الموضوع: الحمد لله نويت على الفانتازيا محتاج نصائحكم

المشاركة الأصلية كتبت بواسطة maserati

السلام عليكم و رحمة الله و بركاته

ألف مليون مبروك و ربنا يباركلك فى العربية الجديدةو يملهالك خير و بركة و يرزقك خيرها و يكفيك شرها .

أنا بصراحة , حبيت أنى أستفيد من تجمع خبراء السكودا أوكتافيا و الفانتازيا هنا و أستفسر عن حاجة مؤرقانى من مدة .

أنا من المعجبين جدا بالسكودا أوكتافيا a5 و الفانتازيا و الحاجة اللى ماكنتش عجبانى فى الفانتازيا هى المساحة اللى ورا على الازاز دى , لأنها بتخلينى حاسس أنها عربية هاتشباك مش سيدان و كمان لأن باب الشنطة مش طويل و جود المساحة دى مخلى شكلها مش أد كده, المهم و أنا ماشى مرة فى المنصورة عندنا, لقيت فانتازيا لونها أسود واقفة فى شارع جانبى لشارع الجمهورية ( البحر ) و من غير مساحة ورا عالازاز و وقتها شكيت أنها ممكن تكون مكسورة أو صاحبها شايلها و لا حاجة, بس لما بصيت كويس, لقيت مفيش أثر للمساحة و أن العربية نازلة كده و بصراحة انبسطت أوى و لما مشيت بعد كده, لقيت واحدة تانية واقفة أودام نادى جزيرة الورد لونها أحمر فاقع كده و برضه من غير المساحة اللى ورا, خلوا بالكم, أنا كل ده بتكلم على الفانتازيا اللى هى الfacelift , المهم بعد كده , كل الفانتازيا اللى بشوفهم فى الشارع بيبقوا ليهم مساحة ورا , أنا عاوز أعرف ايه الفرق بين الاتنين , يعنى اللى بمساحة دى اسمها ايه و موديلها ايه و مواصفاتها و اللى من غير مساحة دى تبقى ايه؟؟؟؟؟, و هل الفانتازيا بينزل منها بمساحة و من غير مساحة , أنا عارف أن السؤال ده رذل و بسيط و ساذج أوى , بس بصراحة موضوع المساحة اللى ورا ده يفرق معايا كتير أوى -رغم أنى عارف أنها مفيدة جدا و كتير من الأخوة الأعضاء الأفاضل بيحبوا شكلها جدا, لكن دى مسألة أذواق- لدرجة أنى لما ببقى ماشى فى الشارع و أشوف سكودا فانتازيا , أول حاجة ببص عليها, بيبقى الازاز اللى ورا عشان أشوف ليها مساحة و لا لأ , أنا عاوز أعرف بأه تفاصيل الليلة دى من الألف الى الياء و جزاكم الله كل خير .

شوف حضرتك
المفروض العربيات اللي فيها مساحات من وره بتبقي من الفئة ذات المواصفات الاعلي
اما الفئات الاولي بتنزل من غيرها

المشاركة الأصلية كتبت بواسطة MASERATI

السلام عليكم و رحمة الله و بركاته

ألف شكر لذوق حضرتك و جزاك الله كل خير , أنت الوحيد اللى رديت على و بليت ريقى .

ألف شكر .

يعنى سيادتك , تقصد أن الBaseline هى اللى بتنزل من غير مساحة ورا على الازاز و يا ترى هى مانوال و لا أتوماتيك ؟؟؟

ألف شكر على كرم أخلاقك .

اولا و عليكم السلام و رحمه الله
ثانيا العفو و لا شكر علي واجب
ثالثا بالظبط كده كلام حضرتك مظبوط
ال Baseline هي اللي بتيجي من غير المساحه اللي ورا
انا اللي شفتهم كانوا كلهم اوتوماتيك بما فيهم ال Baseline لان في الكويت المانوال ملوش سوق خالص
فمش عارف
اعتقد ان المانوال لو بينزل منها Highline هيبقي فيها

المشاركة الأصلية كتبت بواسطة MASERATI

السلام عليكم و رحمة الله و بركاته

ألف شكر ليك يا باشا .

أصل أنا من المشاكل اللى سمعتها بخصوص فتيس الأوكتافيا , بقيت بخاف و كمان أنا بستمتع بسواقة العربية أكتر بكتير لما يكون فتيس العربية مانوال .

يعنى أفهم من كلام سيادتك أنى عشان أجيب اللى مالهاش مساحة على الازاز اللى ورا, أجيب أقل فئة من حيث الكماليات و التجهيزات الاضافية , مش كده يا باشا ؟؟؟؟

ممكن لو مفيهاش رزالة , تقولنا سعر أقل فئة من الفانتازيا ( اللى مالهاش مساحة ورا ) فى الكويت كام؟؟

على فكرة , ممتازة جدا العربية البورش كايين اللى فى التوقيع بتاعك دى , اصل العربية دى فعلا عربية وهم و خاصة لما تلاقيها بره ب20000 دولار - مو 2005 , حاجة تعقد, ربنا يرزقنا و اياكم و يفتح علينا من أوسع الأبواب .

و عليكم السلام يا زعيم
شخصيا انا مسمعتش عن اي مشاكل في فتيس الاوكتافيا فمش عارف حضرتك بتتكلم عن ايه
عموما من 2011 المفروض الاوكتافيا هتنزل بالفتيس ال DSG الجديد
و ده كاداء احسن من المانوال و كمان معاه ال Paddle shifters
يعني وقت ما تعوز اديها

و زي ما اتفقنا ال Baseline هي اللي بتنزل من غير مساحه
و سعر الفئة ده هنا في الكويت و هي اوتو و زجاج كهرباء قدام بس و تكيف طبعا بتعمل حوالي 5400 دينار يعني حوالي 108 الف جنيه

اما بقي بالنسبة للكايين :)
فمتغلاش عليك يا زعيم
انت بس تشرف الكويت و العربية تحت امرك
و ربنا يتقبل دعائك اللهم امين