صوت ونة من الفتيس

**أبو صلاح** · 08-01-2011 03:10 AM

العربيات الدفع الامامي فيها كرونة أيضا بداخل الفتيس

الكلام ده من واحد بيصلح فتيسات اسمه الحاج حمدي في سراء القبة

**thedeveloper87** · 08-01-2011 07:40 AM

المشاركة الأصلية كتبت بواسطة zezmograby

المازدا اعتقد كبالن مفهاش كارونة
عضة الغيار دي من ساعة ماغيرت الزيت ؟

عضة الغيار دي من زمان .... من أول ما جبت العربية

**smsm_nabawy** · 08-01-2011 06:34 PM

الدفع الاماي فيه كارونة مدمجة مع الجير بوكس ... كله في بلوك واحد ....

بس قبل كل ده أنصحك انها ممكن تكون الديسك

بص حسألك سؤال ،، و ركز فيه .!! :)))

هو الصوت بيبقى صوت ونه ،، و لا كركرة أو خبط كده بما بتشيل رجلك من على الدبرياج

تاني حاجة ركز ،، لما يجي الصوت ده دوس دبرياج جامد ،، لو راح ،، يبقى الجير و الكرونة أن شاء الله سلام ،، و الموضوع أن ديسك او أسطوانة الدبرياج فيهم بوش و بيخبطوا مع اللف بتاع ديسك الموتور

بس ده لا يلغي أحتمالية أن الجير ممكن يكون فيه حاجة

"لاحظ أن الصوت لو كركرة تعمل اللي قلتلك عليه ،، لو راح يبقى أحتمال كبير يبقى زي مقلت"

أما لو ونة ،، فقلي بتبقى عملة ازاي ،، زي صوت الفرملة الجامدة كده ،، او صوت البلي لما يحك في بعضه ؟!!

و هل الونة دي مصحوبة بهبدة في المش !! يعني بتحس بالونة دي "اللي أكيد بتزيد مع زيادة السرعة" بهبدة

حاول و أنت ممور ،، و واقف ،، دوس بنزين جامد و زود الأر بي ام ،، لو الصوت لسه موجود و زاد مع الأر بي أم دوس دبرياج .. و قلنا النتيجة ..!!!

و ياريت زي مقلتلك ،، ركز في الصوت ،، كركرة ، و لا تزيق ولا ونة ،، و هل الونة دي فيها هبده !!

**tamer_a7** · 09-01-2011 12:22 PM

ببساطه شديده جدا بليه فتيس داخليه

**thedeveloper87** · 10-01-2011 01:19 PM

المشاركة الأصلية كتبت بواسطة smsm_nabawy

الدفع الاماي فيه كارونة مدمجة مع الجير بوكس ... كله في بلوك واحد ....

بس قبل كل ده أنصحك انها ممكن تكون الديسك

بص حسألك سؤال ،، و ركز فيه .!! :)))

هو الصوت بيبقى صوت ونه ،، و لا كركرة أو خبط كده بما بتشيل رجلك من على الدبرياج

تاني حاجة ركز ،، لما يجي الصوت ده دوس دبرياج جامد ،، لو راح ،، يبقى الجير و الكرونة أن شاء الله سلام ،، و الموضوع أن ديسك او أسطوانة الدبرياج فيهم بوش و بيخبطوا مع اللف بتاع ديسك الموتور

بس ده لا يلغي أحتمالية أن الجير ممكن يكون فيه حاجة

"لاحظ أن الصوت لو كركرة تعمل اللي قلتلك عليه ،، لو راح يبقى أحتمال كبير يبقى زي مقلت"

أما لو ونة ،، فقلي بتبقى عملة ازاي ،، زي صوت الفرملة الجامدة كده ،، او صوت البلي لما يحك في بعضه ؟!!

و هل الونة دي مصحوبة بهبدة في المش !! يعني بتحس بالونة دي "اللي أكيد بتزيد مع زيادة السرعة" بهبدة

حاول و أنت ممور ،، و واقف ،، دوس بنزين جامد و زود الأر بي ام ،، لو الصوت لسه موجود و زاد مع الأر بي أم دوس دبرياج .. و قلنا النتيجة ..!!!

و ياريت زي مقلتلك ،، ركز في الصوت ،، كركرة ، و لا تزيق ولا ونة ،، و هل الونة دي فيها هبده !!

المشاركة الأصلية كتبت بواسطة modo88

باشا هوا الصوت اللي عندك صوت زي مايكون حديد ف حديد بيحك ف بعضه؟ او بالبلدي كدا صوت شخلله :d
والصوت بيروح لما تدوس دبرياج؟
وبيظهر علي كلامك ف البرد اكتر وبيختفي لما تمشي فتره بالعربيه وتقرص عليها؟

