الموضوع: فيات بونتو كلاسيك (اسكندرية)

جامده جدا الفكرة دي يا جماعة وان شاء الله ننضملكوا قريب جدا
و يمكن نوسع القاعدة و نخليها كل الأسكندرانيه الفيتاويا
هههههههههه ; )

المشاركة الأصلية كتبت بواسطة karimalaa

شارع صلاح الدين....
قبل الاشارة : الايطالية 2000
بعد الاشارة : النونو , شكوكو , الليلي ( عنده نص أو ربع أو أي قطعة تبع فيات بيسافر ايطاليا كل شوية يجيب حاجات و ييجي و عنده مواتير استيراد برده )
في صلاح الدين بقى القطع : ايطالي , الماني , تركي , اندونيسي , صيني.... كله موجود!

في رشدي على الترام : دار الفيات

الله ينور هو ده الشغل

انا ان شاء الله نازل صلاح الدين قريب اتفرج

انا معايا بونتو كلاسيك مو2000 عربية حكاية بس توكيل طارق الي في السكة الجديدة اقل ما يقال عنة انة زبالة ردئ للغاية اخرهم يغيرو فلاتر لو رحتلهم بمشكلة صعبة شوية يحتاسو و يعكولك احلى عك انا كنت برحلهم من ايام ما كانو عند كوبرى التاريخ بس اخر مرة رحتلهم ودي كانت اخر مرة هرحلهم العربية باتت عندهم اروح استلمها الاقى البنزين اتسرق (مش اول مرة) والعربية اتخبطت (طبعا صلحوها) وغيرولى حاساس كرنك ب 300 جنية بعد فحص اسبوع والعيب ظهر بعد يومين تانى وانا الى اكتشفت ان كتاوت الانجكشن كانت معلقة و غيرتها ب 50 جنية و مرة قبلها ب سنتين قبل ماينقلة السكة الجديدة غيرولى ماستر دواسة دبرياج من غير ما يركبو السوستة بتاعتة فبوظولى الماستر الى علي الجيربوكس المهم انة مركز خدمة وحش جدا ولو هتروحولة لازم تبقى عارف الاول عندك اية
و باصص على مؤشر البنزين :)
حد عارف مركز الخدمة الجديد الي ع الطريق الصحراوي هيفتح امتى وفين

فعلا أنا رحت توكيل الطارق مرتين قبل كدة و ماكنتش عارف ان فى توكيلات أسوء من أوماترا بتاع جسر السويس !

يا جماعة انا موافق على كل الكلام
بس فعلا مفيش توكيل 100% و كمان دلوقتى اوماترا حتفتح فى اسكندرية قريب اكييييد دة حيرحمنا من عيب التوكيل
بتاع الطارق
على فكرة كمان احنا لو كلنا ايد واحدة بجد فى اسكندرية بالذات انا حاسس اننا ممكن نعمل حاجة كويسة
ممكن نشتكى لحد لما يظبطوا نفسهم
يا جماعة احنا كمان عملاء و فى اوروبا كلها ودى عن تجربة شخصية العميل اهم من اى حاجة عندهم

ألراجل دا رقم تليفون بتاعو كاااااام ؟ ضروري

الحمد لله أخيرا لاقيتكم الفكرة ممتازة جدا ياجماعة أنا أول واحد معاكم فى الجروب وأرجو إن الموضوع يتم تثبيته علشان كل الفيتاوية ينضموالينا أنا شخصيا معايا بونتو كلاسيك 2004 وأنا وأسرتى الصغيرة من حبنا فيها مسمينها (دنيا ) والدلع (دون دون)ههههههههههههه
على فكرة العربية بسم الله ماشاء الله عليها فى الثبات والسرعة والتكييف وصيانتها سهلة جدا أنا من إسكندرية (أبوقير) كل حاجتها موجودة زى ماقالوا حبايب قلبى الزملاء الموجودين فى الجروب الجديد بتعنا فى صلاح الدين ورشدى وأيضا بيبو فى سيدى بشر جنب النفق مباشرة وعلى فكرة قطع غيارها معمرة جددددددددددددا بس أهم حاجة الصيانة بتعتها من تربيط عفشة وغيار زيوت وسيور وتيل فرامل ..........إلخ أنا بعمل كل ده بنفسى كل 7000كم (أقسم بالله العربية كأنها زييييييرو)
أه على فكرة أنا غيرت الماستر العلوى للدبرياج من حوالى 7شهور لأنه كان بينزل تحت ويعلق ومايطلعش إلا لما أزقه برجلى وجبته من صلاح الدين إيطالى أصلى وشغال زى الفل حتى الأن (أنا غيرته بنفسى والله ) أنا مش ميكانيكى أنا موظف عادى بس ساعة الأزمات ننفع يعنى ههههههههههههههههههههههههه ه
أنا معاكم بقلبى وأى حاجة أنا تحت أمركم .
بس إزاى نقدر نثبت موضوعنا ده ونكبره؟؟؟؟؟؟
لأن فى إستفسارات كتيييير بعوزها وبكتبها ومبلاقيش رد فأنا محتاج أرائكم كمان معايا زى مثلا الفوجات بتاعت العربية ضعيفة جدا نقويها إزاى ؟