الموضوع: ممكن سعر الbyd f3 بانواعها الgl و glx و glxi

المشاركة الأصلية كتبت بواسطة shoayman

متهيائلى ممكن اساعدك شوية فى موضوع المقارنة بينها وبين اسبيرانزا 516 ...انا معايا اسبيرانزا 2008 كانت زيرو ..بس جربت الى بى واى دى ..نبدا ..بسم الله الرحمن الرحيم
1-الاسبيرانزا تقفيل مصرى و بى واى دى متهيائلى هية كمان تقفيل مصرى والا ثنين اصلاهم صينى
فعلا الأتنين تقفيل مصرى
2- الاسبيرانزا موتور avl نمساوى صناعة صينى و بى واى دى ميستوبيشى صناعة صينى (مش متاكد) والاثنين 1600c.c بس البى واى دى ادئها احسن بكتير ..لكن اعتقد ان دة مقابل استهلاكها الى عالى نسبيا فى البنزين والعكس صحيح لائن الاسبيرانز استهلاكها كويس والحمد لله
بالنسبة لأستهلاك البنزين انا من ملاك البى واى دى واستهلاكها على الطريق السريع بفضل الله كويس لكن داخل المدينة اعتقد ان كل العربيات بتستهلك داخل المدن
3-الفرامل الاثنين abs و ebd بس فرامل ال بى واى دى احسن بكتير من الاسبيرانزا
دى فعلا حقيقة البى واى دى كفرامل افضل وانا قلت كدة من خلال مشاركات الأخوة اللى فى قسم اسبرانزا اللى اشتكوا كتير من فرامل اسبرانزا
4-الارتفاع عن الارض الاثنين عالين

5- قطع الغيار الاسبيرانزا تكسب ..كتيرة ورخيصة حتى الاصلى منها الى بيتباع فى التوكيل مش غالى اوى
قطع غيار البى وادى دى فيها شىء جميل جدا وهو انك ممكن تركب عليها اى حاجة فى العفشة للكورولا
6-سعر اعادة البيع الاثنين بيخصرو جامد عشان صينى بس ال بى واى دى بتخصر اكتر وبعها اصعب شوية

7 -الصالون والشنطة فى الاثنين وسعين جدااا

8- الكماليات الاسبيرانزا تكسب بكتيرررررررر
اعتقد ان الأتنين واحد العربيتين فيهم abs- ebd
الكرسى السائق متحرك - سنترلوك - المفاتيح مشفرة -
9-العفشة الاسبيرانزا نعمة لكن بتعمل صوت والعكس صحيح فى بى واى دى
انا مش معاك فى دى ابدا ابدا وادخل منتدى اسبرانزا وشوف الكل بيشتكى من عفشة اسبرانزا
10- التوكيلات الاثنين صفر كببببببير من 10
انا معرفش توكيل اسبرانزا ولم اتعامل معة ولكنى تعاملت مع توكيل الأمل فى القطامية وفى اسكندرية ولقيت افضل معاملة فى المكانين فى اسكندرية المهندس اسامة غاية فى الذوق والفنيين كمان هناك ودا للأمانة ومن باب اعط لكل انسان حقة ويوم ما عملت معاهم صيانة الألف عملوا حاجات انا مكنتش طالبها فى ملاحظاتى
وفى القطامية عملت صيانة 10000 ووجدت افضل معاملة من الأنسة داليا وساعدتنى كتير جدا وكنت طالب حاجة معينة الفنيين قالولى لا خليها يوم تانى فقلتلهم اوكى خلاص وبعدين طلعت الدور التانى اصلى الظهر فلقيت الأستاذ عماد سليمان نائب رئيس مجلس الأدارة فكلمتة فى موضوعى لقيتة مسك التليفون وقالهم العربية رقم كذا يتعمل فيها كل حاجة ويجينى بيها تقرير دلوقتى وانا قاعد معاة دخل اكتر من واحد منهم سائق تاكسى كان علية فلوس والراجل اتعشم فى الأستاذ عماد يخفض المبلغ فما كان من الأستاذ عماد الا انة طلب الحسابات وقالهم هاتولى كشف الحاج فلان وجالة الكشف وفوجئت بية بينزل نصف المبلغ فالراجل قالة معييش دلوقتى قالة تقدر تجيبهم امتى قالة اخر الشهر قالة خلاص انزل استلم عربيتك بس ياريت متخلنيش اندم على معروف انا عملتة لله - ومش دا الموقف الوحيد اللى شفتة فى المدة اللى قعدتها معاة اعتقد المواقف اللى شفتها بعينى وانا معاة اقسم بالله خلتنى اكن احترام للراجل دة فوق الوصف
11-الثبات الاسبيرانزا كويسة جداااا بس دركسيونها حساس و ناعم جداا ..بى واى دى ماجربتهاش على سرعات عالية الأتنين واحد فى الثبات وعن تجربة للبى وادى دى لكن اسبرانزا الأخوة فى منتدى اسبرانزا اشادوا كمان بثباتها

12-التكيف الاثنين تكيفهم كويس جداا
اشاركك الرأى
ملاحظةودة احلا حاجة فى اسبيرانزا وهو منتدها الى بيساعد ملاكها فى معظم المشاكل والى فية مهندسين محترمين لرد على المشاكل..
واحنا كمان هنا والله محترمين
ودة كان راى بمنتهى الحيادية لوجة الله عشان كل الى بيعمل مقارنة بينهم واى استفسار تحت امركم..