بص يا باشا ، اللي حصل الآتي:
1. من سنة وشوية عملت عمرة وغيرت بلية وديسك(فاليو)
2. الدنيا بقت تمام من بعدها والعربية مشيت كويس
3. من حوالي 6 شهور لقيت العربية بدأت ترعش مع الطلعة
4. وبعدها بقى فيه صوت خبط لما آجي أشيل رجلي من على الدبرياج أحيانا وبعد كده الصوت ده بقى بييجي كتير
ولو شيلت رجلي غلط من على الدبرياج أسمع صوت خبط رهيب
5. غيرت قواعد الموتور ما عدا قاعدة الفتيس ، كذا ميكانيكي قال لي كويسة وما تغيرهاش ، والصوت لسه زي ما هو
6. دلوقتي لما بدوس على الدبرياج بحس بهبدة بسيطة من عند الموتور
7. صوت الونة ماكانش ملحوظ أوي زمان ، بس دلوقتي بقى ملحوظ قوي خاصة زي ما قلت لحضراتكم في الأوقات الرطوبة العالية زي الفجر

أنا هغير طقم الدبرياج ، بس أنا خايف يبوظ تاني ، هل أستنى وأغير الدبرياج وأجيب جيربوكس استيراد؟

**smsm_nabawy** · 10-01-2011 02:49 PM

حتلاقي عندك بوشه في الدبرياج !! ،، و انت بتغير الطقم قول للراجل يشوفلك في حاجة فيها بوش ولا

و أنصحك روح للتوكيل ،، صدقني حتريح نفسك من العذاب، ،، حتكعع أه ،، بس مش حتصلحها تاني بعد كده ان شاء الله ،، ده غير أن التأفيل بيكون مظبوط

**mohamed_rhem** · 10-01-2011 03:11 PM

بعد اذن صاحب الموضوع

انا عربيتي سيريون ماشية 13 الف

العربية فيها ونه علي الاول بتظهر وتختفي

سعات بلاحظها والعربية باردة

التوكيل قال عادي كل العربيات كده بس انا شاكك

انا رايح صيانة ال 15 الف قريب وحسمع نفس الرد لو مقدرتش اقنعهم ان في حاجه مش طبيعيه

تفتكروا ايه المشكلة

**smsm_nabawy** · 10-01-2011 06:55 PM

المشاركة الأصلية كتبت بواسطة thedeveloper87

ده اللي أنا شاكك فيه ... لأن أحيانا بحس بحس بصوت خبط كتير ورا بعضه لما اشيل رجلي من على الدبرياج شوية

للأسف مالهاش توكيل

المشاركة الأصلية كتبت بواسطة thedeveloper87

طيب الكلام ده ليه علاقة ب الونة؟
علشان لو الفتيس فيه مشكلة أغيره بالمرة

هي مش فيرنا ،، مش غبور ليه في الهيونداي برده ؟!!

على العموم،، قبل أي حاجة ،، غير زيت الفتيس زي م أحد الأعضاء الكرام قاللك ,،، و كده كده حتحتاج تغيره ،،

لأن أقصى مده للزيت هي 60 ألف كيلو ،، و شوف الونة دي ،، لو لسه موجوده ،، و أنت بتغير الدبرياج قول للراجل عليها ،، هو كده كده لو شاطر ،، حيسوق العربية و يجربها قبل ميشتغل ....و ممكن من أولها يعرف المشكلة في أيه ،،
هل الفتيس كمان ،، ولا الدبرياج بس ،،

بس المتفق عليه دلوقتي ،، هو ان الدبرياج فيه حاجة ...

و هي غلباً بوش في المعلقة بتاعت الدبيراج اللي بتوصلها الحركة من دواسة الدبرياج عن طريق كابل الدبرياج ،، و هي بدورها ،، بتضغط على الديسك عشان تحرر الجير بوكس من الموتور،، و بعد كده تعضقهم في بعض تاني لما بتشيل رجلك من على الدواسة

أو البوش في الديسك نفسه ،، بمعنى أن الديسك مش متقررط عليه كويس،، ففي أثناء اللف ،، بيتشخلل كده شوية ..

و دده ممكن يكون لكسر في الأسطوانة ، او بوش فيها ,, و طبعاً لما الديسك بيشخلل شوية ،، بيعمل الصوت بتاع التخبيط ده

الونة دي للأسف نفسي أسمعها عشان أقولك ،، دي فرش دبرياج ،، ولا بلي دبرياج ،، لأني مش مقتنع أنه عيب فتيس خالص ،،

ده مش فتيس عربية لعبه أصله ،،

ممكن تقولنا عربيتك عاملة كام كيلو ؟!!

و آخر مرة غيرت زيت فتيس ؟!!

-

-

الموضوع: صوت ونة من الفتيس

LinkBack

أدوات الموضوع

عرض

-

-

-

-

-

-

-

المواضيع المتشابهه

ايهم افضل بلنسبه لك الفتيس العادى التقليدى ولا الفتيس الـــ cvt

ماهو الافضل الفتيس السي في تي ام الفتيس الاستيبترونيك

ايهم يحافظ على الموتور اكثر الفتيس العادة ام الفتيس الاوتوماتيك ؟؟

مشكلة ف الفتيس .. الفتيس بيترجرج مش ثابت ف مكانه ، و تقيل ف الغيار الأول

هل ممكن العربية تمشي وزيت الفتيس قليل جدا؟وايه اعراض واسباب نقص زيت الفتيس؟

الكلمات الدلالية لهذا الموضوع

المفضلات

المفضلات

ضوابط المشاركة