12-2010 08:31 PM

انا بركن كل يوم في مكان ما ( قريب من بيتي ) عشان اركب عربية الشغل الصبح وبرجع الساعة تقريبا 7 م انهاردة لما رجعت آخد عربيتي لاقيت الزجاج الخلفي يمين مكسور ( حتت صغيرة أوي كله ) ولقيت الباب مفتوح حتة صغيرة بس الحمدلله مفيش حاجة نقصت من العربية خالص الكاسيت موجود وكان فيها نظارة شمس ماركة وحاجات كتير المهم كان معايا واحد صحبي قاللي دا سرطان زجاج أو حد حدف توبة صغيرة على الزجاج قولتله طب ايه اللي فتح الباب ؟؟؟؟؟
العربية لانسر ( كريستالة )
لو حد يعرف تمن الزجاج كام يقوللي عشان بكرة هروح الصبح الحرفيين أغيره

**walids** · 26-12-2010 09:08 PM

نفس الموقف اللي حصلي لكن انا قزاز ورا شمال

الحمد لله قدر الله و ما شاء فعل ،

انا كنت غيرت قزاز عربيتي في التوكيل و دفعت مبلغ و قدره ، و عرفت بعد كده انه ممكن تروح لمصنع قزاز و هو هيفصلك واحده بالظبط علي نظام فورمة الباب عندك و تكاليفها اقل من نص تكاليفها لو غيرتها فالتوكيل ، مجرد معلومة بس حبيت اقولهالك بس مجربتهاش بصراحة

**FunnyMickey** · 26-12-2010 09:33 PM

يانهار ابيض
الله يخربيت الحراميه
هوا فيه ايه ياجدعان

ايه موضوع السرقه اللي منتشر ده
بصوا علي مواضيع السرقه في المنتدي عامله ازاي

دي خامس عربيه الاقيها كانت حتتسرق
لا حول ولا قوه الا بالله
الحق بقي اعملها ياابو زياد
عند دكتور جريش
مش لازم التوكيل يعني

وعالعموم المهندس طارق زويل ممكن تكلمه تسأله عن السعر في التوكيل كام
وربنا يحميهالك يارب