بقولك ايه يا كبير
عايز اظبط سكاترا الاستارليت عايزه طقم حشو واللبيض بتاعها مبوش شويه كنت كابسه قبل كده لأن الدركسيون فيه شويه بوش وبتخبط ، واغير مساعدين ورا ..
ايه النظام ؟
عرض للطباعة
بقولك ايه يا كبير
عايز اظبط سكاترا الاستارليت عايزه طقم حشو واللبيض بتاعها مبوش شويه كنت كابسه قبل كده لأن الدركسيون فيه شويه بوش وبتخبط ، واغير مساعدين ورا ..
ايه النظام ؟
الف الف مبروك
والله سعيد جدا بهذا المشروع المبارك بإذن الله
وسعادتى الخاصة أنى اسكن بالقرب من الحرفيين وشايف ان دى ميزة قوية لى
وسؤال بقى على السريع
يوجد فى سيارتى تقشير بوية بالكبوت مكان علامة الدايو وكذلك تفتيح بوية فى الاكصدام الخلفى
وتجريح فى الجانب اليمين(ابواب ورفرف خلفى)
هل ممكن عمل ذلك مع تلميع السيارة بالكامل بالبولش والواكس
ارجو الافادة
مع خالص الشكر
تصدق اني كنت متوقع انو يكون قدورة و الله =)
ربنا يوفق و ان شاء الله انا هروح للعقيد قريب علشان عربية الوالد و فيها رش و ان شاء الله اشوفك هناك يا كريم
الله يبارك فيك
تقشير بوية بالكبوت يبقى لازم سحق ورش الكبوت كله عشان لو مرمه هايبقي عك
تفتيح بوية اكصدام لو مفيهوش تجاريح والاكصدام بالرش الاصلي سيبه
لو فيه تجاريح يترش كله بس يتسحق الاول وياخد مادة جلد(بيسموها كدة) عشان البوية تاخد وتدي مع الاكصدام ما تتكسرش
ولو التجاريح بسيطة تتلم بالتلميع
وفيه نظامين للتلميع
نظام ب 150
ونظام ب 200
الاول يدوي
والثاني بالمكن وبلوش وكمباوند وهاي شاين بعدهم
التلميع مش مجرد تلميع زي بتاع البنزينة
لالالا حوار تاني خالص بياخد حوالي 3 ساعات مكن شغال في العربية مرة واتنين لازالة الخدوش تماما
وانا مجربه قبل كدة ورائع
تنور الحرفيين يا فندم
ربنا يباركلك والى الامام دائما
معلش يااستاذ كريم ممكن توصفلي الورشه من علي google map
معلش هاتعبك معايا بس انا بتوه وانا حتي جو بيتي ههههههه
والف مبروك عالمشروع وربنا يباركللك
انت ابن حلال وتستاهل كل خير
بالمناسبة انا عندي عداد السرعة والحرارة بيعلقو لازم اخبط عالعداد علشان يشتغل
ليها علاج دي يا استاذ كريم
ابو عبد الله دي الاحداثيات
ولما اروح هاسيفلك الاحداثيات بالظبط
30.144288,31.401463
العدادات مش هايفيدك فيها غير كوستا
غالي بس من الاخر ويوفر عليك عك كتير
ألف ألف مبروك يا كريم.
ما شاء الله ، تبارك الله.
ربنا يبارك لك فيها و يديلك خيرها و يبعد عنك شرها و شر العين.
على فكرة ، بناتى عايزين يباركوا لك بس الأول يباركوا لبيدو و كنزى و يكلموهم مكالمة صغيرة ... هه هه هه :POINTIy2[2]::colsmil: طبعا عارف ايه اللى فى دماغهم...:049:
ايه رأيك ؟؟؟
الف مليون مبروك يا كريم
وانت تستاهل كل خير
وبصراحة الواحد مش عارف يقولك ايه على حبك للاعضاء , وانهم فى بالك دايما ,
بجد الواحد سعيد جدا معاكم هنا , وحاسس انه وسط عائلته
وياريت كل المواقع والمنتديات بالطريقة ده , حب وتعاون وود ,’ واسرة واحدة
بالتوفيق يا كريم , وان شاء الله ربنا يرزقك ويوسع عليك اكتر
تحياتى
المساعدين موجوده جديد عند واحد في شبرا اشتريت منه الأمامي قبل كده
والحشو والبيض في عفشجي قالي علي واحد هنا في طنطا الاقيهم عنده بس لسه معرفتش اوصله ومدورتش عليهم الصراحه .. هشوفهم قبلها ان شاء الله
لو ظروفك سمحت في أي فرصه بظروفها تسأل عليهم يبقي كتر خيرك
واحتمال ألمع العربيه برضو لو الظروف سمحت :)
شكرا حبيبي
الف الف مبرووك ... كدة الواحد بقى متطمن لو لا قدر الله و حصل اية حاجة بقى لينا حد نعرفة و نثق فية
الف مبروك يا كريم باشا
و اعتذر عن التأخر فى التهنئة حيث انى لم الحظ هذا الموضوع الا الان فقط
عموما بارك الله لك فيها و جعل العربيه اللى تدخلها مكسورة تطلع مجبورة
ماشاء الله لا قوة الا بالله
ربنا يتملك بكل خير ويجعله في ميزان حسناتك يارب :))
الف مبروك أستاذ كريم ربنا يوفقك ويسدد خطاك
ما شاء الله وربنا يوفقك فى مشروعك
انا عاوز اعمل سمكرة ودوكو للدايو سوداء
بس انا عاوز بوية نضيفة مش زي التاكسي لاني علطول بيدحكو عليا الصنبعية
وكنت عاوز اعرف تأخذ وقت اد اة
ووصف الطريق
ونوع البوية
والف مبررررررررررك فكرة ممتازة
فكرة جميلة و ربنا يبارك لكم و يكون مشروع ناجح باذن الله
الف مبروك يا كريم ومزيد من التقدم
Congratulations dear Karim for the great idea .. Best wishes and from success to success ISA.
