ممدوح باشا كل موديلات الاسبيرانزا فيها ABS بما فيهم الـ113
.
.
.
.
أخ مودي تعقيب بسيط على مشاركتك
العزم بيضيع لما يكون الـASR مقفول
لما نظام التحكم يبقا شغال ده معناه انه بيحافظ على عزم الموتور

بالبلدي..
في الحالتين عزم الموتور هوة هوة مابيتغيرش
في حالة الأمركة أو الفرك الواحد بيفرح بالصوت والمنظر لكن في الحقيقة العزم اللي طالع بيروح هدر
لأنك بتضيع جزء كبير منه وانت واقف في مكانك لسه ماتحركتش
أما في حالة ان فيه برنامج بيعمل كنترول على خرج الموتور فهو بينظم العملية عشان يحول كل قوة العزم إلى طاقة حركية تستفاد بيها بدل ما كانت بتروح هدر

القوة الغاشمة مش هي المقياس ## المقياس هو في كيفية تنظيمها عشان توصل لأحسن نتيجة
العربية اللي تأمرك أو تفرك معناها Acceleration أقل معناها محتاجة زمن أكتر للتسارع
لو تاخد بالك في سباقات الDrag بيسخنوا الكاوتش قبل السباق
الحركة دي بيعملوها عشان الحرارة بتخلي الـGRIP بتاع الكاوتش أعلى ((قوة التصاق أو احتكاك الكاوتش بالأسفلت))
وبالتالي بتقلل من فرص الفرك أو الأمركة عند الطلعة بتاعة السباق وبالتالي يقدر السواق يحقق زمن أقل في التسارع بتاعه


خد بالك في أي أوتوكروس اللي العربية بتفرك منه هاتلاقيه أكيد الفرك ده خلاه اتأخر في الطلعة ومعناها خسر زمن

لو في إيدك كوباية بتملاها مية من الحنفية
ممكن تفتح الحنفية بالمقدار المناسب
وممكن تفتح الحنفية على آخرها فجأة
أنهي حالة هاتقدر تملا فيها الكوباية في أقل وقت ؟
مع انها في الحالتين نفس الكوباية ونفس الحنفية ونفس مضخة المية أو موتور المية بنفس القوة !!!

دي باختصار فكرة البرنامج اللي بيعمل كنترول على دواسة البنزين الكهربا

وده الفرق اللي يخلي عربية 113 تطلع من عربية فيرنا من الثبات
مع ان الفيرنا موتور جبار وأعلى في السعة وأقوى في العزم والقدرة الحصانية
لكنها قوة غاشمة + Grip قليل جدا بسبب ان العربية خفيفة وكاوتشاتها صغيرة ورفيعة = طاقة مهدرة بنسبة كبيرة
انما مثلا لو تجنط وتكبر مقاس الكاوتش أو تعرضه بمعنى أصح تبقا عملت GRIP أكتر وقللت اهدار الطاقة

أي دراج ريس أو فورميولا 1 هاتشوف فيه كاوتشات عريضة بطريقة غبية بالإضافة الى أنها غير منقوشة FLAT TYRES
عشان تدي أعلى معامل احتكاك في الأرض وتبقا تقريبا مفيش إهدار للطاقة لأن أجزاء الثانية بتفرق معاهم