سؤال فى اوتوماتيك اللانسر 1600

**Dr.SherifMansy** · 28-03-2008 01:16 AM

باركولى يا جماعة ، أخيرا ربنا سهل لى و كرمنى و جبت لانسر 2008 شكل قديم خليجى أوتوماتيك هاف سبورت .
الحمد لله العربية جميلة و كانت عاملة بس 9 كم لما استلمتها من اوتوداينامكس فى مصر الجديدة بعد مستشفى هليوبوليس ، و الحمد لله ربنا وفقنى و علقت النمر (من حنك السبع و الله).
عندى سؤال محيرنى برغم كده :
أنا حتى الآن باسوق على D و طبعا عادى و لكن لو عايز ازود العزم علشان مطلع جامد او مطلع عادى لكن العربية محملة أعمل إيه ؟ المانيوال بيقول ان لازم العربية تبقى واقفة قبل ما اختار النقلات المختلفة فهل معنى كده انى لازم اقف خالص علشان انقل على Ds أو L ولا اعمل إيه ؟؟ و لو أنا ابتديت مطلع على L أو Ds و خلص و حبيت اجرى بالعربية ، ينفع أجيب D ولا لازم أقف ؟؟؟ أرجوكم الرد يا جماعة و بخاصة الباشمهندس طارق ، و عذرا و لكن سامحونى فى سؤالل تانى ، ال Kickdown هو انى اجيب دواسة البنزين للأرض و لا اشيل رجلى و أرجع ادوس عليها بسرعة تانى ؟
شكرا لكم و مستنى الردود

**شاهين - بنز** · 28-03-2008 01:36 AM

أولا ألف مبروك على العربية
أما بسوق اللانسر بنقل من D ل Ds عادي وأنا ماشي على أي سرعة وعلى حسب إعتقادي إنه عادي جدا إنك تغير وإنت ماشي والله أعلم
وبالنبر للكيك داون هو انى اجيب دواسة البنزين للأرض بدون ماتشل رجلك في الأول

**limo** · 28-03-2008 02:24 AM

الف مبروك
انا سبقتك من عشر ايام وجبت خليجى هاف سبورت 1600 اوتوماتيك وكانت عامله 8 كم مش 9 كم
انا بنقل من d الى ds عادى منى غير اى مشاكل بس طلما انت بتقول ان مكتوب فى الكاتلوج ان ممنوع النقل اثناء المشى يبقى امشى مع الكاتلوج احسن وكويس انك قولتلى
بالنسبه للكيك داون هو انه وانت ماشى تدوس بنزين جامد شويه تقوم العربيه مسقطه نقله ادنى والعربيه تأخذ عزم جامد
اما الانسر وفتيسها الاتوماتيك العجيب مفيهوس نقل بتالى مفيش كيك دوان بس انت لو زودت بنزين شويه هتلاقى العربيه استجابه معاك احسن من الكيك داون فى الاتوماتيك العادى
صحيح انت عربيتك ايه كمالينها بالضبط وجبتها على كام؟

**Dr.SherifMansy** · 28-03-2008 02:37 PM

عزيزى ليمو قرأت مقالتك السايقة و الف مبروك ، هى زى عربيتك بالضبط بس اغلى 500 جنيه لكن نفس المواصفات. و لو سمحت راجع الكتالوج فى قسم 4 و قول لى رأيك يمكن انا فاهم غلط. و شكرا

**nobody** · 29-03-2008 01:48 PM

بما انكم معاكم اتوماتيك فهل مسافة دواسة الفرامل فعلا طويلة
وبتكون مقرفة في الاشارات؟؟

**اسلام المصرى** · 31-03-2008 07:41 PM

المشاركة الأصلية كتبت بواسطة nobody

بما انكم معاكم اتوماتيك فهل مسافة دواسة الفرامل فعلا طويلة
وبتكون مقرفة في الاشارات؟؟

بسم الله الرحمن الرحيم
"مشوار" الفرامل عادى بالنسبة لى , أبدا الدواسة كويسة و عريضة و مش مقرفة فى الأشارات , و مع الوقت حضرتك هاتتعود عليها :) و بينى وبينك لو راكب عربية بمليون جنيه و ماشى بيها فى زحمة القاهرة هتبقى مقرفة و خانقة كمان ;) أو يا سلام و أنت واقف ذيك ذى أى مواطن على المحور لمدة ساعتين بس :D الخلاصة: أى حاجة هتبقى مقرفة.
اللهم لا أعتراض , الحمد لله أحسن من غيرنا.

**alaa_dash** · 31-03-2008 07:47 PM

يعني يا استاذ اسلام ممكن انقل من ال L لل 2 و 3 و D عادي ؟
على فكرة انا رديت عليك في موضوع عيد ميلاد كاسبر 1500 ..:)

**اسلام المصرى** · 31-03-2008 08:51 PM

المشاركة الأصلية كتبت بواسطة alaa_dash

يعني يا استاذ اسلام ممكن انقل من ال L لل 2 و 3 و D عادي ؟
على فكرة انا رديت عليك في موضوع عيد ميلاد كاسبر 1500 ..:)

بسم الله الرحمن الرحيم
أنا عربيتى مفيهاش 2 أو 3 , عندى بالتحديد L Ds D N R P
على فكرة فى عربيتى على الأقل أكتشفت أن عصاية الفتيس لن تتحرك فى أتجاه خطأ طول مل أنت ماشى يعنى ماينفعش أنقل من الD الى الR على سبيل المثال و أنا ماشى و حتى و أنا واقف فى لسان بتدوسه لجوه علشان تجيب الR أو الP عند حضرتك أكيد نفس الشىء , جرب تطلع بالL و بعدين ال2 و هكذا.
و أنا رديت على حضرتك لسه حالا :) هو رمضان قرب؟ :D

-

-

الموضوع: سؤال فى اوتوماتيك اللانسر 1600

LinkBack

أدوات الموضوع

عرض

سؤال فى اوتوماتيك اللانسر 1600 - انشر الموضوع فى :

-

-

-

-

المواضيع المتشابهه

أفيدونى فى سعر اللانسر 1600 موديل 2006 كلاسيك اوتوماتيك

سؤال بخصوص سحب اللانسر سوبر أكشن 1600 cc

تفاصيل رقم شاسيه عربيتك اللانسر 1600 او اللانسر 1500

لانسر 1600 اوتوماتيك ولا ياريس 1300 اوتوماتيك

لانسر 1600 اوتوماتيك ولا ياريس 1300 اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة