الموضوع: نجمة داوود على ارض مطار بلبيس ؟؟؟؟؟؟؟؟؟

المشاركة الأصلية كتبت بواسطة maserati

السلام عليكم و رحمة الله و بركاته

أنا على مافهمت أن سيادتك أكبر منى سنا و ممكن تكون أكبر سنا من كل اللى شاركوا بآرائهم فى الموضوع ده.

أنا عن نفسى ماحضرتش لا نكسة 67 و لا حرب 73, بس كنت شوفت ليهم مقاطع فى التليفزيون و عاليوتيوب.

و أنا و الحمد لله , مش من المتحمسين لاسرائيل و لا حاجة عشان أقدم هجرة ليها!!!!! و أنا -بفضل الله تعالى- عايش فى الدنيا عارف أنا عايز ايه بالظبط و بفضل الله برضه أنا شايف طريقى واضح جدا أودامى و بعرف أخطط لحياتى و مستقبلى صح, لكن ده لا يمنع من الاعتراف أنهم ناس مجتهدين و بياخدوا بأسباب النجاح فى الدنيا عشان كده ربنا أراد أنهم ينجحوا فى المجالات اللى هما متفوقين فيها و الأجدر بينا كمسلمين أننا نشوفهم هما و غيرهم عملوا ايه و نجحوا فيه ازاى و نعمل زيهم عشان ننجح احنا كمان, احنا بس لو كانت الانتخابات عندنا بنزاهة الانتخابات عندهم , كان حالنا بقى حاجة تانية خالص .

طبعا , محدش يفهم كلامى على أننا هنعمل زيهم فى الحلوة و الوحشة و أن أنا بنادى بأننا نقلدهم فى الصح و الغلط و خلاص , أكيد أنا مش قصدى كده, أنا بقصد أننا نقلدهم فى الحاجة الصح و الحاجة السليمة .

و بالنسبة لأن فى سنة 2025 , يوم 5 يونيو هيوافق العاشر من رمضان , فده كان مثال , لكن أنا ماعرفش اذا كان هيوافقه و لا لأ .

اولا موضوع 5 يونيو سنه 2025 - لا مش صح - غالبا لو صدفت حيبقى فى 2017

ثانيا - كون انهم منظمين والكلام ده - ما يغطيش على كونهم مجرمين- الالمان النازيين كانوا قمه فى النظام والدقه والابتكار

بس لانهم افتكروا نفسهم احسن من باقى البشر - كانت نهايتهم زى ما شفت
انا مش مبسوط بحالنا وايوه انا كبير فى السن - لكن تحت اى ظرف عمرى ما نبهرت بيهم - اولا لانهم خليط ممول من الخارج يعنى هم مش مجتهدين غير فى السطو على نتاج غيرهم - تانى حاجه لانهم زى ما ربنا وصفهم مالهمش عهد - لو فى اعجاب بدوله حاكون معجب بفيتنام - دوله دمرتها امريكا وحاصرتها سنين - ما عندهمش لابترول ولا ثروات تستاهل- ومع ذلك انتاجهم بدء يغزوا العالم من غير سطو ولا استعلاء على حد

المشاركة الأصلية كتبت بواسطة factorialx

سلسلة الفيديوهات بتاعت القادمون من الخلف مجرد كلام في الهوا لا يثبت شئ

إيه علاقة الall seeing eye بتاعت الدولار بعين سارون في فيلم ملك الخواتم بالهرم بالسجاد ببابل بمصر القديمة بالمسيح الدجال
و إيه علاقة الصهاينة بالموضوع
و بلبيس أصلا دخلها إيه
أنا شايف إن سلسلة القادمون دي ممكن يكون الموساد نفسه اللي عاملها

جيل كامل يصدق إن إسرائيل بتتحكم في إسماكك القرش
و أنهم عملوا القنبله الجينية تموت العربي و لو جنبيه واحد هندي ما يمتش
و إنهم متحكمين في العالم كله
و مافيش حاجه و متعديش عليهم و متاحلفين مع الشيطان و بيعملوا عمل إسود للدول العربية و بيحطوه في بير في جزر الكاريبي

من رأيي إن إسرائيل دي و لا حاجه و دولة مارقه في نظر العالم كله و إحنا اللي بنعملها إسم و بنخوف نفسنا منها

