سؤال فى اوتوماتيك اللانسر 1600

**Dr.SherifMansy** · 01-04-2008 03:37 PM

الأخ العزيز إسلام ، شكرا على ردك المفيد و الرائع ، يعنى ممكن انقل بدون قلق طول ما السرعة فى حدود المسموح للنقلة اللى عايز انقلها ، و لكن انت فتحت لى سؤال جديد (اعذرنى) ، انت قلت

عندى بالتحديد L Ds D N R P
على فكرة فى عربيتى على الأقل أكتشفت أن عصاية الفتيس لن تتحرك فى أتجاه خطأ طول مل أنت ماشى يعنى ماينفعش أنقل من الD الى الR على سبيل المثال و أنا ماشى و حتى و أنا واقف فى لسان بتدوسه لجوه علشان تجيب الR أو الP

يعنى مش ممكن انقل من D الى R أو P و انا ماشى ، انا فاهم كده لكن لو دست على لسان التغيير هل برضه ها يمنع الغيار الغلط ولا لأ ، و برضه صلح لى لو انا غلطان ، اللى فهمته انى لو ماشى مثلا على 10 او 20 كم و حبيت اجيب Ds أو L فمافيش مشكلة ، صح ؟
برضه ماقلتليش بتعمل الkickdown ازاى ؟ انا بدوس الدواسة للآخر ، صح ولا غلط ؟
و أخيرا اشكر لك ذوقك و اعتقد ان كلنا اخوة هنا فمافيش داعى للرسميات القوية بتاعة "حضرتك"

حضرتك ممكن تغير و حضرتك ماشى عادى

و ماتقلقش حضرتك ممكن كمان حضرتك

، يعنى خللى البساط احمدى يا باشا ، ولا ايه رأيك ؟;)
فى انتظار ردك و الف الف شكر:D:D:D

**Ahmed Taha** · 03-04-2008 03:03 PM

سؤال للأخ إسلام:

واضح إنك خبير في الأوتوماتيك

أنا نقلت من D إلي R و العربية ماوقفتش 100% و أنا خارج من ركنة و سمعت صوت مرعب و الحمد لله ماحصلش حاجة.

السؤال هل المفروض إن الفتيس مايتحركش في إتجاه غلط؟ ولا زى المانوال ممكن أبهدل التروس ف حركة زي دي؟

**Ahmed Hassan** · 03-04-2008 05:17 PM

المانيوال بيقول ان لازم العربية تبقى واقفة قبل ما اختار النقلات المختلفة

علشان تجيب غيار من N الى R لازم العربيه تكن واقفه و طبعا نفس الشيءينطبق على النقل من L, Ds, D ال R

يعني باختصار متنقلش عكس اتجاه حركه العربيه (طول ما العربيه بتتحرك للأمام متجبش نقله خلفيه و طول ما العربيه بتتحرك للخلف متجيبش نقله اماميه)

النقل بين L,ds, D ممكن لأنها كلها نقلات اماميه مع الأخذ فى الاعتبار مراعاه عدم تجاوز سرعه النقله (يعني متكونش ماشي على 100 و تحاول تجيب نقله L)

**limo** · 03-04-2008 05:29 PM

انا قراءت الكتالوج بتاع العربيه ومكتوب فيه تخذير مش تنبيه ان ممنوع النقل بين الغيارات الا والعربيه واقفه
بس انا مش مفتنع لان سعات الواحد بتزنق وهوه ماشى وعايز يطلع من عربيه تانيه فمش معقول انى هقف خالص واجيب الفتيس على Ds وامشى تانى
كمان معروف ان الاوفر دريف بشتغل فى اى عربيه فى اى وقت وعلى اى سرعه
بس طبعا ال L مينفش يجى على اى سرعه ويفضل ان العربيه تكون واقفه

الاخ العزيز اسلام المصرى الف شكر يا غالى على المعلومات الجديده الى الوحد اول مره يعرفها كمان مليون شكر ليك علشان وانا براجع المواضيع السابقه استفدت كتير من مشاركاتك بجد انا اكتشفت كنز وانا براجع المواضيع الى موجوده فى الارشيف
الف شكر ليك وربنا يخفظلك عربيتك

