يعنى ايه سرعه قصوى؟؟؟؟؟؟

**lightspeed** · 22-03-2008 07:36 PM

السلام عليكم
لو سمحت يا رجاله انا عاوز اعرف معنى السرعه القصوى المكتوبه فى الكتالوجات بتاعت العربيات
يعنى مثلا(190كم/س)
هل العربيه بتيجى عند السرعه دى والعداد بيقف(ولو ده بيحصل)ليه العربيه اخر عدادها 220
(ولو العداد بيقف عند السرعه دى)فى ناس بيقولو انهم قفلوا العداد ازاى بقى

وشكرا

**mshamy** · 22-03-2008 07:45 PM

السرعة القصوى اللي بتبقى في الكتالوج دي اقصى سرعة لموتور السيارة في الظروف النموذجيه يعني طريق مستقيم من غير لا طلوع و لا نزول و لا يوجد رياح معاكسة او في ظهر السيارة.
بانسبة لموضوع العدادات بتبقى 220 مثلا علشان الشركات بتنتج كذا موديل للسيارة و مواتير مختلفه 1.4 و 1.6 1.8 و الموديلات دي بتشترك في كماليات متعدده منها عداد السرعة و كل عربيه على حسب موتورها بتجيب السرعة القصوى...مثلا الهوندا الخليجي و الأوروبي عداداتها 220 و لكن الموتور الوحيد اللي بيقفل العداد في الظروف النموذجيه هو موديل SiR اما بالنسبة للموديلات التانيه Exi & LXi 1.5 بيبقى اخرهم 170 او 180

**tutankhamoun** · 22-03-2008 07:47 PM

المشاركة الأصلية كتبت بواسطة lightspeed

السلام عليكم
لو سمحت يا رجاله انا عاوز اعرف معنى السرعه القصوى المكتوبه فى الكتالوجات بتاعت العربيات
يعنى مثلا(190كم/س)
هل العربيه بتيجى عند السرعه دى والعداد بيقف(ولو ده بيحصل)ليه العربيه اخر عدادها 220
(ولو العداد بيقف عند السرعه دى)فى ناس بيقولو انهم قفلوا العداد ازاى بقى

وشكرا

السرعة القصوى هي السرعة التي يستطيع محرك السيارة الوصول لها في الظروف العادية للتشغيل
و الظروف الغير عادية للتشغيل هي أن يكون الهواء في ظهرك مما يعني أن السيارة مندفعة بواسطة الهواء أكثر مما يعني حمل أقل على المحرك مما يعني سرعة اعلى و ده بيكون سبب من أسباب اللي بيخلي الناس تقفل العداد
و أيضا هناك ظرف آخر من الظروف الغير عادية و هي أن تكون نازل من على هضبة أو منزل كوبري طويل و في نفس الوقت الهواء في ظهرك مما يساعد السيارة للوصول لسرعات أعلى من سرعتها المحددة

أما لماذا يكون العداد أكبر من السرعة ......... فالله أعلم !!

**lightspeed** · 22-03-2008 08:03 PM

المشاركة الأصلية كتبت بواسطة mshamy

السرعة القصوى اللي بتبقى في الكتالوج دي اقصى سرعة لموتور السيارة في الظروف النموذجيه يعني طريق مستقيم من غير لا طلوع و لا نزول و لا يوجد رياح معاكسة او في ظهر السيارة.
بانسبة لموضوع العدادات بتبقى 220 مثلا علشان الشركات بتنتج كذا موديل للسيارة و مواتير مختلفه 1.4 و 1.6 1.8 و الموديلات دي بتشترك في كماليات متعدده منها عداد السرعة و كل عربيه على حسب موتورها بتجيب السرعة القصوى...مثلا الهوندا الخليجي و الأوروبي عداداتها 220 و لكن الموتور الوحيد اللي بيقفل العداد في الظروف النموذجيه هو موديل SiR اما بالنسبة للموديلات التانيه Exi & LXi 1.5 بيبقى اخرهم 170 او 180

الف شكر يا باشا على سرعه ردك

**lightspeed** · 22-03-2008 08:05 PM

المشاركة الأصلية كتبت بواسطة tutankhamoun

السرعة القصوى هي السرعة التي يستطيع محرك السيارة الوصول لها في الظروف العادية للتشغيل
و الظروف الغير عادية للتشغيل هي أن يكون الهواء في ظهرك مما يعني أن السيارة مندفعة بواسطة الهواء أكثر مما يعني حمل أقل على المحرك مما يعني سرعة اعلى و ده بيكون سبب من أسباب اللي بيخلي الناس تقفل العداد
و أيضا هناك ظرف آخر من الظروف الغير عادية و هي أن تكون نازل من على هضبة أو منزل كوبري طويل و في نفس الوقت الهواء في ظهرك مما يساعد السيارة للوصول لسرعات أعلى من سرعتها المحددة

أما لماذا يكون العداد أكبر من السرعة ......... فالله أعلم !!

