الاشتراك فى نادى وادى دجله

**Mshawky** · 03-01-2011 03:02 PM

اولا ايه رايكم ياجماعه فى نادى وادى دجله وهل فى حد مشترك فيه يقولنا انطباعه عنه لانى زمايلى اشتركو فيه وبيشكرو فيه اوى وانا روحته شخصيا فرع التجمع الاول وكنت هتجنن عليه لكن للاسف وده سبب طرحى للموضوع من باب الموعظه او من باب الاستفاده يمكن انا غلط

دلوقتى البنك ده عامل عضويه بالتفسيط بتدفع مقدم 6600 جنيه وبيتقسط الباقى تبع البنك nsgb او اى كان كل شهر 1200 جنيه تقريبا على خمس سنوات لان البنك بيدفع المبلغ كاش للبنك ويقسطهولك فهل ده ربا فعلا زى ما انا فاهم

علشان لو فى مشكله الناس تاخد بالها بدل ما تقع فيها

**M.Mosaad** · 03-01-2011 09:44 PM

المشاركة الأصلية كتبت بواسطة mshawky

اولا ايه رايكم ياجماعه فى نادى وادى دجله وهل فى حد مشترك فيه يقولنا انطباعه عنه لانى زمايلى اشتركو فيه وبيشكرو فيه اوى وانا روحته شخصيا فرع التجمع الاول وكنت هتجنن عليه لكن للاسف وده سبب طرحى للموضوع من باب الموعظه او من باب الاستفاده يمكن انا غلط

دلوقتى البنك ده عامل عضويه بالتفسيط بتدفع مقدم 6600 جنيه وبيتقسط الباقى تبع البنك nsgb او اى كان كل شهر 1200 جنيه تقريبا على خمس سنوات لان البنك بيدفع المبلغ كاش للبنك ويقسطهولك فهل ده ربا فعلا زى ما انا فاهم

علشان لو فى مشكله الناس تاخد بالها بدل ما تقع فيها

هو بالظبط زي ما بتشتري عربيه بالتقسيط و للاسف فيه شبهه ربا طبعا لانك بتدفع مقدم للنادي و النادي بياخد باقي فلوسة من البنك و الفايدة 9% سنويا

النادي رائع بمعني الكلمه انا مشترك فيه بقالي حوالي 3 شهور و بروح فرع التجمع الاول اكتر لانه جنب بيتي شيك جدا و عائلي و هادي و لحد دلوقتي الناس الاعضاء واضح انهم غايه الاحترام و الناس كلها معاملتها هناك حلوة

لو تقدر تدفع المبلغ علي 6 شهور مثلا اعتقد ممكن تبقي مع النادي مباشرة بشيكات بنكيه حاول تتكلم مع بتاع المبيعات و توصل لافضل حل

بس هو فرصة الصراحه لان سعره زي سعر معظم النوادي الجديدة و بيزيد ان فروعه كتير و مدارس الرياضة في كتير يعني اجتماعي و رياضي في نفس الوقت

علي فكرة هو بيقسط دلوقتي تبع بنك عوده مش nsgb

**محمد المصرى** · 03-01-2011 10:00 PM

هو فعلا ربا من غير دخول فى تفاصيل وزى ما قال الاخ الفاضل حاول تقسط على ستة شهور

انا قسطت معاهم على سنة بالعافية بس الكلام ده من حوالى سنتين بدون فائدة

وفعلا النادى راقى جدا وجميل وكفاية الجيم ببلاش وعلى ارقى مستوى

وكمان بتدخل كل نوادى وادى دجلة ببلاش يعنى تروح فرع المعادى واكتوبر ودلوقتى هيبتدوا فى فرع جديد فى مساكن شيراتون