http://www.nileup.com//uploads/image...4f2e83fe2c.jpg
http://www.nileup.com//uploads/image...576b95ae46.jpg
http://www.nileup.com//uploads/image...10c29b18d4.jpg
عرض للطباعة
شغل ممتاز حضرتك بتغرينا بالصور
انا العربية اتبهدلت في الانتفاضة الاخيرة
وان شاء اللة هاجي لحضرتك
الله ينور يا كريم باشا ربنا معاك من احسن لاحسن بفضل الله
شكرا جزيلا لذوقكم وده بفضل الله ونعمته ان ربنا كارمني بناس ثقة وشغلها ممتاز
الله ينور يا ابو بيدو
في عند حضرتك حد بيستعدل جنوط؟؟
الله ينور عليك يا كيمو ...بجد ما شاء الله علي الشغل تسلم ايد كل اللي اشتغل في العربيات دي ...انت كدة هتجبرني اني اجي اعمل شوية شغل خفاف في البيتل ( وانت عارف يعني ايه بيتل بالنسبالك :wink14: ) معاملة خاصة طبعا
ابو مريم ايوة بتعامل مع شخص ممتاز في الجنوط استعدل اربع جنوط للميجان وكان شبه مكسرين رجعهم زي الاصلي ورشيناهم
حسيني باشا البيتلز دي حبيبتي تعالي انت بس واحنا نرجعهالك نيو بيتلز :-)
استاذ كريم
تحية طيبة
اولا دي اول مشاركة لية وحبيت ابارك لحضرتك
ثانيا انا معايا عربية 132 انا لسة شريها بس عايز اغير فيها كلة حاجة يعني سمكرة وصيانة وشراء قطع غيار جديدة هل بتشتغلو في كل الحاجات دي
اهلا وسهلا بحضرتك
الحرفيين مافيهاش قع غيار فيات غير الجديد
ممكن تشتري كل اللي محتاجة من عزبة شلبي
وتيجي تتفق مع ميكانيكي وعفشجي تبعنا
ولمات تخلص نعمل السمكرة والدهان
أ/كريم أخي العزيز من فضللك عندي خبطه في الرفرف الشمال الأمامي
وطبعا هولع نار .... المهم كنت عايز أجي أعملها في الورشه عندك يوم الجمعه ........ علما بأن العربيه فانتازيا سودا
تنصحني بأيه ؟؟
تنورني يا اخي الكريم
بس عرفني قبل ماتجي عشان احاول اكون متواجد لصعوبة اوقات عملي اليومين دول
شكرا ليك يا باشا أنا كنت محرج أكلم حضرتك بس كده خلاص بقي هكلم حضرتك يوم الخميس كويس علشان نتفق علي الميعاد ؟
عموما أنا اسمي هشام زاهر ..... شكرا جزيلا :)))))
استاذ كريم
كنت عايز اعرف تكلفه رش الجنوط فرن كام
العربيه نيسان تيدا بلس وكنت عايز ارش الجنوط الاسبور بتاعتها فرن اسود ميتاليك بالكامل (يعني الجنط ها يتفك منه الكاوتش ويخش فرن يترش كله)
ممكن اعرف التكلفه كام
اهلا وسهلا باسم
كدة كدة الكاوتش بيتفك
رش الجنوط والكاوتش راكب ده(عك) مع احترامي للي بيعمله
رش الجنوط ميتالك فرن بين 300 و 400
فيه ناس بتستغلاه ويقولك بيترش ب 200 وكدة :-)
بس اللي بيرش ب 200 ده مستحيل يحط المواد المثبته للدهان على الجنوط واللي تتناسب مع السخونية الرهيبة اللي بيتعرض ليه الجنط وقت ملامسة الفرامل للطنابير
وتلاقي الدهان اتحرق او قشر خلال فترة وجيزة
ومستحيل يحجزة كابينة بيترش في اشلارع وويتسحق وخلاص :-)
لان كان لسه عندي عضو من نايل موتور واستكتر المبلغ على الجنوط
بس لما عرف تكلفة الخامات والتجهيز بس كان عرف ليه المبغ كدة
لو عايز رش عادي موجود بس لست مسئول عنه مطلقا
تحياتي
اشكرك على الرد السريع
هو السعر عالي بس انا طبعا يهمني الجوده ومدام انت هاتكون ضامنه خلاص
بس حبيت اعرف هو ممكن يخلص في قد ايه
واروح لمين عشان انا لا اعرف شئ في الحرفيين غير الذهاب الى هناك فقط عند التوحيد والنور كده لكن غير كده ما فيش :)))
ولو ينفع اخلص الموضوع ده بكرة يبقى تمام عشان انا اجازة
السلام عليكم يا استاذ كريم
اولا بهنيك لتانى مرة على مشروعك و ربنا يباركلك فيه...
ثانيا ليا طلب بسيط...
