باشا الف مبروك اولا ثانيا انا هكلمك لان عربيتى عايز اجددها علشان اللو ن الاسود انت عارف يكلح من الشمس بس انا قلقان من رش السقف وفكة وتركيبة بس على العموم انا هكلمك ونظبط مع بعضينا
عرض للطباعة
باشا الف مبروك اولا ثانيا انا هكلمك لان عربيتى عايز اجددها علشان اللو ن الاسود انت عارف يكلح من الشمس بس انا قلقان من رش السقف وفكة وتركيبة بس على العموم انا هكلمك ونظبط مع بعضينا
ايه الجمال ده يا كيمو
الف الف مبروك و انت تستاهل كل خير و الله و شيء جميل ان الانسان يستثمر علاقاته العامة استغلال ايجابي و بأذن الله حكون ذبونك قريب جدا لاني احتمال يكون عند ي كورس في القاهرة قريب و عايزك بقي تعملي شفط للعتب و رشة خفيفة كده
تشرفت يوم الخميس بالحديث مع كريم منير في التليفون وأحمد قدوره ورحت الورشه يوم الجمعه الصبح وقابلت أحمد قدورة .. الراجل محترم وأمين جداً الصراحة والتعامل بجد مريح جداً. أنا ان شاء الله حتعامل مع الورشة على طول. أنا سجلت مكان الورش على الجي بي اس على موبايلي ورفعتها علشان لو أي حد معاه موبايل نوكيا وعاوز ينقلها على موبايله علشان يروح بالدرايف نافيجيشن بتاع الموبايل. تحياتي للجميع. للتحميل اضغط على الرابط التالي وبعدين ابعتها من الكمبيوتر للموبايل بالبلوتوث. 7erafeyin Nile Motors.lmx - 4shared.com - online file sharing and storage - download
والله يا نجد في زيارتي لفورميلا الاهرام اتكلمت مع متخصصين من شركة سوناكس خاصة ان كان فيه خبير الماني وكان واقف معايا زميلنا نادر وبيفرجنا على احدث كورس معالجة خدوش وخرابيش بشرط انها تكون ماوصلتش لطبقات التبطين
واتفقت معاهم ان شاء الله على مجموعة كدة هاناخدها منهم
المجموعة بتكفي من 6 الى 8 عريات وجاري عمل دراسة للتكلفة عشان نعرف السعر النهائى لتكلفة السيارة
خاصة اننا هانستخدم 3 درجات من الصنفرة والتلميع والحماية من سوناكس الالماني
وان شاء الله عايز اوصل ان السيارة ماتزيدش عن 250 جنيه وده هايكون سعر خاص لنايل موتورز لان فعلا مكونات الكورس غالية وبتاخد وقت كتير ومجهود كبير من الصنايعي
بس زي ماشوفت النتيجة فعلا فوق الممتازة وبتشيل كافة الخرابيش والدوائر في الدهانات
وخاصة انها بتستخدم في توكيل مرسيدس في مصر لتلميع السيارات
بس مش عايز اقولك تكلفتة في مرسيدس كام :-)
ألف مبروك, ربنا يبارك في المشروع الجديد
نيتك طيبة جدا
ليّ سؤال ممكن ناس تعتبره هامشي بس هو مهم لناس كتير
أنا باودي عربيتي بنفسي لكل حاجة, الصيانة و غيره, عشان كدا السمكرة و الدهان في التوكيل بالنسبة لي حل مناسب
هل التوجه للحرفيين ممكن يكون آمن لسيدة لوحدها؟؟؟ ولا تنصح انها تسيبها لحد تاني؟؟
السلام عليكم ورحمة الله وبركاتة
مبروك مبروك مبروك عليكم وعلينا
بارك الله ولك يا اخونا الكريم انا سعيد لك على فكره وحاسس انى حستفيد لانى حاسس بالامانه فى الموضوع
