الى اصحاب الجنسيات التانيه...........

**samo9992003** · 04-01-2011 07:19 PM

من الواضح ان موضوع الهجرة ده حيحتاج وقت وفلوس ومجهود ومش مضمون اصلا طالما ملكش حد هناك
طب بالنسبه لو عاوز ابنى يتولد هناك ممكن حد يفهمنى اعمل ايه بالظبط وياريت ياجماعه محدش يبخل علينا بالنصيحه عشان الموضوع مهم اوى
وحيتوقف عليه حاجات كتير اوى وقرارات كتير فكل واحد يعرف طريقه يقول عشان نستفسر عنها ونجهز ليها بس ياريت كمان يقولنا التكلفه بالتقريب كده

**amribrahim** · 04-01-2011 07:33 PM

على فكرة الولادة في كندا أو أمريكا غالية مش رخيصة إطلاقاً و موضوع الولادة في كندا و الإبن أو البنت ياخدوا الجنسية مش مضمون علشان أنا زي ماقولت قبل كدة هما منعوا الكلام دة علشان في ناس كتير عملت الموضوع دة و التحايل على القانون لازم تسأل محامي زي وجدي عزيز أو وهيب أو الناس التانية و شوف هما هيقولوا إيه

**أحمد كمال** · 04-01-2011 09:37 PM

المشاركة الأصلية كتبت بواسطة amribrahim

ينفع يا باشا .. على فكرة أنا مثلاً كندي حلو لكن ممكن يسحبوا الجنسية مني يا باشا لو أنا عملت حاجة جامدة علشان كدة أنا قلت في الأول اوعى حد يفتكر انو خلاص بقى واحد منهم و الحياه بيس لأ الناس هناك بردو هتشوفك على انك مصري أو هندي و على فكرة في عنصرية جامدة في كندا بس الناس بيعملوها بشياكة يعني درب من تحت الحزام و فيه كوسة بردو في الشغل و لازم تكون عارف ناس ... أبسط مثال الشغل في ماكدونالدس عاوز واسطة أنا شوفت مصريين عندهم 35 و 40 شغالين فيه علشان لازم يكسبو خبرة في الشغل في كندا علشان الشركات هتسألك عندك Canadian Experience ولا لأ و طبعاً لازم الواحد يفكر أنا لو المدير و معايا 2 resume أو CV واحد متخرج من كندا و التاني من مصر تفتكرو هختار مين فيهم يا جدعان ماحدش يفتكر إنو أول لما ينزل من الطيارة هيشتغل في شركة كبيرة و عربية 4x4 و بيت كبير زي فيلم بتاع عادل إمام هالو أمريكا لما فضل هو و أصحابو يحلمو و هما قاعدين في الغرزة هههههههة

مش باتكلم عن ال extreme cases زي الارهاب و البلاوي الزرقا

انا باتكلم عن ان واحد اتولد و خد الجنسية و بعد 16 سنة ياخدوها

غير ان في امريكا - طبقا للقوانين الحالية - المولود في امريكا يطلق عليه natural born citizen يعني مواطن طبيعي مش متجنس (أو naturalized) ..... بغض النظر عن أي جنسيات أخرى يحملها

**world_of_kill** · 05-01-2011 10:20 AM

طيب عند اسفسار انا مستعد ماديا عشان احصل علي اي جنسيه تانيه و خصوصا لي اوربا ( ايطاليا - المانيا - فرنسا )

مع العلم اني ليا قرايب كتير في ايطاليا بس كلهم ابناء عمومه ايه الطرق اللي ممكن احصل بيها علي جنسيه هناك

و انا عازب + 21 سنه + خريج كليه الحقوق

يا ريت لو حد يعرف ياجوبني

**zago** · 05-01-2011 10:38 AM

انتو مكبرين الموضوع لييييييييه؟
لو وقفك امين شرطه في الشارع وعملك حاجه وانت في السليم امسح بيه الارض ومتخدوش القسم... اطلع بيه عالصحراوي
من غير لا جنسيه ولا بتاع
انت مشربتش من نيلها ولا ايه؟ هههههههههههه
وعلى فكره فيه جهازين في مصر مينفعش معاهم اي جنسيه
يعني لو حب بيوديك في داهيه حيوديك

وانا على فكره معايا جنسيه تانيه ....
الجنسيه المصريه
لاني اصلا مش مصري واخدت الجنسيه المصريه
وسواء بيها او بغيرها محدش يحط في باله انه لو كان معاه جنسيه تانيه كانو خافو منه
خلي عندكم ثقه شويه
كمان انت مش تاجر مخدرات ولا حرامي علشان تخاف من عسكري ولا امين ولا ظابط
بلد كارنيهات بصحيح ههههههههههه

**world_of_kill** · 05-01-2011 10:55 AM

انا مش عاوز جنسيه عشان امين شرطه ولا حتي ظابط ( ربنا يخلي المعرفه ) لحد رتبه عقيد او عميد اقدر اخد حقي غير كدا يبقي انا استاهل ضرب الجزمه اني ادوس لحد اعلي من كدا علي طرف

