الموضوع: ذكريــــات أول يــوم شـــــغل ..... احكولى تجاربكو

المشاركة الأصلية كتبت بواسطة onna

انا على مكتبى من 7 و نص و مذلووووووووووووووووووووول ة و بروح 6
!!!!!!!!!
فى كدة فى الدنييااااا

ده ايه الشغل اللى بيخلص قبل ما يبدأ بساعه ونص ده ايه الدلع ده كله :D
أنا ولا فخر بشتغل يوميا من 9 الى 4 ومن 6 الى 10
والجمعه كتير بقضيها فى الشغل وعندى نبطشيات فى الأعياد
وساعات بكمل الصباحى على المسائى وساعات ببات فى الشغل بس مش كتير
والحمد لله رب العالمين (هو فى حد لاقى شغل )

المشاركة الأصلية كتبت بواسطة onna

انا على مكتبى من 7 و نص و مذلووووووووووووووووووووول ة و بروح 6
!!!!!!!!!
فى كدة فى الدنييااااا

- اول يوم شغل ليا كان فى 6 يونيو 1989 و كان عندى 13 سنة الا كام شهر و كانت شركة سياحة، كان المفروض انه تسلية فى الصيف بس كملت علطول علشان حبيت المكان و الناس لقوا شغلى كويس و كنت اخرج من المدرسة على الشركة 3 - 4 ساعات و ايام كتير كنت باقضيها شهادات مرضية للمدرسة (كنت بضرب روشتات من شنطة خالى و اختمها بختمه وزميل خطه حلو يكتبها علشان اروح الشغل لما يبقى فى شغل كتير)
- اول ترقية كانت بعد 10 ايام، كانت شغلتى اروح اقدم جوازات السفر للسفارة التركية علشان اخد تأشيرات، المهم اللى كان بيشغلنى كان فى 3 تجارة و بيكتب طلب التأشيرة على الألة الكاتبة من الألف للياء، قمت مرة قلتله قدام مديرنا (طب ما البيانات المشتركة بين كل الطلبات نكتبها مرة واحدة و نصورها و نكمل على الصور) راح مديرنا اتبسط من الفكرة المنطقية دى و خلانى انا اللى اقعد فى المكتب اكتب الطلبات و التانى يروح يقف فى طوابير السفارة.

- أول مرتب كان 175 بعد 4 شهور علشان محدش خد باله انى مابخدش مرتب و انا مطلبتش، اخدت ال4 شهور بأثر رجعى و الحمد لله لما سبت الشركة فى 1998 كنت أعلى مرتب و عمولات فيها.

- متسجل باسمى و الحمد لله رقم و قدره 864 يوم عمل من غير اجازات أسبوعية و لا حتى اجازة رسمية لدرجة انى كنت اخرج من الأمتحانات على الشغل و سمونى (القطار)

شدى حيلك شوية يا اونا، الشغل نعمة كبيرة و لازم تحبيه علشان تنجحى

المشاركة الأصلية كتبت بواسطة onna

انا على مكتبى من 7 و نص و مذلووووووووووووووووووووول ة و بروح 6
!!!!!!!!!
فى كدة فى الدنييااااا

لا مش كده شد حليك يا بشمهندس
بس انتي مش وخده لسه علي مواعيد الشغل بس شدى حليك وربنا معاكي