انا معايا عربية دايو لانوس2 موديل 2005 لونها اسود وشاريها مستعملة من حوالى 5 شهور كانت فيها طبعا شوية تجاريح وخرابيش زى كل العربيات... واجلت فكرة رشها لحد ما اتعلم السواقة كويس.. وبعد ممارسة وشوية تجريحات وحاجت من اللى انت اكيد عارفها بتحصل فى شوارعنا. بقيت بسوق كويس وقررت ارشها عشان شكلها قرب يبقى مبهدل فكنت عاوز اعرف الموضوع ده يتكلف قد ايه وقت وفلوس .. لانى بصراحة كمان مش عاوز اعملها عند اى حد عشان ميضحكش عليا .. وقررت اجى اعملها عند حضرتك لانك اكيد شخص محل ثقة كل اعضاء المنتدى ومش هابقى قلقان على اى مصاريف...
فياريت حضرتك تعرفنى رش العربية هيكلفنى كام لو هرش ببوية نوع كويس والمصنعية وكمان هى فيها خبطة صغيرة فى الصاج من ورا ( نفس مكان باب تانكك البنزين بس الناحية التانية ) داخلة لجوه وعاوزة تترد
منتظر من حضرتك تفيدنى فى الاسئلة دى عشان اجهز واتكل على الله واجيلك...
وشكرا مقدما على مساعدتك
السلام عليكم يا استاذ كريم
اولا ألف مبروك على مشروعك و ربنا يبارك لك فيه...
ثانيا عندى استفسار من سيادتك...
عندى سيارة ريجاتا مو85 وحابب أشدها سمكرة ودوكو
ياريت حضرتك تعرفنىسمكرة ورش العربية هيكلفنى كام تقريبا علما بأن البرومة تحت الدواسة وفى البابين الأماميين فقط
استاذ كريم
عندى نيسان صنى 2002 واكتشفت تحت الكنبة فتحة عرضها 2 سم و طولها 20 سم روحت التوكيل قالولى ان ديه نتيجة حادثة قديمة وان ديه تتلحم بلحام ارجون مش عندهم و هلاقيه فى الحرفيين
فهل الاقى اللحام ده عند حضرتك و لو مش عند حضرتك الاقيه عند مين؟
وعليكم السلام ورحمه الله
مبروك عليك السيارة والله يبارك في عمرك
لازم اشوف العربية الاول
لانها ممكن يكون فهيا دهان سابق ازالته تحتاج وقت اكبر ومجهود اكبر
ممكن مايكونش وحالة الصاج سليمة مش هاقدر سعر مظبوط
ممكن محتاج اعادة من السمكري يبص على الشغل والترييحات
عشان كدة ماينفعش اقول سعر مبدئي
اخر حاجة ماتقلقش من نوعية الدهانات والتخديم مطلقا وماك ضمان 6 شهور لو ظهر اي عيب في اللون حتى لو ارخص نوع دهان هاتتعاد تاني
لان المهم التخديم على العربية قبل الرش وبعده
دي اهم حاجة
وتقدر تيجي تشوف عربيات زمايلنا شغالين فيها وان شاء الله الشغل يعجبك
وعليكم السلام ورحمه الله
الله يبارك في عمرك
تقدر تنورني في الورشة في ايا وقت
السمكري يبص على العربية كلها
ونتفق على الدهان اللي يناسبك
ونشوف البارومة واصلة لحد فين
ومافيش حاجة باذن الرحمن ما ببتعملش
كله بيتعمل وباللي يرضيك ان شاء الله
كلمني نتفق على ميعاد
0101263030
[QUOTE=ecybrarian;3873188448]يالتوفيق إن شاء الله..قدورة صنايعي ممتاز ومافيش منه اتنين في مصر[/QUOTE
وقيعك رائع
الصراحة ,,,,انا لما شوفت الموضوع استريحت ,,, و حسيت ان في امل الاقي حد مضمون و شغله كويس ,,, لان انا كان عندي حالة هسس لان قبل كده رحت لواحد سمكري و دهان عشان يضبطلي خبطة في الباب و يعدب حته في الشنطة و العتب ,,,, عمل الشغل على 3 مرات ,,, النتيجة ان بقى عندي 4 الوان في العربية اللون الاصلي في السقف و الكبوت و 3 درجات للون ده في حتت متفرقة ,,,, لغاية لما بقيت اشوف العربية اكتئب ,, انشاء الله اول ما ارجع القاهرة نتواصل و نضبط العربية
اشكرك يا استاذ كريم
عربيتى اخرها خدوش وقدام شوية ابقى المعها ان شاء الله انما دى عربية صاحبى و هو عضو معانا فى المنتدى بس ما بيدخلش غير قليل وانا روحت معاه لقدورة امبارح و صاحبى قرر يعمل كل اللى فى العربية (العتب و لحام الارجون و رش رفرف و اكصدام امامى)
واتفقنا مع قدورة على يوم الخميس ان شاء الله نجيبها فى حدود الساعة 3 فهل حضرتك ان شاء الله تقدر تبقى متواجد فى الوقت ده
للاسف الشغلانة دي اهم حاجة فيها الضمير
لان الغش سهل فيها قوي
لكن عهد خدتة بيني وبين قدروة ان الشراكة دي ثالثها ربنا سبحانة وتعالى
ومتفقين على كدة
ورغم اني اعرف احمد قدورة من عشر سنين واكتر
الا انه مايمنعش اني اطب عليه في الكابينة وهو بيرش اشوف جايب نوع البوية اللي طالبة العميل ولا لاء
والحمد لله عمره ما خالف توقعاتي
واكبر دليل اني بدي ضمان 6 شهور على الدهان لو حسيت بفرق لون او بهت او غير
وجاتلنا عربية واحد زميلنا في المنتدى صعبت عليا
راششها سكينز عند واحد معندوش ضمير في الحرفيين
وواخدة منه 4 وشوية
والعربية كلها بوية عادة ويا دوب الورنيش اسكينز
والاسوء ان الدهان عررق
وطبعا جاي يحكيلي معرفتش اعمله ايه
متعرفش تشوفلي حل في الموضوع ده تاخد فيا ثواب؟؟!!!
