الف مبروك يا استاذ كريم حضرتك من الناس المحترمه و تستاهل كل خير و إن شاء الله هجيب الفيرنا لحضرتك عشان عايز ارشها بعد ما اخلص الامتحانات تقبل تحياتي,,,,,
عرض للطباعة
الف مبروك يا استاذ كريم حضرتك من الناس المحترمه و تستاهل كل خير و إن شاء الله هجيب الفيرنا لحضرتك عشان عايز ارشها بعد ما اخلص الامتحانات تقبل تحياتي,,,,,
عاوز وصف تفصيلي للطريق من جسر السويس
الف مبروك علي الورشه
وان شاء الله ربنا يكرمك فيها واكيد هتكون حاجه زي الفل وكفايه انها تبع حضرتك
والله لسا قاري الموضوع حالا
ينفع كده معرفش الا بعدها باسبوع؟؟
الف الف الف مبروك يا كريم وربنا يفتح عليك اكتر واكتر
ويجعلها كده نواه لحاجه اكبر ان شاء الله
وعقبال فرع اسيوط :)
A.Yakout
الف مبروك ياأ/كريم والى الامام دائما
أ / كريم فى امكانية ان المركز او المكان يتعامل مع شركات التأمين ..؟
تهانينا القلبيه......................
الف الف مبروك يا كريم ,
انت ابن حلال و ان شاء الله ربنا هيكرمك ,
الف مبروك كريم باشا خطوة عظيمة جدا عقبال المركز المتكامل ان شاء الله .. تحياتى
استاذ عاطف تقدر تكلمني اوصفلك اسهل
هو لو ماتخد جسر السويس للاخر وتلف من تحت الكوبري تدخل يمين في اول جمال عبد الناصر في يمين تاني تمشي شوية تلاقي التوحيد والنور تكمل للاخر وتنزل شمال
تلاقي الطريق بينزل بيك
انزل معاه لغاية ماتلاقي الطريق اتعدل تلاقي كابينة على شمالك ادخل من جنبها شمال في تاني شمال تلاقي مدرسة ابتدائي اسمها عمار ابن ياسر
الوشة لازقة في المدرسة
مشهورة باسم ورشة احمد قدورة
ابو ليلى
هاشوفك موضوع التامين وارد عليك
وشكرا لكل ردودكم الطيبة
مبرووووووك من الاعماق والى الامام وبالتوفيق يارب
ألف مبرووووووك يا كريم باشا
وتستاهل كل خير وربنا يباركلك :)
الف مبروك
وربنا يوفقك
الف مبروك يا كريم
انا جايلك ان شاء الله
بالتوفيق ان شاء الله
الف مبروووووووووووووووووووووو ووووووووووووووووووووووووو ووووووووووك
وديما الى الامام
الف الف مبروك كريم باشا وربنا يبارك لك بقدر قلبك الكبير وعطاؤك للمنتدى الغالى واعضاؤه المحترمين خلقا واخلاقا
هناك اقتراح يفيد للمنتدى
وهى ان كل عضو قام باعمال البويه والسمكره يضع صوره ماقبل ومابعد وهذه دعايه وعرض للكفائه الفعليه
والتكلفه بحيث نكسر موجه الاحراج لمن يريد ان يقدم على تجديد سيارته لكل انسان ميزانيه وحدود
لااكثر والله المستعان
بالتوفيق ان شاء الله وبانتظار المزيد
الف مبروك وربنا يوفقك يا كيمو وإن شاء الله هحتاجك قريب جداً
الف الف مبروك و بالتوفيق ان شاء الله
هل يوجد فواتير ضريبه حتى يمكن اصلاح السيارات المؤمن عليها؟ و لو موجوده هل هتبقى الفاتوره شامله كله (يعنى كهرباء و سمكره و دوكو) و الا هتبقى للدهان فقط؟
استاذ pegpus فكرتك ممكن تكون من وجهة نظرك سليمة
لكن ممكن نفترض فرضية
واحد معاه عربية نوع دهانها عالي سكينز
عايز دهان وورنيش اسكينز
ده بيتطلب صناعي مهارة عالية
وكابينة انضف
في واحد عايز يرشها نص نص
وف يواحد عايز ينزل بالتكلفة لاقل درجة
ميزة الدهانات ان ليها درجات كتير جدا
يعني ممكن تعمل رفرف ب 100 جنيه
وممكن تعمله بالف جنية
لان في تمن للصنايعي والخامات والكابينة والتخديم يخللي في فرق كبير جدا في النهاية
م/أحمد هاستعلم لحضرتك عن موضوعالفاتورة الضريبية ده وارد عليك مع ابو ليلى لانه سال نفس السؤال
تحياتي
ألف مبروك يا أستاذ كريم ربنا يوفقك
فكرة أكثر من ممتازة
ربنا يوفقك للخير و خدمة الأعضاء و يجازيك كل خير و يجعله في ميزان حسناتك
الف مبروك يا باشا .... وبالتوفيق دايما... دى الحاجة اللى كنت مستنيها من زمان... مركز محترم وناس امينة.. وكله فى مكان واحد ..يعنى الواحد مايدوخش كتير ويتضحك عليه.... وان شاء الله اجى قريب اشيك عالعربية لانها محتاجة شوية تظبيطات ميكانيكا وعفشة... بس ليا سؤال... يعنى لما اروح اقول انا عضو فى نايل موتورز ولا مش شرط؟؟
فى انتظار الرد .. والف مبروك
مليوووووون مبروك يا كريم.. وإن شاء الله سريعا تفتح الفرع الجديد بس يكون عندنا في اسكندرية..
