جهاز أمنى سيادي يواصل التحقيقات مع المسيحي مالك السيارة الملغومة

**meza** · 05-01-2011 12:45 AM

المشاركة الأصلية كتبت بواسطة dr ahmed

ياترى فيه أى حد فكر يقدم التعازى لأهالى الضحايا من المسلمين
على حد علمى الموضوع دا غائب عن الساحة

أعتقد لأن مفيش ضحايا من المسلمين يا دكتور أحمد .. فيه فى المصابين لكن فى المتوفين مفيش.
ده على حسب أخر لستة قريتها عن ضحايا الحادث.

**EZABY** · 05-01-2011 12:55 AM

أكيييييييد اللي يقتل ناس بالوحشيه دي لاهو مسلم ولا مسيحي يعني ملناش دعوه بخانة الديانه في البطاقه مكتوب فيها ايه
هو شخص بلا دين وبلا عقل وبلا قلب وبلا هويه مصريه
منسيبش كل حاجه بقى ونمسك في نقطه جدليه وهي " ايه هو دينه اللي مأمنش بيه"

**HanyAziz** · 05-01-2011 01:07 AM

واللة ياجماعة مش ناقصة حرق دم امتر من اللي احنا فية
لية هما المجانين خلصوا من البلد مش لاقيين واحد تلبسوهالوا رايحين تلبسوها لمسيحي

**Col. Eng. Khaled** · 05-01-2011 01:09 AM

المشاركة الأصلية كتبت بواسطة hanyaziz

هما المجانين خلصوا من البلد مش لاقيين واحد تلبسوهالوا رايحين تلبسوها لمسيحي

من فضلك راجع كلام حضرتك قبل ما تعتمد المشاركة

**Dr Ahmed** · 05-01-2011 01:10 AM

المشاركة الأصلية كتبت بواسطة hanyaziz

والله ياجماعة مش ناقصة حرق دم امتر من اللي احنا فية
لية هما المجانين خلصوا من البلد مش لاقيين واحد تلبسوهالوا رايحين تلبسوها لمسيحي

ماهو الموضوع دا رسالته موجهة ليك لإن معنى كلامك إن جميع المسيحيين (عقلاء) بالقدر الكافى لعدم إتهامهم وأن المتهم المجنون لابد أن يكون فى الحقيقة غير مسيحى ... يعنى هيكون إيه؟ مسلم مش كده؟

**EZABY** · 05-01-2011 01:14 AM

لا انا كده بطالب الاداره بحذف الموضوع ده لأنه بالتاكيد هيتطور بصوره مش كويسه

**Dr Ahmed** · 05-01-2011 01:22 AM

ليه يا أستاذ عزبى الأستاذ هانى قال رأيه وأنا وغيرى بنناقشه فيه وهو دا المقصود من الموضوع: النقاش

**KarimAbulEla** · 05-01-2011 01:23 AM

كامل الاحترام للاخوان المسيحين
كامل تعازينا لاخواننا المسيحين

لكن عمرها ما حتكون كامل كرامتنا لاخواتنا المسيحين

فالرجاء من زملائنا المسيحين و ايضا مسلمين و اخص بالذكر من يقوم بعدم مراعاة المشاعر فى كتابة المشاركات بان يعلم جيدا باننا بشر و ما اسهل الرد و لكن ما اصعب التحكم فى النفس

**Ahmed Samy** · 05-01-2011 01:40 AM

انا الحقيقة في غاية الأسف للحادث
قلب اتقبض أول ما سمعت لأن عندي تصور من فترة ان 2011 دي هاشوف فيها اللي عمري ماشفته في مصر

و اتأكدت في أول نص ساعة ....

شفت تفجير إرهابي من زمان ما شفتش زيه
شفت شيخ الأزهر و مفتي الجمهورية بيحاولوا يمروا وسط هتافات تنادي بفتداء الصليب بالحياة و محاولة جادة للنيل منهم و ترويعهم
سمعت كلام من اصدقاء مسيحيين لا أستطيع وصفه بأقل من " أخبار تحفيزية" زي ان الحكومة عارفة و الحكومة سايباهم
و العسكري اللي بيحرس الكنيسة ماتصابش و الأ شلاء اتسابت لحد 4 الفجر و الباب بتجيله رسايل تهديد و سب و قذف من 3 شهور

أعتقد ان الردود على الكلام أوضح من مناقشتها حتى

بس وصلت في كلامي مع الناس لمرحلة كده أحب احطها هنا ...

أنا مسلم ....هاكسب ايه لو الكنيسة انفجرت ؟
هاكسب ايه لو 1000 مصري مسيحي ماتوا ؟

أنا باشتغل وباكسب وباروح و باجي ...وعندي جوامع شاقه سحاب السما و الحمد لله و أذاني بيرن من شرقها لغربها خمس مرات في اليوم ....ابقى عايز اعمل مشكلة ليه ؟

دا حتى على كلام البعض ان المسلمين مضطهدين المسيحيين و حارمينهم من حقوق كتيرة ....يبقى ليه هايكون عندي غل إني أفجر كنيسة ؟؟

أمال ايه ؟؟؟

بحسبة بسيطة

مين اللي بيكسب أرض و صوته على ؟
مين اللي بقى قدام الدنيا خايف على حياته و مش عارف هايعيد ولا لأ ؟؟
مين قدر يمتلك الجرأة المعنوية على "مد إيده" على رموز دين الأغلبية ؟؟
وياترى بعد كام بمبة ممكن يمتلك الجرأة على مد غير ايده ؟؟

و ساعتها هايكون هو خسران و غيره خسران و البلد تولع بينا كلنا

المسلمين المصريين خسرانين على طول الخط عاجلا و أجلا
و مسيحيي مصر قد ينالوا مكسبا وقتيا على الجانب السياسي (لا يضاهي ظفر ضحية) لكنهم سيواجهوا نفس الخسارة المستقبلية
يعني المسلمين خسرانين في اللعبة دي كده كده وفي الأخر مصر كلها خسرانة
و اللي يكسب عاجلا و أجلا هو عدو مصر

ده مش اتهام لأحد بقدر ماهو دفاع عن الخاسر الأكبر في قصة التفجير