بس اعذرنى يا اخى انا معرفش المكان الى اللى انتا فيه خالص لانى لسه شارى العربية ودى اول عربية ليا فمليش فى الحتت دى خالص زى الحرفيين ولا عزبة شلبى ولا مش عارف ايه انا معايا سكودا فليشيا ونفسى فى حد امين ي اكون معه على طول
بس عايز اعرف ايه النشاط بالظبط . هل ميكانيكا ودوكو وسمكره وكهرباء وكله نزل لنا النشاطات بالتفصيل لو سمحت
ومبروك مره اخره
برافو عليك كريم باشا - سوناكس شركة محترمة جدا جدا و خاماتهم في منتهي الجمال انا بتعامل بيها من سنين - و بزور مهندس اشرف الفرعوني صاحب شركة الفرعونية اللي هي واخدة توكيل سوناكس في مصر من زمان و هو صديق شخصي ليا و هما ناس محترمين جدا و اساتذة في فنون تجميل السيارات
تخيل يا كيمو عندهم لوشن للعربية و حاطينه في علبة زي علب الميك اب عشان الخدوش الخفيفة انت ممكن تتعامل معاها لوحدك - و الشامبو بتاعهم في منتهي الجمال و الروعة و موجود منه دلوقتي في كارفور و ميزته انه فيه مواد شمعية كتير بتحافظ علي لمعان العربية و رونقها
بالتوفيق كريم باشا و ان شاء اقعد معاك قريب عشان استفيد من خبرتك في المجال ده
الله يبارك فيك
التوجه بسيارة للحرفين من قبل سيدة لوحدها من غير ماتكون عارفة هي رايحة لمين ومكان امين دي مخاطرة كبيرة
لان رجالة بشنبات بيتضحك عليهم هناك فما بالك بواحدة مش فاهمة اي حاجة عن العربية
لو قالها اي حاجة هاتصدقها لانها ماتعرفش اي حاجة
وده كان سبب اننا فتحنا المكان ده
اما بخصوص السمكرة والدهان في التوكيل للاسف مخدوع فيه كثير من الناس لسببين
كتيرين بيشتغلو بالقطعة ومش فارق معاهم
يعني هو الرفرف مثلا ب 300 جنيه مع انه ممكن يكون محتاج شغل اكتر بكتير
او العكس مافيهوش شغل كتير
ثاينا صنايعية التوكيل مش مهتمين انهم يحافظو على العميل اطلاقا
لانه في النهاية عميل التوكيل مش عميله
تحياتي
الله يكرمك يا باشا
وفعلا منتجاتهم فوق الرائعة انا بتعامل بيها في عربيتي من زمان
والخبير اللي كانو جايبينه فاهم وواثق جدا من منتجاتهم
ولما دردشت معاه طبعا فهمت كل عربية بتاخد قد ايه وتتعمل ازاي بالظبط
حقيقي شغل الاجانب حاجة تانية خالص
يعني البائع كان بيقولي تكفي لغاية 14 عربية
انا سالته عن الكمية لكل عربية حسب درجات الخدوش اللي بنشوفها في مصر قاللي لغاية 8 عربيات :-)
عشان كدة التكلفة ممكن تكون عالية لكن النتيجة اكثر من رائعة
خاصة للالوان الغامقة اللي بتبان في الخدوش والالوان الصريحة زي الاحمر والازرق
أستاذ كريم
هل حضرتك بتتعامل مع التأمين؟ يعني فيه فواتير و لا لأ
دي صور اول عربية خلصت في الورشة
هنا قبل الشغل
http://www.nileup.com//uploads/image...7d744ecad2.jpg
http://www.nileup.com//uploads/image...c4575b2944.jpg
http://www.nileup.com//uploads/image...22bf1ca088.jpg
http://www.nileup.com//uploads/image...233626d5cd.jpg
http://www.nileup.com//uploads/image...ce1d61d4da.jpg
http://www.nileup.com//uploads/image...0b0bb49d00.jpg