**limo** · 03-04-2008 06:33 PM

المشاركة الأصلية كتبت بواسطة nobody

بما انكم معاكم اتوماتيك فهل مسافة دواسة الفرامل فعلا طويلة
وبتكون مقرفة في الاشارات؟؟

انا برضو شايف ان المسافه عاديه وبالعكس فرامل العربيه حلوه
بس انا سوقت 1300 مانوال وكانت فراملها اقوى سنه

**medo1970** · 04-04-2008 01:30 AM

بالنسبه للفراما يفضل وانت داخل على اشاره ان تنقل من D إلى N علشان مطولش معاك مسافة الفرملة ومفيش اى مشكله من النقل بين D و N وكمان تحافظ على مدة اطول لتيل الفرامل وربنا يباركلك فيها

**اسلام المصرى** · 07-04-2008 08:52 PM

المشاركة الأصلية كتبت بواسطة Ahmed Taha

سؤال للأخ إسلام:

واضح إنك خبير في الأوتوماتيك

أنا نقلت من D إلي R و العربية ماوقفتش 100% و أنا خارج من ركنة و سمعت صوت مرعب و الحمد لله ماحصلش حاجة.

السؤال هل المفروض إن الفتيس مايتحركش في إتجاه غلط؟ ولا زى المانوال ممكن أبهدل التروس ف حركة زي دي؟

بسم الله الرحمن الرحيم
أسف يا أخ أحمد على الرد المتأخر , أنا ولا خبير و لا حاجة :) ربنا يخليك , معلوماتى كلها من المنتدى و من كتيب المالك و من الممارسة.
طبعا أى أستخدام خاطىء للفتيس الأتوماتيك ممكن يضر علبة التروس , أهم حاجة من الأنطلاق و الطلوع بالعربية تنقل دايما و أنت دايس على الفرامل و لما تيجى تركن العربية تقف تماما و تفضل دايس فرامل ثم ترفع فرامل اليد و تفضل دايس برده على الفرامل ثم تقوم بتحريك الفتيس فى أتجاه الP الكلام ده أنا بعمله و مكتوب فى كتيب المالك الأول فرامل اليد ثم تحريك الفتيس.
و أنا تحت أمرك فى أى أستفسار أخر :)

المشاركة الأصلية كتبت بواسطة limo

انا قراءت الكتالوج بتاع العربيه ومكتوب فيه تخذير مش تنبيه ان ممنوع النقل بين الغيارات الا والعربيه واقفه
بس انا مش مفتنع لان سعات الواحد بتزنق وهوه ماشى وعايز يطلع من عربيه تانيه فمش معقول انى هقف خالص واجيب الفتيس على Ds وامشى تانى
كمان معروف ان الاوفر دريف بشتغل فى اى عربيه فى اى وقت وعلى اى سرعه
بس طبعا ال L مينفش يجى على اى سرعه ويفضل ان العربيه تكون واقفه

الاخ العزيز اسلام المصرى الف شكر يا غالى على المعلومات الجديده الى الوحد اول مره يعرفها كمان مليون شكر ليك علشان وانا براجع المواضيع السابقه استفدت كتير من مشاركاتك بجد انا اكتشفت كنز وانا براجع المواضيع الى موجوده فى الارشيف
الف شكر ليك وربنا يخفظلك عربيتك

الشكر لله.
جزاك الله خيرا يا أخ ليمو :) شكرا جزيلا على كلامك الجميل , الحمد لله أنى قدرت أفيدك :) ده الهدف من المنتدى أنا ماعملتش حاجة. كلنا هنا علشان نفيد بعض و كلنا أخوة. ربنا يبارك فيك و يكفيك شر الطريق. أنا تحت أمرك لو عندك أى أسئلة أخرى.
حرك الفتيس براحتك و أنت ماشى على الD Ds N L مفيش أى مشكلة أنا بعمل كده , الباقى لأ , يتم التحريك فقط و العربية واقفة.