6 ابريل 2008 - اضراب عام لشعب مصر

**Hassan Khalil** · 04-04-2008 12:47 AM

الحكومة الان تعمل جاهدة لاجهاض اي شئ ممكن يتعمل في هذا اليوم .. و بدأت المصالح الحكومية بالفعل في اتخاذ اجراءات استباقية لمواجهة الاضراب علي مستوي كافة المسنويات الوظيفية .. من خلال التهديد و الوعيد بالفصل و توقيع الجزاءات و النقل ..الخ .. لمن يتغيب عن العمل في هذا اليوم بالذات ..بالاضافة للتصريحات المتكررة ذات اللهجة التهديدية لوزير الداخلية بالتعامل بحزم مع كل من يفكر في تكدير الصفو العام و اثارة الرأي و الفتن !!!
لذلك يتوقع البعض ان يكون اضرابا ضعيفا او باهتا .. و وسائل الاعلام بالطبع ستدعم ذلك .. و حتقول ان مفيش اي حاجة حصلت و الدنيا زي الفل و الناس كلها راحت الشغل النهاردة بالذات .. بالظبط زي ما عملوا ساعو الاضراب بتاع هيئات التدريس بالجامعات .
اعتقد ان شعبنا لسه بيتعلم مفهوم الاضرابات و المطالبة بالحقوق .. يمكن تكون الخطوات الاولي ضعيفة شوية لكنها بداية جيدة جدا .

**ayman_elkholy** · 04-04-2008 01:01 AM

تقريبا كدة هاتكون كدبة ابريل صح

**Hassan Khalil** · 04-04-2008 01:20 AM

يا ريت تبصوا علي اللينك ده
http://www.almesryoon.com/ShowDetail...D=46831&Page=1

**Dr_Smart** · 04-04-2008 01:52 AM

المقال بتاع جريدة المصريون ده - اللي حاطه استاذ حسن خليل - موتني من الضحك
فعلا شر البلية ما يضحك

حسيت انه ناقص الحكومة تقول ... اللي مش هيروح شغله يوم الاحد الجاي هنحط السيخ المحمي في صرصور ودنه ... هههههههههههه

**meza** · 04-04-2008 02:09 AM

المشاركة الأصلية كتبت بواسطة Hassan Khalil

يا ريت تبصوا علي اللينك ده
http://www.almesryoon.com/ShowDetail...D=46831&Page=1

لو الكلام اللى فى المقال ده صحيح ....... تبقى هى دى المسخرة بعينها ..... و يبقى الحكومة دى و حزبها ميستحقوش منى صوتى فى أى إنتخابات جايه ....

لو إتأكدت من الكلام ده .... هقلب عليهم بجد ... بعد ما كنت بدافع عن الحاجات (القليلة) الكويسة اللى بيعملوها و أقول لأ لسه فيها أمل .... :(

بس عندى إستفسار ....... هو مش من حق الواحد يغيب عدد أيام معين فى السنة ..... يبقى فين المشكلة ؟ و هل الجزاءات دى صحيحة من الناحية القانونية ؟

**Hassan Khalil** · 04-04-2008 02:14 AM

المشاركة الأصلية كتبت بواسطة meza

لو الكلام اللى فى المقال ده صحيح ....... تبقى هى دى المسخرة بعينها ..... و يبقى الحكومة دى و حزبها ميستحقوش منى صوتى فى أى إنتخابات جايه ....

يااااااااااااااا رااااااااااااااجل
هل معني كده ان الحكومة دي و حزبها استحقوا منك اصوات قبل كده ؟؟؟؟!!!!!!!

**meza** · 04-04-2008 02:29 AM

المشاركة الأصلية كتبت بواسطة Hassan Khalil

يااااااااااااااا رااااااااااااااجل
هل معني كده ان الحكومة دي و حزبها استحقوا منك اصوات قبل كده ؟؟؟؟!!!!!!!

أيوه يا أستاذ حسن ..... للأسف إديتهم صوتى .... بس مكنش فى حد تانى حاسس إنه يقدر يدير البلد أحسن منهم .... و للأسف لحد دلوقتى مفيش البديل ....... إن شاء الله قريب نلاقى حزب يشد حيله و يبقى أحسن منهم ألف مرة ...... لأن فعلاً على حسب ما سمعت قبل كده من طبيب نفسى إن السلطة لما بتطول بتولد الفساد مهما كان صاحب السلطة ده كويس ....

لأن طول ما صاحب السلطة حاسس إن كرسيه لسه فى خطر و هناك اللى هيوقفه و يقوله إنت ليه عملت كده .... هياخد باله قوى من كل قرار بياخده و كل تصرف بيتصرفه ....

**Hassan Khalil** · 04-04-2008 02:37 AM

عامة ..سواء كان الكلام المكتوب في المقال صحيح ام مبالغ فيه .. فان اي خطوات استباقية لعرقلة هذا الاضراب هي شئ متوقع من الحكومة .. خاصة في وقت اخر حاجة عايزة توجع دماغها بيه هو صوت الشعب و مطالبته بحقوقه المهدرة ..
لكن انا عندي استفسار .. يمكن عشان انا مش متابع اوي .. كل ما يجيلي ايميل عن الاضراب الاقي مكتوب فيه ان القوي الوطنية تدعو للاضراب .. سؤالي هو .. مين هي القوي الوطنية دي ؟؟ و هل هو حاجة منظمة فعلا فنفسنا تنفتح ليها .. و اللا مجرد دعوة و تحفيز همم .. لكن عند التنفيذ نلاقي الدنيا بطيخ ...و محدش عارف هو بيعمل ايه .. و ليه ؟؟و هل هناك مطالب محددة من هذه الخطوة .. و اللا مجرد اعلان للحكومة ان الشعب قادر..و هل التاريخ ده ( 6 ابريل ) له دلالة معينة ...

**جمال** · 04-04-2008 02:38 AM

تصورو حفيدتى الصغيرة اللى عمرها 7 سنين فى اولى ابتدائى بتقولى النهاردة انا مش رايحة المدرسة يوم الاحد الجاى علشان حاجة بيسموها اضراب وسواق الاتوبيس قال مش هييجى ياخدنا !!