http://www.nileup.com//uploads/image...dfe094f430.jpg
وهنا اثناء الشغل بعد انتهاء السمكرة وفي مرحلة التحضير للدهان
http://www.nileup.com//uploads/image...89721d1276.jpg
http://www.nileup.com//uploads/image...3b88c9cd57.jpg
http://www.nileup.com//uploads/image...7ce93c2609.jpg
بعد الانتهاء من السيارة واثناء التلميع وعذرا ان الصور كانت بليل
وعلى فكرة الاكصدام الامامي المتقطع ده اتصلح تاني لان اكصدامها غالي
والفانوس اليمين اللي اتكسر ده اتعملو وش
لان فانوسا اليمين ب 450 صيني :-)
http://www.nileup.com//uploads/image...ddba872c7e.jpg
http://www.nileup.com//uploads/image...377b616e79.jpg
http://www.nileup.com//uploads/image...3239f3b20b.jpg
http://www.nileup.com//uploads/image...145cc11158.jpg
http://www.nileup.com//uploads/image...6e1fad962b.jpg
http://www.nileup.com//uploads/image...fef138a451.jpg
http://www.nileup.com//uploads/image...b9fc915fd3.jpg
http://www.nileup.com//uploads/image...29ef72e802.jpg
ما شاء الله يا كريم باشا شغل زي الفل ربنا يكرمك ويرزقك
الله ينور يا كريم ..... الصور لو بالنهار حتبين الشغل افضل
شكلى ح اعمل وش نظافه للعربية وح اعمله عندك واجيلك من اسكندرية مخصوص
العربية رجعت زيروووووووووووووووو
الله يكرمكم ويبارك فيكم
الطويل باشا يشرفني
يا باشا ده انا ابعت العمال والعدة والكابينة نفسها وننصبها عند سعادتك في الفيلا
واهو بالمرة الصنايعية تضرب غطس في البسين ويجيلهم التهاب رئوي في الجو ده :-)
يا باشا انت تنورني والعربية تتسلم لغاية باب البيت
بس تعزمني على واحد جمبري قزاز وسرديا واستاكوزا ومش عايز منك ولا مليم
هاهاهاهاها
الصور اتصورت باليل لان العربية خرجت من الكابينة العصر وعلى ماتلمعت واتظبطت
صاحبتها كانت مصممة تستلمها عشان قعدت 5 ايام من غيرها
يااااااااه كل ده يا كيمو ... قد القول وتعملها يا شقيق
بالنسبة للجمبرى بقه .... حبيب قلبى انت وكل حبايبك تشرفنى فى اى وقتك و ح اخليك تيجى تنقي الجمبرى بالواحده قبل ما نجيبوه
وح اخليك تشوف منظر عمرك ماشوفته قبل كده ... حتشوف الجمبرى صاحى و بيمشى :verygood:
بدل الجمبرى البلاستيك اللى ببتاكلوه عندكم :)
ما شاء الله يا كريم على الشغل
ياريت تقولى لو موضوع الخدوش ابتديتوا فيه عشان العربية عندى مليانة خدووووش وعايز اعملها عندك.
طويل باشا هو عندنا بلاستك انا عارف
بس صاحبك برضه بيعرف يجي القزاز الاحمر السويسي :-) ابو حلقات ده مش الصيني :-)
تسلم يا دماسري ولو كان الصور بالنهار كان بان الشغل احسن كمان
وان شاء الله شغل سوناكس جاري الاتصال بالشركة للحصول على المستحضرات وكمان السفنجة المخصوصة بتاعتهم لانها حاجة تانية فعلا ويا دوب بتكفي عربية واحدة وتتهري
وتمنها لوحدها 80 جنيه تقريبا
انت انسان محترم جداً، ربنا يوفقك يا كريم باشا.