و طول ما إحنا عايشين في نظريات المؤامره لا عمرنا هنتقدم و هنحس بالضعف و الإستسلام على طول

اليهود مش اسرائيل ايوه متحكمين فى العالم - سيبك من المسلسل - رغم انه ذكر حاجات - معروفه عن الماسونيه

لكن اليهود فعلا مسيطرين على معظم المؤسسات الاقتصاديه الكبرى فى العالم- وايوه هم بيخططوا لتفكييكنا والسيطره التامه - الاستعباد يعنى - كون احنا بقى نصدق مؤامره او ما نصدقش مش حيغير حاجه-
الرموز والطقوس الماسونيه - حقيقه ثابته - وبالمناسبه لهم محفل ومبنى فى قلب القاهره- والاشكال والرموز دى من عقيدتهم - السريه - كون المسلسل ربط بين بعض رموزهم ورموز تاريخيه او حديثه - فده اجتهاد- اللى معترض يجتهد ويقول غلط ليه - مش لمجرد انك مش مصدق يبقى الكلام غلط ؟

بلبيس ما لهاش علاقه باى موضوع ؟؟؟؟- المطار فى بلبيس والمفارقه انه بالصدفه على ارض المطار تقاطع المسارات شكل ما يشبه نجمه داوود - حاجه انا اعتبرتها قفشه او طرفه - لكن الناس ما عرفش كل واحد اخد الحكايه على اللى شاغل باله -

والله لو حد دارس علم نفس يفسر لنا الحكايه دى -

المشاركة الأصلية كتبت بواسطة ahmed4000

بلاش نقلل منهم - ولا نبالغ فى قوتهم- لكن موضوع انهم ضعفاء ومعتمدين على الخارج ده كان زمان لكن هما اقتصاديا وصناعيا وتعليميا (وحتى زراعياً) بقم متقدمين عننا بمراااااااااحل بالعمس بقم على مستوى الدول المتقدمة

واظن من سنتين طلبوا انهم ميخدوش معونة اقتصادية من الولايات المتحدة على ان تظل المعونة عسكرية فقط فى حين سيادتك لما المعونة بيتكلموا عليها مجرد كلام ركبنا بتخبط فى بعض

صدقنى الكلام ده كان بيتقال برضه سنه 73 انهم مستقلين اقتصاديا وعسكريا - وبعد 4 ايام من الحرب- والكلام لكيسنجر- كانت جولدا مائير طالبه تدخل امريكى بكل الاشكال- اسرائيل من غير دعم امريكى ما تستحملش تكمل سنه- المعونه المباشره ما تهمهمش- لان التبرعات والتجاره الاجباريه مع عدد من الدول ومنها المانيا اللى لسه بيذلوا فيها لغاية دلوقت - اكتر بكتير من اى معونه

ما دام هم اقويا اقتصاديا ليه صرخوا لما بوش مره جمد حزء من المعونه علشان يجمدوا الاستيطان- هم عندهم صناعة تكنولوجيا - بس لو حللتها تلاقى كل مقومتها مسروقه من الامريكان وغيرهم -ببساطه علما امريكان يهود اتعلموا واشتغلوا فى امريكا وهب هاجروا لاسرائيل

احنا مش محتاجين الا للثقه بالنفس- وشئ من النظام والرؤيه - وده كان موجود فى اكتوبر- ولعلمك ظروفنا وقتها كانت العن من دلوقت 100 مره

بس للاسف دلوقت لا رؤيه ولا نظام- وثقه بالنفس حتيجى منين - الحدق يفهم- مش عايز اقول اكتر من كده

المشاركة الأصلية كتبت بواسطة ahmed4000

بلاش نقلل منهم - ولا نبالغ فى قوتهم- لكن موضوع انهم ضعفاء ومعتمدين على الخارج ده كان زمان لكن هما اقتصاديا وصناعيا وتعليميا (وحتى زراعياً) بقم متقدمين عننا بمراااااااااحل بالعمس بقم على مستوى الدول المتقدمة

واظن من سنتين طلبوا انهم ميخدوش معونة اقتصادية من الولايات المتحدة على ان تظل المعونة عسكرية فقط فى حين سيادتك لما المعونة بيتكلموا عليها مجرد كلام ركبنا بتخبط فى بعض

معونه أمريكيه؟ يا ريت يمنعوها
هى أصلا مصر مش معتاجه معونات محتاجه بس ان ميبقاش فيها حراميه