شويه شويه الواحد حيبدأ يدور علي حد عشان يخاف منو :p

انا بتكلم علي الجنسيه عشان اعرف اظبط حالي شويه و اني اعرف الاقي شغل كويس و اظبط مستقبل ولادي انشاء الله

بس السؤال هنا هل ممكن اخد الجنسيه لأي دوله اوربيه من غير ما اتجوز واحده واخده الجنسيه

**amribrahim** · 05-01-2011 01:15 PM

المشاركة الأصلية كتبت بواسطة zago

انتو مكبرين الموضوع لييييييييه؟
لو وقفك امين شرطه في الشارع وعملك حاجه وانت في السليم امسح بيه الارض ومتخدوش القسم... اطلع بيه عالصحراوي
من غير لا جنسيه ولا بتاع
انت مشربتش من نيلها ولا ايه؟ هههههههههههه
وعلى فكره فيه جهازين في مصر مينفعش معاهم اي جنسيه
يعني لو حب بيوديك في داهيه حيوديك

وانا على فكره معايا جنسيه تانيه ....
الجنسيه المصريه
لاني اصلا مش مصري واخدت الجنسيه المصريه
وسواء بيها او بغيرها محدش يحط في باله انه لو كان معاه جنسيه تانيه كانو خافو منه
خلي عندكم ثقه شويه
كمان انت مش تاجر مخدرات ولا حرامي علشان تخاف من عسكري ولا امين ولا ظابط
بلد كارنيهات بصحيح ههههههههههه

لأ يا باشا لو عرفوا انك معاك جنسية تانية مش حيقدر يعمل معاك حاجة .. يعني لو ظابط قالك يا تيت مثلاً إنت زي الباشا هتكلم السفارة و تقولهم البرنس قالي كذا بس .. شوف بقى هما حيعملو إيه .. يا عم شوفت هما عملوا إيه مع المصابين الأمريكان .. إسعاف طاير و خدمة ٥ نجوم أو مع بتوع شرم و موضوع القرش .. على فكرة الظابط بيخاف أو خايف على كرسيه هو مش عاوز يعمل حاجة تضيعلو هبتوا .. ممكن علشان هو مد أيدوه علي يحصل إن العلاقات تبوظ مع البلدين

**MASERATI** · 05-01-2011 01:36 PM

السلام عليكم و رحمة الله و بركاته

أهو أنا بأه بفكر و بحلم بالجنسية التانية عشان كده :

1 - http://www.nilemotors.net/Nile/19426...post3873194647

2 - أنها هتوفرلى و لأولادى من بعدى فرص أفضل فى الحياة و التعليم و الرعاية الصحية و احترام على مستوى العالم كله, أكيد الجنسية المصرية مش هتوفره .

**Piowood** · 05-01-2011 01:57 PM

المشاركة الأصلية كتبت بواسطة msobhy

الموضوع الذى قتل بحثا ومازال لا يوجد له أى حل
انا يا جماعة حلم حياتى ان تتلغى من كل أوراقى انى مصرى انا واولادى - لكن وعد منى ليكم انى هافضل اشجع منتخب مصر

اللى عايز يهاجر من وجهة نظرى احسن مكان على الاطلاق مناسب للمصريين من حيث البيئة والمناخ والتعامل هيه استراليا

بس فعليا الموضوع بيكون شبة مستحيل لو هاتيدأ من الصفر
وهايكون مكلف بشكل مفزع

فعلا لو ليك اى شخص مقرب ليك فى اى مكان انت عايز تهاجر ليه - بالاضافة انك تكون صاحب مؤهل عالى - يفضل يكون تخصصك نادر - معاك فى حدود 100.000 جنيه أو فى حدود 20.000 دولار ممكن تضحى بيهم - سنك يكون صغير ولسه فى العشرينات
أعتقد فى الحالة ديه ممكن انك تحاول انك تتحول لبنى أدم

تحيه خالصة لكل من نجح فى الحصول على اى جنسية سواء بطرق مشروعة أو غير مشروعة
وأحب اهدى لكل المصريين اللى حتى لم ينولوا شرف محاولة التنازل عن الجنسية المصرية أغنية مصر هيه أمك

على فكره انت كلامك صح استراليا فعلا بيقولوا ممتازه . انا اخويا عايش في الامارات وقالي من هناك الهجره سهله لأستراليا

الموضوع: الى اصحاب الجنسيات التانيه...........

LinkBack

أدوات الموضوع

عرض

-

-

-

-

المواضيع المتشابهه

مطلوب لوظيفة مشتريات اجنبية بشركة متعددة الجنسيات

المكالمه التانيه

يا شباب ممكن إلي بيعرف إنجليزي كويس يشارك معانا في الحوار ده ، من مختلف الجنسيات والأ

يا شباب ممكن إلي بيعرف إنجليزي كويس يشارك معانا في الحوار ده ، من مختلف الجنسيات والأ

الكلمات الدلالية لهذا الموضوع

المفضلات

المفضلات

ضوابط المشاركة