الف مبروك يا كيمو انك تستطيع عمل شئ يحسس الناس انهم في امان
الف الف مبروك يا كريم و ربنا يباركلك في المشروع دا
الاخ الفاضل : كريم حاولت الاتصال بكم عدة مرات ولكن لم ترد عموما انا عندى سيارة فيرنا فى خبطة من الامام فى الجهة اليمنى الاكصادام مكسور بس فى مكانه مش متحرك عايز اعمل السمكرة للاجزاء حول الفانوس ودوكو ........ فهل انتم شغالين الايام ديه ومن الساعة كام وارجو وصف الطريق لاننى قادم من طريق الاسماعلية الصحراوى -- فى فتحة تطلعنى على الدائرى ------- وانا لا اعلم كيف ادخل للحرفيين وشكرا
الف مبروك بارك الله فيك اخى كريم
مش بقفل تليفوني غير وانا نايم فقط
لكن سوء الاتصالات في الايام الماضية حال دون اتصال الكثير بي
نعم شغالين حاليا لكن بنصف طاقتنا عشان الحظر
انا مش عارف انت جاي من طريق اسماعيلية الصحراوي ولا من طنطا زرعي ثم دائري
لو طريق اسماعلية في نهايتة كوبري الهايكستب
ماتطلعوش تدخل من جنبه يمين بعد نهاية معسكر الجيش
دي لحرفين
تدخل الحرفيين بعد ماتخلص المنزل تسئل فين نقطة الحرفيين
هي في نهاية المنزل
تقف عند النقطة وهانبعت صبي يجيب حضرتك الورشة
الورشة بجوار مدرسة عمار ابن ياسر الابتدائية
ورشة احمد قدوره
تليفونه
0102892814
وتليفوني
0101263030
تقدر تشرفنا في اي يوم بنفتح 10 وكلمني قبل ما تيجي
تحياتي
بعد اذنك ياكريم باشا .. ممكن اعرف العربيه دي اتكلفت كام سمكره ودهان ؟؟؟
Congratulation
وبالتوفيق دائما
=========
الضربة الجوية
ياريته ضربنا
وحكم إسرائيل 30 سنة !!
حضرتك كلامك صح يا استاذ كريم هي فعلا مش مقياش بس انا كنت عايز اعرف متوسط الاسعار عندك شكله عامل ازاي وعموما انت كده اسعارك معقوله جدا
انا كنت ناوي والله اشد عربيتي الشهر ده بس للأسف انا بشتغل في الغردقه وانت عارف طبعا اللي حصل هنا وبالتالي هأجل شويه لحد ما ربنا يسهلها
ممكن ان شاء الله كمان شهر او اتنين .. بس الاكيد اني هعملها عندك بأمر الله
ازيك يا كريم
انا اسمى كريم برضو
بص يا باشا انا عايز ارش العربية كلها عندى معادا السقف
يعنى كابوت اكصدامين وشنطة واربع ابواب
عربيتى فورد اسكورت 1998
ياترى تتكلف كام يا باشا بل ما اجبهالك واعرضها عليك..؟؟
اهلا وسهلا يا كريم
ده اسمه حزام
يعني رش السيارة كلها
ماعدا السقف والقوائم
القوائم تتلمعوالسقف يتلمع
حضرتك لازم اشوف العربية
لان حالة الصاج هي اللي بتحدد
هايحتاج سمكرة ولا لاء
ممكن في تعريجات خفيفة ماتشوفهاش
حالة الدهان الحالي
محتاج سحق ومعجون قد ايه
ممكن عربية تاخد يومين تجهيز
وممكن عربية تاخد يوم واحد
او ثلاثة
قبل الدهان
عشان كدة لازم معاينة قبل الكلام في اسعار
تحياتي
شكراً يا كيمو على سرعة ردك
بص يا كيمو انا عربيتى لسة اصلاً خارجة من عند السمكرى
لانها كانت عاملة حادثة
وانا كان مفروض ارش الربع اللى قدام بس والباب الشمال بس انا قولت فرصة ارش العربية كلها
وهو كان خلصها سمكرة يعنى كل اللى فاضل المعجون
عايزك بس تقولى رنج اسعار علشان بس ادبر حالى
يعنى مثلاً على اقصى الفروض ممكن تكلفنى قد اية
انا سمعت عنك كلام كويس ودة اللى مخلينى ناوى عليك ان شاء الله
