استفسارات بخصوص فئة c

**mahmoudfawzy01** · 04-01-2011 09:43 PM

السلام عليكم ورحمة الله وبركاته
ازيكم جميعا ؟ اتمنى انكوا تكونوا بخير
بصراحة انا عاوز اشتري c 180 الجديدة بس كان عندي شوية استفسارات بخصوصها
1/ انا بشوف منها لون ابيض والسقف اسود ؟ ده بيبقى ايه بانوراما ولا اسود ليه ولا النوع ده اسمه ايه بالظبط ؟
2/ كنت عاوز اعرف ايه الكماليات اللى بتنزل فيها بالظبط وبينزل فيها الشاشة اللى في النص ولا لأ ؟
3/ كنت عاوز اعرف هل هي كمبروسر ولا معدش بينزل كمبروسر ؟
4/ كنت عاوز اعرف الـ 290 اللى انا هدفعهم دول هل ممكن اجيب حاجة تانية افضل بس في نفس فئة السي بس مستعمل ؟
5/ بينزل فيها فتحة سقف ؟

شكرا ليكم ومنتظر مساعدتكم

**MBhead** · 05-01-2011 11:43 PM

1-ايو دا السقف البانوراما بس انا عمري ماشفت C180 بسقف بانوراما تقريبا الC280
2-سيادتك مافيش اكتر من الكماليات و عاما المرسيدس تلات انواع كماليات 1.Classic دي ممكن تلاقيها مش جنوط و فرش شامواه او قماش علي جلد 2.Elegance دي اعلي شوية و بتفرق في التابلوه و الفرش جلد طبيعي و جنوط و فتحة سقف و كلام حلو 3.Avantgrade دا اعلي حاجة خالص دي فيها كل اللي نفسك فيه (فتحة سقف و سنسورات لكل حاجة و حاجات كتير مش حافظها كلها ) و حضرتك هناك في التوكيل خليه يشرحلك الفرق كويس لان انا مش فاكر كل حاجة
3.في180 كمبورسور يا اما الموتور الGCI الجديد (مش عارف نزل ولا لسه)
4.ايوه ممكن سيادتك تجيب C280 نفس شكل ال C180 بس موتور 6 سلندر و شوية كماليات زيادة موديل 2008 او 2009 في حدود من 330 ل 340 و طبعا بحالة المصنع
5. في الAvantgarde او الElegance

**som3aa** · 06-01-2011 01:41 PM

/ انا بشوف منها لون ابيض والسقف اسود ؟ ده بيبقى ايه بانوراما ولا اسود ليه ولا النوع ده اسمه ايه بالظبط ؟

اللى بسقف اسود واحدة من الاتنين 1-c180 خليجى و سقف بانوراما
2-c300 بتاعت الوكيل بسقف بانوراما و kit AMG

2/ كنت عاوز اعرف ايه الكماليات اللى بتنزل فيها بالظبط وبينزل فيها الشاشة اللى في النص ولا لأ ؟

فيها الشاشة اللى فى النص اللى اسمها audio20 بس مش الكبيرة اللى فيها gps و dvd و كدا

مواصفات العربية بالكامل هنا

http://www.mercedes-benz.com.eg/.......equipment.html

الخلاصة هى فيها الحاجات العادية كلها بس مفيهاش زينون و فتحة سقف و ميمورى فى الكراسى و parking sensors و الحاجات دى

اللى فيها بالظبط bluetooth و cd mp3 و كراسى كهرباء و فرش جلد و تكييف تاتش و حاجات أمان كتير و جنوط 16

3/ كنت عاوز اعرف هل هي كمبروسر ولا معدش بينزل كمبروسر ؟

بتنزل kompressor بموتور 1600cc و 156 حصان قوى جدا يعنى

4/ كنت عاوز اعرف الـ 290 اللى انا هدفعهم دول هل ممكن اجيب حاجة تانية افضل بس في نفس فئة السي بس مستعمل ؟

لو عايز مستعمل ممكن c200 موديل 2008 او bmw 320 و خصوصا الbmw علشان سعرها كويس فى المستعمل يعنى بال290 هتجيب موديل 2010 ماشية ممكن اقل من 5000 كيلو

5/ بينزل فيها فتحة سقف ؟

لأ

الكماليات بتنزل فى الخليجى و دى ملهاش لزمة لان تمنها غالى جدا بالنسبة للكلام الفارغ اللى فيها