الموضوع: قانون المرور الجديد

المشاركة الأصلية كتبت بواسطة cpt_shawky

هل معنى ذلك أن اللواء شريف جمعة بيشارك معانا فالمنتدى بصورة أو بأخرى....هل يمكن قيام المنتدى باضافات مقترحات للقانون ؟؟

الصراحه مش فاهم دى تريقه وللا تقصد ايه..... عامة بالتفصيل: المصدر هو اللواء/ شريف جمعه مساعد وزير الداخلية للشرطة المتخصصه اثناء حواره مع عمرو اديب فى القاهره اليوم لمناقشة اهم ملامح القانون الجديد ... وانا كنت باتفرج على الحلقه واوقفها واكتب اللى اللواء شريف بيقولوا واكمل وهكذا على اساس ان الفايده تعم....

وبالمناسبه قبل ما اكتب عملت سيرش على المنتدى على جملة "قانون المرور الجديد" تلافياً لأى تكرار ومطلعليش اى موضوع اتكلم عنه فعذراً للأخ شيكو

تانى حاجه: احنا كاعضاء فى المنتدى عددنا مش بسيط واعتقد ان المنتدى ابتدى يسمع فى مصر كلها بدليل اهتمام شركات مثلا زى متسوبيشى وهيونداى باراء الاعضاء وخدمتهم... ممكن نكتب مقترحات وبوسيله او أخرى نعرضها على ادارة المرور او حتى جريده ونقول ان ده رأى عينه من 2000 او 3000 سائق فى مختلف انحاء مصر ... اعتقد ان ده ممكن لو اعضاء المنتدى اتفقوا عليه

بجد انا قرأت بنود القانون وكنت حاسس اني بقرأ لأحلام كل مواطن بيستخدم الشوارع بسيارتة او مستعمل المواصلات ...... لاكن برأي هي مات زالت مجرد أحلام .. أحلام ... أحلام ... ودة لسبب واحد بس .. ان بجد اللي محتاجين نعرفة فعلا = هو مين اللي يقدر يطبق هذة القوانين فعلا على ارض الواقع ؟؟؟؟؟ انا اتمنى فقط انها تتطبق ولو جزء منها لاكن في شوية شروط لازم توفرها وازارة الداخلية والمرور علشان فعلا تقدر تطبقها .. وهي كالاتي :-
1- توفير المرتب المحترم لكل موظف بالمرور والداخلية لكي يمنعة من تحصيل ( الاتوات ) على كل من يقود سيارة ويكون فعلا واجهه محترمة تمثل وزرارة الداخلية ..
2- تفعيل القانون على كل مواطن مصري بغض النظر عن منصبة او علاقاتة او معارفة ( يعني مش كل واحد لية ظهر ممكن بسهولة بتصال بسيط لاي معرفة يلغي المخالفة وممكن الضابط اللي اتجرئ على الفعل المشين دة يتحول للتحقيق )
3- بجد انا قاعد بفكر لقيت ان محتاجين حاجات كتير اوي علشان نقدر نطبق كتير من القوانين اللي مجرد حبر على ورق .... ولقيت ان بجد بلدنا محتاجة واقفة مهمه اوووي ( محتاجة اعادة تنظيم المنظومة كلها من اصغر موظف بسيط لاكبر ناس فيها ... ) لان بجد الواحد كل ما بيفكر في جهة بعينها يلاقي ان في جنبها جهات تانية لازم ( تتعدل ) ولاقيت ان المنظومة كلها عايزة يتعملها ( فورمات ) لان فيها فيروسات كتير :) :)