بس بجد رعبى كله من التكلفة علشان كدة بسألك من دلوقتى
وياريت تقولى انتا هتبقا موجود امتى فى الورشة كمان علشان اخليك انتا اللى تشوفها..،
لاء متخافش من التكلفة نهائي
بسهولة جدا نقدر نتحكم في الميزانية بتاعت الرش والتخديم على العربية
بس اعذرني خليني اشوف العربية قبل ماقولك
ومتخافش مش هانمسكك غير عشان تشرب حاجة :-)
واهو تشرفنا في المكان ونشوف حالة الصاج والاكصدامات على الطبيعة عشان نشوف هاتخد خامات قد ايه
وتقدر تكلمني في اي وقت طول ماهو مفتوح
تحياتي
الحمد لله تم الانتهاء يوم السبت الماضي من سيارة زميلنا الاستاذ محمد
العربية ميجان 2005 كانت العفشة والات التعليق كلها في حالة سيئة لسكنة في الهضبة العليا بالغردقة
مما اثر على حالة العفشة
سلم العربية في الورشة وبلغني اللي فيها
تم تسليم السيارة لاحد مركز رينو المتخصصة وتم عمل مقايسة واسالها للعميل وبعد موافقته على الشغل لانه كان هايتكلف مبلغ محترم وكان الاتفاق بين المركز وبين العميل مباشرة فقط متابعة منا واستلام وتسليم
وتم استلام السيارة يوم الاثنين قبل الماضي
ودخولهات لاستكمال ما بها من استعدال كامل للجنوط لانها كانت بحالة سيئة واجراء سمكرة خفيفة للسيارة قبل الدهان ببويات سكينز ودي اعلى انواع البويات واغلاها وتم رش الجنوط بعد الاستعدال بنفس نوع الدهان
وفك كافة اجزاء السيارة الخاجية من فوانيس واكر وجوانات وحلوق نوافذ ومرايات لعدم ترك اي اثار دهان على تلك الاجزاء مما يؤثر على سعر بيع السيارة
وبعد الانتهاء من الدهان تماما تم دخول السيارة لمركز كار كير كامل عشان ترجع لاصلها وتنضيف فتحات التكييف والكراسي والارضيات وكافة الاجزاء داخل الصالون كيميائي
مبروك لصاحب السيارة وربنا ما يرجعك لينا تاني غير صيانات او تلميع
اترككم مع الصور قبل وبعد
http://www.nileup.com//uploads/image...a530d21308.jpg
http://www.nileup.com//uploads/image...ea8354d380.jpg
http://www.nileup.com//uploads/image...2e3ec0ad7b.jpg
http://www.nileup.com//uploads/image...4fcfe8c250.jpg
http://www.nileup.com//uploads/image...7624b16506.jpg
http://www.nileup.com//uploads/image...7a36befc5a.jpg
http://www.nileup.com//uploads/image...18821dcd08.jpg
http://www.nileup.com//uploads/image...9f12c125a2.jpg
http://www.nileup.com//uploads/image...c308805818.jpg
http://www.nileup.com//uploads/image...10037c80c8.jpg
http://www.nileup.com//uploads/image...200e1cf5b7.jpg
http://www.nileup.com//uploads/image...15f9a0be6e.jpg
http://www.nileup.com//uploads/image...f5c280dc65.jpg
http://www.nileup.com//uploads/image...924915d59c.jpg
http://www.nileup.com//uploads/image...eca2b7547f.jpg
http://www.nileup.com//uploads/image...154127b432.jpg
http://www.nileup.com//uploads/image...a5649ead76.jpg
http://www.nileup.com//uploads/image...8add6660b6.jpg
http://www.nileup.com//uploads/image...2e8c0b54e9.jpg
http://www.nileup.com//uploads/image...18ebdf9a2b.jpg