شكرا ياباشا على اهتمامك وردك
يعنى العداد بيثبت عند السرعه دى؟_فى الظروف المثاليه_

**fahd_628** · 22-03-2008 08:11 PM

لأ يا باشا اكيد العداد مش حيقف على السرعة دية

مثلا الجين 2 اقصى سرعة مكتوبة هى 190 و دية عند النقلة الرابعة و الأر بى ام على 7000 لفة اما لو فية ظروف تانية ممكن تنقل للخامس و فية ناس مصورين العداد بتاعها على 210 يعنى مش شرط و العداد بيبقى معمول حساب حاجة زى كدة يعنى مش معنى ان العربية اخر سرعتها 190 يبقى لازم العداد يبقى اخرة 190 لأ حتلاقية 220 او 240 كدة يعنى و كمان ممكن يكون زى ما الأخوة قالو بتنزل بمحركات مختلفة و مش كل محرك حيبقالة عداد و حاجات زى كدة

**bassemali** · 22-03-2008 08:25 PM

المقصود بالسرعه القصوى للسيارههو أقصى سرعه تستطيع السياره الوصول أليها وهي بكامل حمولتها
يعني بتشيل متلا 800 كيلو وزن يبقى وهيا محمله الوزن ده ومكيفها شغال أقصى سرعه لها عادة تقل عن السرعه الموجوده على العداد حوالي 30 إلى 50 كيلو تقريبا .

**lightspeed** · 23-03-2008 08:33 AM

المشاركة الأصلية كتبت بواسطة fahd_628

لأ يا باشا اكيد العداد مش حيقف على السرعة دية

مثلا الجين 2 اقصى سرعة مكتوبة هى 190 و دية عند النقلة الرابعة و الأر بى ام على 7000 لفة اما لو فية ظروف تانية ممكن تنقل للخامس و فية ناس مصورين العداد بتاعها على 210 يعنى مش شرط و العداد بيبقى معمول حساب حاجة زى كدة يعنى مش معنى ان العربية اخر سرعتها 190 يبقى لازم العداد يبقى اخرة 190 لأ حتلاقية 220 او 240 كدة يعنى و كمان ممكن يكون زى ما الأخوة قالو بتنزل بمحركات مختلفة و مش كل محرك حيبقالة عداد و حاجات زى كدة

شكرا يا باشا على ردك
وافهم من كلامك ان الظروف التانيه اللى خلت العربيه تجيب 210 هتبقى زى مالاخوه قالوا(سواء كان اتجاه هواء او طريق مايل مثلا)

**lightspeed** · 23-03-2008 08:35 AM

المشاركة الأصلية كتبت بواسطة bassemali

المقصود بالسرعه القصوى للسيارههو أقصى سرعه تستطيع السياره الوصول أليها وهي بكامل حمولتها
يعني بتشيل متلا 800 كيلو وزن يبقى وهيا محمله الوزن ده ومكيفها شغال أقصى سرعه لها عادة تقل عن السرعه الموجوده على العداد حوالي 30 إلى 50 كيلو تقريبا .

شكرا على الافاده
(يعنى الحموله والتكييف بيأثروا على العزم والسرعه القصوى)

**cpt_shawky** · 23-03-2008 10:43 AM

المشاركة الأصلية كتبت بواسطة lightspeed

السلام عليكم
لو سمحت يا رجاله انا عاوز اعرف معنى السرعه القصوى المكتوبه فى الكتالوجات بتاعت العربيات
يعنى مثلا(190كم/س)
هل العربيه بتيجى عند السرعه دى والعداد بيقف(ولو ده بيحصل)ليه العربيه اخر عدادها 220
(ولو العداد بيقف عند السرعه دى)فى ناس بيقولو انهم قفلوا العداد ازاى بقى

وشكرا

السرعة القصوى للسيارة هى أقصى سرعة يجب عدم اجتيازها بأى حال من الأحوال لأن تجاوز هذه السرعة قد يؤدى لانهيار اى جزء من هيكل السيارة او الزجاج حيث انها مصممة للعمل حتى هذه السرعة فقط بالإضافة لمراعاة عدم دخول عداد التاكوميتير (RPM) فى المنطقة الحمراء باى حال من الأحوال حتى ولو على سرعات أقل من السرعة القصوى واجتياز هذه السرعة يعنى انها مخاطرة بحياتك لا داعى لها مطلقاً.