اخويا المسيحي

**Dr Ahmed** · 03-01-2011 11:43 PM

يقول الله سبحانه وتعالى: إِنما المؤْمنونَ إِخوَةٌ [الحجرات:10]
ويقول عز وجل: وَالمؤْمنونَ وَالمؤْمناتُ بعضهمْ أَولياءُ بعضٍ [التوبة:71]
ويقول سبحانه: وَاعتصموا بحبل اللَّهِ جميعاً وَلا تفرّقوا وَاذْكرُوا نعمتَ اللَّهِ عليكمْ إِذْ كنتم أَعدَاءً فأَلفَ بينَ قلوبكمْ فأَصبحتمْ بنعمتهِ إِخواناً [آل عمران:103]

إذأ فأخوة الإيمان أمر واقع فى القرآن الكريم لا جدال فيه ... الإيمان بالله وملائكته ورسله واليوم الآخر وبالقدر خيره وشره

المؤمنون إخوة ... نعم

حتى أن حب من لا يؤمن منهى عنه:

(لا تجد قوما يؤمنون بالله واليوم الآخر يوادون من حاد الله ورسوله ولو كانوا آباءهم أو أبناءهم أو إخوانهم أو عشيرتهم) [المجادلة: 8]

**amribrahim** · 03-01-2011 11:48 PM

أنا صاحبي كان عمه لسة ميت و كان رايح الكنيسة علشان الجنازة طبعاً حالته كانت فظيعة و مش طلبة تركيز في السواقة أنا قلتلو أنا هسوق العربية و فضلت معاه و لما دخلت الكنيسة أنا كنت واقف ورا خالص و كنت بقرأ قرآن

**BAssAMAmR** · 03-01-2011 11:49 PM

يا جماعة الموضوع ببساطة شديدة ان فيه مصريين جدعان ومصريين كتير لا
مش موضوع ديانة خالص لان مفيش ابدا اى ديانة سماوية أمرت انه يبقى فيه كره او قتل او اى تعصب المشكلة مش فى اى دين
المشكلة فى الناس زى ما فيه مسلم كويس و مسيحيى كويس فى مسلم سىء ومسيحيى سىء
يبقى القصة كلها ان المصرى زى اى شعب فيه كويس وفيه وحش
ده حتى لو بصيت على الحادث شارع فى ارض مصر قنبلة انفجرت ما بين كنيسة وجامع الضحايا من الصفين هيبقى مين اللى مستفاد بس ربنا يارب يهدينا كلنا ويبعد عن الشيطان ويبعد عنا الفتن
وحسبى الله ونعم الوكيل فى اللى عمل الحادث واللى عايز يولع ما بينا نار الفتنة

**SkyBird** · 04-01-2011 12:09 AM

عمري ما شفت من اخوانا المسيحيين الا كل خير ما عدا واحد صاحبي اسمه شنوده (ابو ابنوب) مطلع عيني من المقالب اللي يعملها فيا
ولما اقوله حرام عليك يا شنوده انت بتضطهدني كده يموووت من الضحك
بصراحة مش لاقي له اي حل ومينفعش معاه اي مقلب اعمله فيه

**beautiful0mind** · 04-01-2011 12:15 AM

القصة ده على لسانى ولدى كان بيحكهالى من وانا صغير ودايما فدماغى وعمرى من نستها .....

والدى من الرجال اللى حربت حرب 1973 وفضل فالجيش 9 سنين تقريبا ...........معظم اصدقائة من هذة الفتره لحد الان اقباط ...منهم من توفى الله ومنهم على قيد الحياه ....وعلى اتصال دائما بنا وفأعيدهم بنهنيهم وفأعيدنا والله العظيم بيكونه اول المهنئين.............

المهم ......وقت الحرب والدى هو معظم الكتيبه اللى معاه رجعه من السويس لحد المقطم مشى اه والله ( متخيلين المسافة ) ....عشان يجيبه الكتيبه من المقطم بدل بتعتهم اللى اتفجرت ..........وهم فطرقهم للمطقم .......بيته فالكنيسه فالطريق وصله الخمس صلوات بداخلها ........ومنهم اللى قراء قراءن واللى كان بيدعى ربنا ينصرهم ومكنش بيفرقهم اى شئ من الخرفات اللى سمعنا اليومين دول .....

**slim_shika** · 04-01-2011 12:22 AM

بدون مبالغة,

أنا فعلا مبيفرقش معايا اللي قدامي ده مسلم ولا مسيحي, أنا بيفرق معايا حاجة تانية خالص, متعصب/متشدد ولا لأ.

وانا مش بقول الكلام ده علشان اكسب بنط عند حد, 3/4 أصحابي مسلمين وافتخر بمعرفتهم سواء من المنتدى أو الجامعة أو حتى أصدقاء طفولة, و بعيد عليهم وبيعيدوا عليا.

اللي عايز يعمل حاجة اجابية, ممكن يبدأ بانه يبطل يدي ودانه للكلام المتطرف.

و ربنا موجود.

**bmya** · 04-01-2011 02:49 AM

انا مش لاقي كلام اقوله بس والله حاسس ان العمليه الحقيره دي على قد ببشاعتها بس ان شاء الله هيبقى مفعولها عكسي وهيقربنا كلنا من بعض ولازم كلنا نبقى عارفين كده العمليه دي مقصود بها مصر كلها اللي هي المسلمين والاقباط
كلنا مصرييييييييييييين وده المهم
عموما ياريت اخواننا المسيحين يكونوا عارفين وواثقين ان المسلمين ملهمش اي ذنب في العمليه الحقيره دي وربنا يرحمنا من الارهاب وتنظيم القاعده وااللي زيهم

**نور القمر** · 04-01-2011 03:19 AM

الحمد لله طول مامصر فيها ناس عاقلة بيوزنوا الامور بميزان العقل وبيقاموا كل من يحاول سكب البنزين على النار هنفضل بخير
ياريت كلنا نفكر كويس ان اي تداعيات اكتر من كدة هيكون الضحايا من الطرفين
من ولادنا وولادنا من اهلنا وعائلاتنا واهلهم وعائلاتهم

**wael3m** · 04-01-2011 01:03 PM

وانا فى الكلية كنت بذاكر مع واحد صاحبى مسيحيى ومازال لحد الان صاحبى وحبيبى كمان
وبتصل بيه وبيتصل بيا المهم وانا فى بيته كان الاذان بتاع العصر او الضهر او المغرب
أستأذنه وانزل أصلى وارجع اكمل مذاكرة معاه تانى .... لما سافرت بقى يتصل بأهلى يطمن عليهم
وأكتر من مرة سألنى اذا كانت اختى محتاجة مساعدة من اى نوع فى جوازها او فى مطبخها
والده كان مدير مصنع مطابخ كبير ....أقولكم حاجة تانية والدتى بتحكيلى انها كانت بتروح الكنيسة يوم الاحد
مع جيرانها كان سنها 3 سنين ( طبعا كانت بتروح معاهم علشان الفسح والخروح والاكل )

لما أقعد اربط بين كلام على النت لمدير المخابرات الاسرائيلية واللى بيحصل ألاقية منطقى اوى
وخصوصا لما بيقول اننا نخلق بيئة متصارعة على نفسها بعد ما جربوا الطريقة دى فى فلسطين ونجحت 100%