http://www.nilemotors.net/Nile/20432...post3873323209
.
انا روحت من يومين لقدورة بناء علي تليفون من كريم منير
انا كنت معتقد انه هو السمكري لكنه البوهيجي
لاقيت هناك عبدالرحمن من قسم البروتون كان بيعمل فتحة سقف وعتب
المهم قدورة معاملتي معاه ارتاحتله شاب فاهم
انا كنت برد خبطه صغيرة في الباب علي البارد لان العربية لسه بالبلاستيك الابيض بتاعها
السمكري اسمه جمعة تقريبا طلب ياخد العربية
قولتله مفيش مشاكل كفايه ان كريم منير باعتني ليكم
روحت اتغديت وسلمت علي حد اعرفه
ورحعت لاقيت كل حاجه زي الفل
شكرا قدورة وشكرا السمكري
شكرا كريم منير علي اهتمامك
للعلم هو عمل معايا واجب
باشمهندس محمد مختار
كلمني من فضلك عشان اقولك ان شاء الله تروح لمين يحل المشلكة دي تماما ناس متخصصة فولكس فقط
0101263030
استاذ محمد رحيم نورت المكان وللاسف معرفتش اقابلك ظروف شغلي متعبة شوية اليومين دول
والحمد لله ان اتعمل معاك الواجب انا وصيت احمد عليك كويس جدا
طيب انا عندي سؤال
ما ينفعش احط صور high resolution للعربية من كل الجهات وحضرتك تحاول تقوللي تقدير للتكلفة
عشان انا ساكن في المهندسين وظروف شغلي وبعد المسافة بيخللوا موضوع المشوار لحد الحرفيين ده صعب اوي عشان تقدير التكلفة
وشكرا
ماشي حاول تصورها من كل الجهات
وابعتهالي عالميل اللي في توقيعي
وقوللي طلباتك
وهاحاول احطلك تكلفة تقريبية لان معاينة الطبية بتظهر حاجات غير الصور تماما
الف الف مليون مبروك وان شاء الله لما انوى التجديد هتصل عليك علطول على الاقل الواحد هيبقى مطمن على العربية وان هيتعمل فيها الشغل بضمير
طيب بعد اذنك ياباشا انا عندى عربيه فورد
فيستا شاريها قريب وصاحبها رشها بره قريب
المهم الصنايعى اللى قفل كان وحش جدا جد
وتقريبا السيور الجلد اللى فى الزجاج كلها بايظه
او مش راكبه صح لو عايز اغير السيور كلها مين
يخدمنى فى الموضوع ده بعد اذنك وياريت لو رقم
تليفونه علشان استفسر منه
والف شكر ليك مقدما
سمسم باشا تنور ان شاء الله في اي وقت
استاذ مشتولي دي اسوء حاجة بتفرق الصنايعي الكويس من الوحش
ودي نقطة خلاف بيني وبين الاعضاء لما بيستغلو مصنعية الفك والتركيب الخاصة بالجوانات والاكر وفريمات الازاز والفوانيس
في شغلي لازم اجيب سمكري يفك كل الحاجات دي وتتحط في كرتونة ولما اخلص ترجع تاني مكانها زي الفل
عامة تعالى نشوف الموقف ايه ونشوف نقدر نعمل فيها ايه
بس للاسف في حاجات زي الجوانات لما بتبوظ بتبوظ شكل العربية تماما
السلام عليكم
انا معاي مازدا 3 - 2007
فيها الإكصدام الأمامي و شنطه وباب و سقف
ايه رأيك