Alfred
الف مبروك يا كبيرنا
ألف ألف مبرووووك يا أستاذ كريم .. ربنا يباركلك فى مشروعك و يبقى أكبر و أكبر
حضرتك كده وفرت عليا اللف و الدوران اللى كنت هعمله الأسبوع الجاى فى الحرفيين ... واحد صاحبى عنده نيو أكسنت برضه الجنب الشمال عنده إتبهدل خالص و هو بقاله أسبوع بيلف فى التوفيقية عشان يلاقى حد نضيف يشتغله فيها بس كله بيستغل و يطلب مبالغ غريبة عشان العربية 2011 !!! ... و بسأله إنهاردة وصل لإيه و كان محتاس جداً و متنكد .. قلتله ميقلقش و هاخده و ننزل نلف لفه فى الحرفيين.
إن شاء الله هنجيلك الأسبوع الجاى أو اللى بعده .. بس أربط معاه الأول بس ونلاقى وقت نكون فاضيين فيه.
مبرووووووووووووووووك يا كريم باشا ...ويا رب تفضل دايما خادم للناس و يجعله في صالح اعمالك يارب
ألف مبروك يا أستاذ كريم
وربنا يباركلك ويزودهالك إن شاء الله طالما بتحب الخير لغير زى مابتحبه لنفسك
وإن شاء الله ال127 بتاعتى يكون لها نصيب عندك :)
ألف مبروك مرة تانية
الف مبروك يا أستاذ كريم عالخبر الجميل ده
أنا سمعت عن المشروع ده من فتره وعرفت ان الأعلان نزل قلت أدخل أباركلك
الف مبروووووووووووووووووووووو ك والله فرحتلك تستاهل كل خير
ألف مبروك وبالتوفيق إن شاء الله
مستني الصور يا كريم
قبل وبعد
يا مسهل الحال
دكتور شريف الله يبارك فيك ويباركلك في بناتك
وسيب بيدو وكنزي في حالهم هما مقتنعين بالمصروف ده :-)
محمد سمير خلاص نظبط مع بعض لما تجيب قطع غيارها ووجدي شخص امين وفاهم ورايق قوي في شغله وناس كتير هنا شكرت فيه جدا
أستاذ عاطف عادل atefadel لو انا قريت الاسم صح
تشرف وتنور وحضرتك الاسود ده انواع كتير ودرجات كتير جدا
ونوع البوية بيفرق جدا سواء من اوميجا لسكيب لل اسكينز الاصلي للاسكينز بوية ومعجون وورنيش
كله بتمنه ولما تشرفنا هاعرفك تمن كل حاجة كام عشان حتى لو ماعملتش عندنا تبقى فاهم وانت بتتكلم ومحدش يضحك عليك في اسعار اطلاقا وده دوري ودور المنتدى في الاصل
مينا ميزا تنور انت وصاحبك
بس صاحبك اللي عربيته اتخبطت بيعمل ايه في التوفيقية
بيسال على صنايعية ولا قطع غيار :-)
كل حاجة موجودة ف يالحرفيين
واللي مش موجود هابعت اجيبهلوك من عند مهندس احمد الشحات لانه مركز معتمد هيونداي وعنده كل الاصلي وبينزله استوك قطع غيار شهري ب 150 الف في الشهر
ما تقلقش
كله تحت السيطرة ان شاء الله
استاذ مكرم تنورنا بال 127 وان شاء الله تخرج احسن ما تتخيل
ابو صلاح
ربنا يكرم ان شاء الله وتعجب زميلتك
شكرا جزيلا لكل مباركتكم ومشاعركم الصادقة الطيبة
تحياتي
مجهود رائع
الف مبروك
الف مبروووووووووك
الف مبروك وربنا يباركلك ان شاء الله
ألف مبروك ، ربنا يفتح عليك
ربنا يباركلك وإنت تستاهل كل خير
ما شاء الله
خبر جميل والله و موفق بإذن الله في إختيار الفني أحمد وده عن تجربة
ربنا يجعله باب رزق واسع لك ولجميع العاملين فيه وأن يبارك لك في مالك وأهلك وولدك وان يرزقك الحلال الطيب الخالص وان يبعد عنك كل شر وسوء وهم وحزن.
الف مبروك وربنا يباركلك ان شاء الله
الف مبروك, انا لسة أري الموضوع حالا و بصراحة جه في وقتة....
انا كنت عايز ارش الغربية مط بس خايف اروح لاي حد ..... ومن كلام الناس عرفت انك شخص محترم ....
هل انا ممكن اعمل العربية عندكم ؟؟؟؟
شكرا.
بسم الله ما شاء الله
ربنا يوسعك عليك يا استاذ كريم ويزيدك من الخير ، وان شاء الله يبقى المشروع ده بذرة لمركز خدمة كبير
الف مبروك يا باشا .. والله مشروع هايل .. وان شاء الله هاجي اشد عربيتي عندك
الف مليون مبروووك يا استاذ كريم