بالتوفيق دائما..
[mark=#fcffb0][mark=#fff6b8]الأخ الكريم كريم.. ألف مليون مبروك وإن شاء الله ربنا يوفقك ويوسع عليك وتبقى الورشة مركز خدمة كبير وشامل لكل أنواع الصيانات والتجديد..
معايا نيسان تيدا واخدة خبطة صغيرة في زاوية الإكصدام الخلفي.. الخبطة ممكن تترد (على البارد) بسهولة بتدفئة الإكصدام.. لكن فيها شرخ 10 سم أظنه محتاج يتلحم عند بتاع الفايبر..
السؤال.. ممكن أعمل الكلام ده من خلال الورشة؟ وإزاي أوصل لو هاستخدم الدائري (اتجاه الهرم -السلام) لأني أعتقد إن جسر السويس زحمة جدا طول اليوم..؟
لو تحب انا ممكن أكلمك.. أنا بس ماحبتش أزعجك.. [/mark] [/mark]
الشرخ بيكون قطع وبيتعمل عند بلاستيك مش فايبر بعد فك الاكصدام الاول
بس طالما هاتتعمل عند بلاستيك قدامك حلين
يا تسيب الاكصدام باللحام اللي فيه
يا ترش الاكصدام
يا ترشه كله
يا ترش مرمه لو عايز تقلل التكلفة
بس رش المرمة في اكصدام بلاستيك لازم تبان انها مرشوشة للعين المدققه
مش عارف انت جاي من اتجاه الهرم معادي ولا مرج
لو معادي تخرج مخرج 17 وتدخل من تحت الدائري شمال وتكلمني اوصفلك
لو مرج تخرج مخرج المطار وتلف من فوق الدائري وتاخدبرضه اللفة من تحت الدائري في اتجاه الحرفيين وتكلمني برضه
تحياتي
[mark=#f7fa9b]
شكرا يا كريم على سرعة الرد.. أنا هاجي من اتجاه الهرم- المرج.. متهيألي انت تقصد المخرج اللي بيدخل على السلام ومصر الجديدة اللي هو يبقى على يميني فوق النفق في نهاية الدائري عند موقف العاشر مش كدة؟
ويا ترى مواعيد وجودك هناك امتى.. أولاً علشان أقابلك شخصياً وأتشرف بالتعارف.. وثانياً علشان تكون موجود بنفسك وانا باسلم العربية.. وبالمناسبة الموضوع ده ياخد وقت شغل قد إيه تقريباً؟ علشان لو مسألة ساعتين تلاتة تبقى بسيطة وأنتظر.. أما لو يوم بطوله أو أكتر يبقى أجيب حد أرجع معاه [/mark]
الف مبروك يا كريم باشا
ربنا يوفقك ان شاء الله
ألف مبروك أستاذ كريم .... و ربنا يوفقك ......
هل ممكن الواحد ياخد الاستيكر من هناك ؟ .... و سؤال تانى .... لو عايز أحول اللانوس 1 لأوتوماتيك .... ممكن المركز يقوم بالموضوع ده ؟ .... و الف شكر مقدما ....
أحمد
ربنا يباركلك يا كريم
في انتظار ردك على حكاية الفواتير الضريبية دي عشان انا برده عربيتي مؤمن عليها فعشان هحاسب التأمين على اللي هيتعمل فيها
الف مبروك
وبجد فكره جامده
وكنت عايز اسال هوا المكان ممكن يظبطنا في حوارات تركيب
ال parking sensor
وتركيب dvd
وعموما بالتوفيق
مبروووووووووووك
اولاً : ربنا يوفقك لما فيه صالح الناس
ثانياً : اخيرا .... الواحد مننا يقدر ينزل الحرفيين لجهة ذات ثقة
في مجال ندرت فيه الثقة و المصداقية
انت انسان محترم بجد الف مبروك و ان شاء الله تكون خير عليك
الف مبرك و بالتوفيق ان شاء الله
100000 مبروك
وإلى مزيد من التقدم إن شاء الله
الف مبروك يا كريم ..
انا عندى الاكصدامين عايزين يترشوا .
ممكن ياخدوا وقت اد اية .
ألف مبروك يا كريم ... أنا مشاركتي ضعيفة في المنتدى بس متابع لكل الأحداث المهمة ... المنتدي كان ليه الفضل إني أشتري عربيتي نيو اكسنت 2009 بالتقسيط المباشر بدون بنك من شركة محترمة جدا ... كل ثقافتي عن السيارات باخدها من اعضاء المنتدى الكرام ... ودي فرصة علشان اشكرهم جميعا ... أنا إن شاء الله ناوي اظبط عربيتي قريب بس كان ليَّ سؤال ...هي العربية ممكن تتدهن ببوية وترجع زي الاول يعني بوية بلدها ولا ده مستحيل .. وألف مبروك مرة تانية