مقارنة لسيارة فى حدود 100 الف

**tarekmomo** · 04-01-2011 04:56 PM

المشاركة الأصلية كتبت بواسطة romioramy

_________________________________
بص يا باشا رأي الشخصي كالتالي :-
1- تويوتا كورولا - لو بتحب العربيات اللي سعرها قطع الغيار في متناول الجميع - واسعة - تكييف ممتاز عائلية - بتشم البنزين و موفرة جدا و معمرة ايضا و لهذا هو الإختيار الأول .
2- ب ام - عربية ما يختلفش عليها اتنين - بس خلي بالك من حاجة العربية موديل بعيد يعني حتحتاج صيانة من العيار الثقيل و التكلفة مش قليلة بالالاف علشان تبقا عارف - انا بتكلم علي الاوريجنال طبعا .بس عربية شياكة و فخامة و ماتور عفي جدا و ثبات ما فيش زيه .
3- النيسان صني - مش هتكلم عليها علشان ما بحبهاش خالص و لا شكل و لا طعم و لا لون .. مع إحترامي لكل مالكي الصني بس ده رأي الشخصي فقط و لا يقلل من شأن العربية في شيء .

اتمني اكون افدتكم ،،،

هو حضرتك جربت العربية النيسان عشان تحكم عليها

**romioramy** · 05-01-2011 04:55 PM

المشاركة الأصلية كتبت بواسطة tarekmomo

هو حضرتك جربت العربية النيسان عشان تحكم عليها

__________________

حضرتك زعلت ولا ايه !!
حقك عليا و مع احترامي الشديد لمالكي الصاني ..

انا فعلا جربت العربية و رأيي الشخصي انها ضيقة و تقفيلها مش حلو خالص و حماية كان جايب موديل 2008 و اول ما استلمها الطابلوه فصل و العدادات مش شغالة رجع تاني يوم للسبع قاله ماعرفكش عليك و علي التوكيل .

و للأسف بيعها بخسارة 5000 جنيه علشان اترخصت المهم مش هو ده السبب اللي مزعلني منها بس تقديري للعربية علي بعضها ضعيف .

و لكن الاختلاف في رأي لا يفسد للود قضية .