مباراة الاهلي و الزمالك.. توقعاتك للتشكيل و النتيجة

**Ahmed Anwer** · 29-12-2010 08:16 PM

الزملكاوية بيحتفلوا قبل الماتش باسبوع !!!!

يالا من نفسهم ،،،

**r0xer** · 29-12-2010 08:27 PM

خبرة لاعيبة الأهلي هتحسم المباراة من قبل ما تبدأ.

جمهور الأهلي هيهزق شيكابالا و يخليه يركز معاهم و ياسلام لو عاشور يلعب ويكون سليم ساعتها مش هيكون في وجود لشيكابولة.

نقطة ضعف الاهلي حاليا ان حارس المرمى ضعيف الى حد ما، وكذلك مفيش مهاجم محترم بالمرة حتى عودة متعب !

ولكن مميزات الاهلي هي ان عنده 5 لاعيبة لو اي فريق واقع يقدرو يقوموه :

1- بو تريكة
2-بركات
3-غالي
4-وائل جمعة
5- احمد فتحي

وكمان لو جدو فايق هيفرق...

اللاعيبة دي خبرة كبيرة جدا و يقدروا يحسنوا اي نتيجة في اي وقت مع حماس الجمهور.

المهم نصيحتي لاهل نايل موتورز متتفرجوش على القهاوي ولا حد يروح الاستاد لان الماتش دا مش هيعدي على خير والله أعلم و حاسس ان على السنة الجاية هيبقى في Egyptian hooligans :D

**ahmed_su** · 29-12-2010 08:56 PM

المشاركة الأصلية كتبت بواسطة abouleila

ياريت يا محمد متقفلش تليفونك بعد الماتش

ومش عاوز بقى اسمع منك الكلام المعتاد اصل الحظ اصل الحكم اصل .........

واوعدك بتقرير من الاستاد

فريق كبير ...فريق عظيم

اديله عمرى وبرضه قليل

المشاركة الأصلية كتبت بواسطة M7amD_7amDy

ههههههههههههههههههههههههه ههههههه

طول ما فى حمام إحنا فى التمام

ومستنى تقريرك اللى كل شوية فيه هتقول

وانطلق شيكابالا وراوغ شيكا ورقص شيكا وبهدل شيكا وهووووووب شاااااااااط شيكا

وجووون وجووووووووووووووووووووووو وووووووون ياشيكا يابن الإيه

ههههههههههههههه ماشى يا كياوية

بالرغم من تمنياتى ان الاهلى يكسب بس المنطق والعدل بيقول

ان الزمالك تستحق الفوز - وخسارة الاهلى مش هتفرق معايا كتير لانها متوقعة

بس نفسى الزمالك تخسر علشان حاجة واحدة بس اننا نترحم من الزملكاوية اللى

هيصعدونا طول السبع سنين الجاية انهم كسبونا فى 2010

**ahmedhossam86** · 30-12-2010 09:35 AM

نفسي ابو تريكة يجيب الجون رقم 100.. و اتوقع جدو يجيبلوا جونين تلاتة... بس امسكوا شيكابالا :(((

**أبو إياد** · 30-12-2010 10:19 AM

انا حاسس ان جماهير الاهلى مش متابعين مباريات الاهلى ومستاواهم عامل ازاى ؟ على العموم احنا كجماهير الزمالك مرينا بالفتره دى رغم انها كانت فتره طويله الا انها مرت والحمد لله وبجد احنا بنعذر جماهير الاهلى وحاسين بيهم وماتخافوش الازمه هاتعدى بس امتى الله اعلم

اما عن مستوى الزمالك فهو دلوقتى فى حالته الطبيعيه مش الفرق كلها اللى كانت حلوه لا الزمالك هو اللى كان وحش وسىء جدا زى الاهلى حاليا فهو سىء جدا وفوز الزمالك عليه اليوم باذن الله مش هيكون علشان الزمالك حلو انما علشان الاهلى هو اللى وحش

وزى ما كنا بنقول الزمالك يمرض ولا يموت ياريت انتوا كمان ماتسيبوش الاهلى وتتخلوا عنه فى محنته

وعلى فكره انتوا كنتوا متحاملين على الزمالك جدا فى الموضوع ده
وباذن الله الرد على الاهلى هايكون فى الملعب زى ما قال شيكا

ولنا موعد اليوم الساعه 6م

**CryptonX** · 30-12-2010 11:25 AM

المشاركة الأصلية كتبت بواسطة moh.aboelkheir

يا جماعه انا مش عارف الاهلاويه زعلانين ليه ان الزمالك بقى افضل و رجع ينافس تاني ؟؟ !

ياسيدي ولا زعلانين ولا حاجة .. احنا زعلانين على الاهلي ..

بالعكس تماما لو كان الزمالك حالته جيدة جدا و الاهلي حالته جيدة جدا كنت حبقى مبسوط جدا .

اولا ماتش القمة حيبقى متكافئ و متعة للمشاهدة للجمهورين .

ثانيا المنتخب يفوق شوية ! و يبطل يعتمد على 7 لعيبة من الاهلي بينما في لعيبة في الزمالك الان احسن فنيا من الاهلي .

ثالثا الدوري يحلو ... انا مش بحب الدوريات الي بتنتهي قبل 7-8 مباريات دي !

**M.Mosaad** · 30-12-2010 12:03 PM

اولا : هو مين اللي قال الاهلاويه زعلانين طبيعي ان بعد 6 سنين و الاهلي بياخد كل حاجة في الدنيا ان يجي سنه و لا اتنين يطلع بطل تاني دوام الحال من المحال

ثانيا : الزمالك في 13 مباراه متسجل فيه 17 هدف (( مع الوضع في الاعتبار ان حارس المرمي عبد الواحد السيد )) يعني حسب جدول الدوري الزمالك من اضعف الدفاعات اللي في الدوري بس نسبة كبيرة من الزمالكويه مش فاهمين كدة شايفين ان الفريق بيكسب و ان مستواه عالي دة شيء جميل بس هو مش مستوي الفريق اللي عالي هو ما شاء الله نمسك الخشب مستوي شيكابالا اللي عالي و دي حاجة تحسب لحسام حسن لكن اللي بيتابع الماتشات كويس هيلاقي ان شيكابالا بقي عامل زي شحاته ابو كف في الزمالك هو اللي بيعمل كل حاجة يأما بيسجل ياما بيهيء فرص للتسجيل

الماتش في رأيي النهاردة الكفه مايله شوية صغيريين للزمالك مش الفرق الهائل يعني لان مستوي هجوم الزمالك احسن من الاهلي لكن الدفاع الحال من بعضه و يمكن دفاع الزمالك اضعف كمان

ربنا يسهل ان شاء الله و الاهلي يكسب بس مش معني كدة ان الاهلي رجع من تاني الاهلي فيه اخطاء كتير اويي ي ي ي ي ي ي محتاجه تتصلح

و الزمالك كمان في اخطاء دفاعيه رهيبةةةةةةةةة لازم حسام حسن يحاول يصلحها لان لو حصل هبوط في مستوي شيكابالا في الدور التاني الزمالك هيعاني كتير اوي ي ي يي