مين بقى اللى بيسفيد من المعونه الأمريكيه؟ الحراميه طبعا

و هما دول بس اللى ركبهم بتخبط فى بعض

احنا بس اللى بنشيل مهانة المعونه دى اللى الله اعلم بتتقدم ازاى


نيجى بقى للسرطان الصهيونى ده مش ممكن يعيش الا بينا احنا

يعنى منتجاته دى مين اللى بيستوردها منه و بيبيعه فى بلاد العرب؟

مين اللى بيصدر له الغاز بأثمان بخس؟

مين اللى بيصدر له الاسمنت و العماله الرخيصه اللى بتشتغل احقر الاعمال هناك بأرخص الاجور؟

مين بقى اللى بيقسم ارباحه من كل دولار جيله من تصدير منتجاتنا (اللى هى بتصنع للتصدير بس و مش بنشوفها هنا خااالص) لأمريكا (اتفاقية الكويز يا افندم)
مين بقى اللى بيساهم فى حصار الفلسطنيين اكتر و اكتر؟

كفايه انك متقدرش تتصرف فى اى نقطه بترول اللى لو الدوله العدوه دى تقولك لا خلاص مش عايزاه

بتاخد دعم بالهبل من اوروبا و امريكا علميا و اقتصاديا و كلللل حاجه

احنا اللى معيشينهم و لو احنا اقوياء العقيده بجد ما كانش يبقى ليهم القومه دى خاالض


كللللل ده و مش عايزهم يبقوا اقويا؟

انما قوه من بره بس (تحسبهم جميعا و قلوبهم شتى)

المشاركة الأصلية كتبت بواسطة samcar

صدقنى الكلام ده كان بيتقال برضه سنه 73 انهم مستقلين اقتصاديا وعسكريا - وبعد 4 ايام من الحرب- والكلام لكيسنجر- كانت جولدا مائير طالبه تدخل امريكى بكل الاشكال- اسرائيل من غير دعم امريكى ما تستحملش تكمل سنه- المعونه المباشره ما تهمهمش- لان التبرعات والتجاره الاجباريه مع عدد من الدول ومنها المانيا اللى لسه بيذلوا فيها لغاية دلوقت - اكتر بكتير من اى معونه

ما دام هم اقويا اقتصاديا ليه صرخوا لما بوش مره جمد حزء من المعونه علشان يجمدوا الاستيطان- هم عندهم صناعة تكنولوجيا - بس لو حللتها تلاقى كل مقومتها مسروقه من الامريكان وغيرهم -ببساطه علما امريكان يهود اتعلموا واشتغلوا فى امريكا وهب هاجروا لاسرائيل

احنا مش محتاجين الا للثقه بالنفس- وشئ من النظام والرؤيه - وده كان موجود فى اكتوبر- ولعلمك ظروفنا وقتها كانت العن من دلوقت 100 مره

بس للاسف دلوقت لا رؤيه ولا نظام- وثقه بالنفس حتيجى منين - الحدق يفهم- مش عايز اقول اكتر من كده

متفقه معاك

المشاركة الأصلية كتبت بواسطة N.Y.S.M.A

أنا درست علم نفس ................................. إجرامي


وده تحليلي للموقف

اليهود لما كانوا بيتكلموا على إنهم مش فارقة معاهم المعونة الأمريكية كان السبب مش لأنهم إقتصاديا بقوا من الدول المتقدمة مثلا .. لكن لأن 90 % من الكيانات الإقتصادية الكبرى في العالم مالكيها يهود وهم الذين قامت الدولة العبرانية على تبرعاتم من الأصل


تخيلوا لما مؤسسة بحجم نوكيا تكون من أكبر الكيانات الداعمة لإسرائيل (وكلنا عارفين إن إسرائيل حاجة واليهود حاجة تانية وزيها ستاربكس كافيه وزيهم أوراكل وصن ... أشهر وأغلى ماركات الخمور أصحابها من الداعمين للدولة اليهودية لا يصح ذكر أسمائهم .. شركات السجائر بالكامل ....... أنا لو قعدت أذكر الكيانات والمؤسسات العملاقة دي مش هاخلص لأنهم كتير فعلا وهم يتباهون بذلك ولا يخفونه

لييييييييييه قلتلى بس ايييييييييييه ده انا ناويه اجيب نوكيا n8 من فتره

الله يسامحك