انا معنديش صور للموضوع بس حشرحلك القصة
اولا ضبط الطارة من خلال فكها و تغير وضعها غلط لان الطارة اساسا راكبة فى نص المسافة بتاعت مشوار السكترة... لما بتفكها و تغير وضعها حتلاقى عدد لفات الدركسيون يمين بقى غير الشمال... بالتالى العربية حتقدر تحود للشمال غير اليمين و دة مش صح
بيض الطرف او بيض الدركسيون راكب على تيش السكترة على صامولة كونتر بسن قلاووظ... ربط او فك الصامولة دى بيعدل طول عامود التيش و بالتالى بيغير وضعية العجلة
فى حالتك دى اللى حيحصل ان الصامولة الكونتر بتاعت الجنب اليمين و الجنب الشمال حيتعدلوا مع بعض بحيث لو الطارة معووجة يمين يبقى الصامولة بتاعت الجنب اليمين حتستخدم لتقصير عامود التيش اليمين و الصامولة بتاعت الجنب الشمال حتستخدم لتطويل عامود التيش الشمال
بالتالى محصلة القصة دى ان الزيادة و النقص فى اعمدة التيش عادل بعضة (بالتالى ضبط الزوايا لم يختل) لكن وضعية الطارة بالنسبة للعجل هى اللى اتغيرت و رجعت لوضعها الصح
MMamdouh
المفضلات