وانا كمان والله العظيم قلت اللى عندى بمنتهى الحيادية لوجه الله تعالى

المشاركة الأصلية كتبت بواسطة mazymazy

الاخ العزيز ابو جيسى ماتخدش المواضيع بحدة كده .. ده انا لسه بقول لو كل الناس زى اللى هنا فى المنتدى كانت مصر تبقى حاجة مختلفة
الراجل مايقصدش حاجة بكلامه
وحاول تفكر انه ممكن بس عبر بطريقة خطأ عن رأيه وعموما ده رأيه و هو حر فيه
سيبك من التعصب لنوع من العربيات أو فرقة كورة أو أى شىء
خلينا هنا نساعد بعض وبس ونكون ف عون بعضنا البعض
وبما انك من راكبى ومالكى الـbyd ايه رايك فيها بصراحة و بكل حيادية؟؟؟؟ مع انى مقدما عارف الرد طبعا هههههههه
بس انا عايز اعرف بجد منك العربية ايه عيبوها لاننا كلنا عارفين مميزاتها

أخى العزيز .. mazymazy
أنا لم أأخذ الموضوع بحدة .. ولم أتعصب للسيارة .. بدليل ان المقارنة بها أشياء كثيرة تخص السيارة والتوكيل ولم أرد عليها بكلمة واحدة رغم أن عندى دراسة كاملة عنها تتيح لى الرد فى كل جزئية .
ولكنى قمت بالرد على نقطتين فقط وليس بهما تعصب للسيارة أطلاقا ..
أولا : أن الأسبرنزا بها كماليات كثيرة عن BYD وقد طلبت من الزميل المحترم أن يذكرها لنا لنستفيد بما أنة يملكها فقطعا معلوماتة عنها ستكون أكثر من أى شخص لا يملكها .. وكنت أقصد فعلا أن يعرفنا بها .. وهذة هى النقطة التى أثارت دهشتى ..
لأنى أعلم بالحجم الهائل من كماليات BYD وخصوصا الأوتوماتيك التى ستعرض فى معرض فورمولا الأهرام بعد أيام وسيفتح باب الحجز بها قريبا .

ثانيا : النقطة الثانية لم أندهش منها .. وانما زعلت جدا .. أن يكون زميلنا وهو يعرض مميزات وعيوب السيارتين أثناء المقارنة .. يضيف فى ملحوظة خاصة بها أن من مميزاتها وجود محترمين بمنتدى أسبرنزا يساعدون الأعضاء ويجيبون أسألتهم .. فأذا كانت هذة من مميزات أسبرانزا .. أليس معنى هذا أن منتدى السيارة الأخرى يخلوا من مثل هؤلاء المحترمين !!!!!

وهل عندما أزعل من هذة العبارة التى تخصنى شخصيا أنا وباقى الزملاء فى هذا القسم .. اكون متحيز للسيارة ؟؟؟ أم اكون حريصا على أن لايمسنا أى عبارة غير لائقة

ولكنى مع هذا سأتفق معك فى أن زميلنا العزيز لم يقصد الأسائة لأحد .. وعلية فأنى أغلق هذا الحديث .. ولنعتبرة خطأ غير مقصود فى التعبير وسوء فهم عابر بأذن الله .
أما عن عيوب السيارة .. فأرجو أن تدخل إلى هذا الرابط وهو موضوع جمعت فية ما كتبة الزملاء عن الأعطال التى قابلوها مع السيارة .

( ماهو أهم ما أشتكى منة زملائنا فى byd f3 ؟ )

http://www.nilemotors.net/Nile/191483-byd-f3.html

وهذا رابط أخر لأحدث أسعار قطع غيار السيارة : للزميل الفاضل sv065
http://www.nilemotors.net/Nile/188613-byd.html

وفى النهاية سأكرر النصيحة التى قلتها كثيرا للزملاء :
لا تشترى أى سيارة الا وأنت مرتاح لها نفسيا
وفقك الله لما فية الخير .. وتحياتى .

المشاركة الأصلية كتبت بواسطة ozama22

الاخ العزيز الغالي ابو جيسي
تحية طيبة
الزميل يقصد وجود مهندسين محترمين بموقع اسبرانزا لا اكثر من ذلك ولا يقصد الاساءة ارجوا أعادة قراءة موضوعة للتأكد من ذلك
وتقبل تحياتي

أخى العزيز .. ozama22
هناك قدر لابد منة من سوء الفهم قد يقع فى أى حديث .. وقد تعذرنى لهذة الحساسية .. بعد ما عشتة معنا وشاهدتة طوال الشهور الماضية ..
وللزميل صاحب الموضوع .. أقول لة أن هذا لايفسد المودة والأحترام بيننا .. وشكرا لة على مشاركتة .

وتحياتى وتقديرى لأخى ozama22 وأخى Mazymazy لأهتمامهم بالأيضاح

الاخ العزيز ابو جيسى انا اشكرك على تفهمك و اقدر هذا القدر من الزعل اللى انت حسيت بيه بس والله اكيد الراجل ماكانش يقصد اى اساءة ابدا

وبعدين انت كمان راجل محترم - - - واضح ده من كلامك و طريقتك فى التفاهم

واشكرك على ردك عليا فى موضوع عيوب السيارة الـ
byd
واشكر كل من ساهم فى توضيح وجهة نظر كل الاطراف