صوت ونة من الفتيس

**thedeveloper87** · 10-01-2011 08:46 PM

المشاركة الأصلية كتبت بواسطة smsm_nabawy

هي مش فيرنا ،، مش غبور ليه في الهيونداي برده ؟!!

على العموم،، قبل أي حاجة ،، غير زيت الفتيس زي م أحد الأعضاء الكرام قاللك ,،، و كده كده حتحتاج تغيره ،،

لأن أقصى مده للزيت هي 60 ألف كيلو ،، و شوف الونة دي ،، لو لسه موجوده ،، و أنت بتغير الدبرياج قول للراجل عليها ،، هو كده كده لو شاطر ،، حيسوق العربية و يجربها قبل ميشتغل ....و ممكن من أولها يعرف المشكلة في أيه ،،
هل الفتيس كمان ،، ولا الدبرياج بس ،،

بس المتفق عليه دلوقتي ،، هو ان الدبرياج فيه حاجة ...

و هي غلباً بوش في المعلقة بتاعت الدبيراج اللي بتوصلها الحركة من دواسة الدبرياج عن طريق كابل الدبرياج ،، و هي بدورها ،، بتضغط على الديسك عشان تحرر الجير بوكس من الموتور،، و بعد كده تعضقهم في بعض تاني لما بتشيل رجلك من على الدواسة

أو البوش في الديسك نفسه ،، بمعنى أن الديسك مش متقررط عليه كويس،، ففي أثناء اللف ،، بيتشخلل كده شوية ..

و دده ممكن يكون لكسر في الأسطوانة ، او بوش فيها ,, و طبعاً لما الديسك بيشخلل شوية ،، بيعمل الصوت بتاع التخبيط ده

الونة دي للأسف نفسي أسمعها عشان أقولك ،، دي فرش دبرياج ،، ولا بلي دبرياج ،، لأني مش مقتنع أنه عيب فتيس خالص ،،

ده مش فتيس عربية لعبه أصله ،،

ممكن تقولنا عربيتك عاملة كام كيلو ؟!!

و آخر مرة غيرت زيت فتيس ؟!!

لأ دي مش فيرنا :)

دي مازدا 323 موديل 82

آخر مرة غيرت الفتيس من 3 شهور بس... غيرته بزيت شل 80/90

وكشفت عليه من أسبوعين والزيت تمام ومفيهوش مشاكل

بالنسبة لعدد الكيلومترات أنا مش عارف بالظبط ، بس هي عاملة كتير جدا :) (العداد دلوقتي بيقوللي 47 ألف كيلو ، طبعا بعد ما عمل reset مرتين تلاتة)

.............

طب وبالنسبة لعضة الفتيس ، التاني عندي والأول قارفني في عيشتي والثالث والرابع ابتدوا يرخموا معايا

**smsm_nabawy** · 10-01-2011 09:25 PM

كده ،، و للأسف "و حسب معلوماتي المحدودة" الفتيس بيقولك أنا بودع ،،

لأنك لسه مغير زيت من 3 شهور بس و ده كويس جداً

إلا بقى لو حضرتك عندك شرخ في أسطوانة الدبرياج ... و دي برده بتعمل عضة ،، من الآخر حضرتك حتضطر تكشف على طقم الدبرياج ،، و تغير المتضرر ،، متنساش قول للميكانيكي أنه يكشف على كل حاجة حتى بلي الدبرياج ...

و يستحسن حضرتك تغير كله كله مرة واحده ،، "طقم دبرياج كامل" و أن شاء الله الفتيس حيبقى خفيف معاك و سلس ...

لو لسه في عضه ،، حتضطر تغير فتيس ،، أرجوا أن أكون أفدتك ،، و أرجوا ان نصايحي تكون صح ،، و ياريت لو حد شايف غلط في كلامي يصححه ،، و برده أرجوا أن الموضوع أن شاء الله يكون بسيط و يادوبك طقم دبرياج

آسف للاطالة

**smsm_nabawy** · 11-01-2011 01:25 AM

المشاركة الأصلية كتبت بواسطة thedeveloper87

العضة من زمان ومن قبل ما غير الدبرياج ، هي بقت مقرفة قوي دلوقتي

هو حضرتك غيرت دبرياج ولا زيت فتيس ؟!!

مش فاهم ،، انا بقول لحضرتك ،، انه ممكن العضة تكون من الفتيس ،، لما بتغير الزيت ،، لو الفتيس سليم العضة بتروح ،، لو الدبرياج فيه حاجة بايظة ،، ممكن العضة دي تفضل ،، و دي كده بشاير أسطوانة ،، طيب لو الدبرياج سليم ،، و العضة موجودة ،، يبقى الفتيس ،، باي باي يا قلبي !! :((

**smsm_nabawy** · 11-01-2011 03:35 PM

المشاركة الأصلية كتبت بواسطة thedeveloper87

بص ياباشا اللي حصل الآتي:
1. أنا اشتريت العربية من سنة ونص ، ولقيت عضة في التاني وعضة في الأول ، وبقية الغيارات تمام
2. ومن سنة عملت عمرة للموتور وغيرت معاه الديسك وبلية الدبرياج والعضة فضلت زي ما هي
3. من 6 شهور غيرت زيت الفتيس بزيت شل 80/90 والعضة زي ما هي
4. لما حال الدبرياج اتدهول ، العضة زادت في الأول والتاني، والثالث والرابع بقوا يعضوا خفيف (زمان ما كانوش بيعضوا خالص)

أنا اللي هعمله إن شاء الله الآتي:
هصبر لحد ما لفتيس والدبرياج يخلصوا خالص
واغيرهم هم الجوز
بس فيه حاجة ... هل ممكن ده يأثر على أي حاجة تانية لو سبتهم كده (زي كبالن مثلا أو غيرها)؟؟

لالا ،، مفيش ليها تأثير على الكبالن ،، و لا غيرها،، هي بس سحب العربية اللي حيبقى وحش معاك ،،
ملهاش أي تأثير غير في السحب و بس ،،

و بعد الشر ممكن تعمل معاك زي معملت معايا ،، كنت مسافر بالعربية ،، و أنا على الرابع و لسة في بداية الطريق بتاع السفر ،، و بهدي و أدوس دبرياج و أجيب تالت ،، لقيت الفتيس محجر،، و راسه و أللللف جزمه ميغير و يجيب تالت ،، ولا اول ولا أي حااجة ،، فضلت ماشي كده و لفيت من أول يو تيرن ،، و طلعت على البيت و ركنت العربية لحد ماستريح كل ده على الرابع ،، و لما اهدي بقى ،، يااسلااام ،، اسمع صوت أحلى كركرة !!!

بس الحمد لله أن الطريق كان فاضي شوية ،، وان بيتي قريب من مدخل الدولي !! و إلا كان الموضوع بقى صعب أوي ،،

بعد منمت شوية صحيت و بجيب أول لقيته جه ،، بس و هي العربية مبطله بسس،، عرفت أن المشكلة دي بتاعت دبرياج ،،

جبت اول و دورت العربية و نتشت بيها لحد ملقطت و رحت على الميكانيكي هو اتصرف مع نفسه بقى ،، و بندم أني رحت لميكانيكي مش رحت للتوكيل ،، و لكن أهه اللي حصل !!