الموضوع: حوار حول دواسة البنزين الكهرباء

YouTube - ‫ط§ط³ط¨ظٹط±ط§ظ†ط²ط§ A113‬‎

معلش بص كده عالدقيقة 0.24

مش دي امركة او تفحيط زي مابيقولو عليها الخلايجة

والله مش قصدي عناد ولا حاجة بس انا عايز اعرف الصح من الغلط

المشاركة الأصلية كتبت بواسطة mrwho1982

YouTube - ‫ط§ط³ط¨ظٹط±ط§ظ†ط²ط§ A113‬‎

معلش بص كده عالدقيقة 0.24

مش دي امركة او تفحيط زي مابيقولو عليها الخلايجة

والله مش قصدي عناد ولا حاجة بس انا عايز اعرف الصح من الغلط

اه ...
بس ديه الارض مبلوله و جايب العجل اقصى يمين فا طبيعى العربيه تعمل كده ... لاكن هات طريق ناشف اسفلت و جرب ... تقبلوا مرورى بهدوء اعصاب

المشاركة الأصلية كتبت بواسطة mmamdouh

معنى كدة ان الموضوع مرتبط بظروف الطريق مش ان العجل بيفوت ولا لا

mmamdouh

ده يعتبر عامل من العوامل اللى بتخلى العربيه تأمرك ..
و برضه ممكن تلاقى طريق ناشف و عربيه عجلها كويس
بس بتمسح الارض و هى طالعه ده عباره عن عزم عالى ..
لكن اللى فى الفيديو ده عباره عن زحلقه اسفلت ....

هو ده اللي عايز اوصلو

نوع الكاوتش عرضة وارتفاعه ونوعه

المشاركة الأصلية كتبت بواسطة mrwho1982

علي فكرة انا محبي ال a113

جداااااا العربية دي بجد حلوة ومش ضيقة من جوه زي ماناس كثير فاهمة ربنا يباركللك فيها

بس انا كنت عايز اعرف مقاس الكاوتش اللي انت مركبو في العربية كام وجبتو بكام لان الكاوتش اللي نازل بيها حاسس ان هو كاوتش عجلة

وماهو صحة القول ان العربية دي بتحتاج مساعدين جداد وان المساعدين بتوعها ضايعين

معلش هاتعبك معايا

ملحوظة : احنا هنا علشان الكل يستفيد وكل واحد يثبت وجهة نظره بدليل

مع احترامي لجميع الاعضاء

العربية أصلا بتنزل ستاندارد بـ165/60 وطبعا مقاس الجنوط 14 بوصة

وفعلا الكاوتش بتاعها سيء جدا ومقرف للغاية
أنا غيرته بعد 20 ألف كيلو فقط كان عمره الافتراضي انتهى رغم ان كان عندي 3 عجلات مافيهومش ولا خرم ولا لحام بس الكاوتش خامته وحشة أوي وكان نشف وشقق

المهم بقا في الحوار ده اني باراجع مقاس الكاوتش المعتمد بتاعها اللي موجود على القايم لقيته أصلا 165/70 !!!!
طب التوكيل مركب 165/60 ليه الله اعلم
التفسير الوحيد اللي جه في بالي انه التوكيل لقا مورد يجيبله المقاس ده بسعر رخيص وطبعا عشان كده كفائته زبالة

فعشان كده لما جيت اغير الكاوتش (وكنت حابب اعرض شوية) حطيت 185/60
على اعتبار ان مقاسها الصح اللي كان المفروض يركب فيها هو 165/70

فعملت حسبتي على المقاس الصحيح بتاعها وليس على مقاس الكاوتش الفعلي اللي جاي فيها


أما بخصوص المساعدين قلبي معاك
دي أحد الأمور المسلم بها وأصبحت أحد خصائص الاسبيرانزا في السوق المصري
زيها زي (عيوب علبة الدركسيون والتخبيط والرزع اللي فيها - عيوب الكاوتش اللي كل الناس بتشتكي منه)
انا قلت مصاريف بمصاريف فحطيت 4 كوني ووطيت العربية شوية وفعلا فرقت كتير
اللي بيركب عندي العربية بيقول غير أي 113 تانية ركبتها في حياتي
رغم انها ناشفة برضه بحكم كونها رياضية لكن مفيش بقا الهبد والرزع والتخبيط والكركبة اللي كنت باسمعها والعربية زيرو

العربية فيها عيوب صعبة بصراحة بس الحمد لله حلولها موجودة

الحل:
4 مساعدين ميتسوبيشي كولت أو لانسر بطة وساعتها هاتحس بفرق رهيب
وماتقولش طب اركب الأصليين بتوعها لأنهم هايطلعوا زي اللي فيها تمام .....