الموضوع: أكثر 7 اكاذيب مشهورة عن الرجال

المشاركة الأصلية كتبت بواسطة miss_mona

لا يا ابو اياد طبعا مقصدش
انما الست فعلا بتقضى مصالح اكتر من الراجل بكتير
وطبعا هى بتصحى زيك وتنزل الشغل زيك برده مش بمزاجها بس عشان تساعد حضرتك فى الحياة الصعبة اللى احنا فيها وطبعا طلبات العيال بتزيد يعنى اهى نواية تسند الزير
وبعدين بقى واجبات الولاد وشغل بيت وغيرررررره كتيبر
ايه رأيك دللللللللوقتى

كلامك جميل بس ليل أعتراض على كلمة ((( تساعد حضرتك فى الحياة الصعبة )))) لان الاب و الام الاتنين بيكافحو علشان مستوى معيشة أفضل لهم هما الاتنين يعنى مفيش فلوسى و فلوسك لآ البيت كلة كيان واحد و الدخل علشان أنتو الاتنين تدفعو مصاريف مدرسة كويسة للأولاد و المشاركة بين الزوجين دة امر حتمى لو عاوزة تقعد فى البيت مفيش مشكلة بس حا تخسرو نصف الدخل الاب و الام الاتنين بيشقو بس علشان خاطر الاولاد و معيشة افضل للبيت كلة لانهم فى مركب واحدة و شركاء فى كل شيىء مناصفة و الام بتتعب مع الاولاد فى المذاكرة دة حقيقى و الطبخ و لكن الراجل برضو بيقوم بالاعمال المنزلية مع زوجتة اكيد مش سى السيد يعنى نايم و مأتنخ زى الافلام ههههههههههه لا و لو الشاب أتربى من بيت اهلة أنة يعتمد على نفسة اكيد فى بيتة حا يشتغل و يعمل كل حاجة و دة مش عيب و لا يقلل من شأنة ابدا أنا وجهت نظرى الاتنين عليهم مسؤلية و حمل كبير و الى مسترح هما العيال الصغيرة و لا على بالهم شاطرين بس فى الطلبات و الاب و الام هما الى بيلبو طلباتهم

انت متحامل جدا على المرأة يا ابو اياد
الست فعلا بتتحمل كتير

ما انكرش ان في ستات كتير متدلعة
يعني تلاقي الواحدة قاعدة في البيت و بتجيلها واحدة تنضف و تنشر الغسيل و البواب يجيب الطلبات والسواق يودي العيال المدرسة والخضار يجيلها متنظف والمحشي متقور ومحشي كمان والهدوم بتروح المغسلة والمدرسين داخلين خارجين
كل اللي ربنا يقدرها عليه ترغي مع صاحباتها وتروح الجيم وتعمل شوبنج
بس على النقيض اللي بتشتغل تصحى بدري تعمل للولاد السندوتشات وتصحي وتلبس وتروح الشغل يطلع عينها وترجع تعمل الغدا وتشوف مذاكرة الولاد و تشوف البيت ونظافته
ويوم الاجازة تخلص شغل الاسبوع اللي مش بتلحق تعمله من تنظيف وغسيل ومكواة وتجهز لولادها وجوزها كل طلباتهم
وممكن تعمل كل دة وهيا عيانة او وهيا حامل وشايلة والله مش كل الستات بتتدلع وهيا حامل زي ما انت بتقول
بس اللي بتحب بيتها وجوزها وولادها بتستمتع بالتعب دة
ويكفيها نظرة رضا من جوزها واحساس الفرح من ولادها ينسيها كل التعب
بس زي ما الراجل بيتعب في شغله بره
هيا بردو بتتعب في شغلها وفي بيتها كمان
والست بردو زي الراجل محتاجة انه يقدر مجهودها وتعبها مش يعتبر ان دة واجب عليها
صدق رسول الله صلى الله عليه وسلم
"اعملوا فكل ميسر لما خلق له "
على رأي زوجي دايما يقول لي لو تعبت واشتكيت من الولاد
( امال عاوزة تدخلي الجنة ببلاش؟)

انا مش متفقة معاك ان الست لازم تشتغل عشان دى مسؤلية عليها مع الراجل
كفاية عليها البيت والعيال وحضرتك
وبعدين بقى الراجل عنده سمه اساسيه هى الانانية
وعلى فكرة انا مش متجوزة بس مفيش واحدة من صحابى المتجوزين الا لما السمة دى تبقى موجودة فى جوزها
وغير عيوب كتير
طبعا عشان متزعلش الستات مش ملايكه بس انته انانييين

المشاركة الأصلية كتبت بواسطة heshamzaky

كلامك جميل بس ليل أعتراض على كلمة ((( تساعد حضرتك فى الحياة الصعبة )))) لان الاب و الام الاتنين بيكافحو علشان مستوى معيشة أفضل لهم هما الاتنين يعنى مفيش فلوسى و فلوسك لآ البيت كلة كيان واحد و الدخل علشان أنتو الاتنين تدفعو مصاريف مدرسة كويسة للأولاد و المشاركة بين الزوجين دة امر حتمى لو عاوزة تقعد فى البيت مفيش مشكلة بس حا تخسرو نصف الدخل الاب و الام الاتنين بيشقو بس علشان خاطر الاولاد و معيشة افضل للبيت كلة لانهم فى مركب واحدة و شركاء فى كل شيىء مناصفة و الام بتتعب مع الاولاد فى المذاكرة دة حقيقى و الطبخ و لكن الراجل برضو بيقوم بالاعمال المنزلية مع زوجتة اكيد مش سى السيد يعنى نايم و مأتنخ زى الافلام ههههههههههه لا و لو الشاب أتربى من بيت اهلة أنة يعتمد على نفسة اكيد فى بيتة حا يشتغل و يعمل كل حاجة و دة مش عيب و لا يقلل من شأنة ابدا أنا وجهت نظرى الاتنين عليهم مسؤلية و حمل كبير و الى مسترح هما العيال الصغيرة و لا على بالهم شاطرين بس فى الطلبات و الاب و الام هما الى بيلبو طلباتهم

انا معاك مية في المية يا استاذ هشام
لو الاتنين حسوا انها مركب واحدة الاتنين هيخلوها توصل لبر الامان
يا اما واحد منهم هيخليها تغرق

وانا باحترم جدا الراجل اللي بيقدر مراته وبيساعدها وما يستكبرش

مع ان رجال كتير بترفض انها تشارك الزوجة في اي حاجة مع انه بيرجع من الشغل بدري وقاعد بيتفرج على التلفزيون او نايم ومأنتخ ومالوش دعوة بحاجة خالص
وتبقى العربية راكنة تحت ويسيبها تنزل تودي الولاد المدرسة بالمواصلات مع انها في طريقه وتشيل طلبات البيت على قلبها وهوة ما وراهوش حاجة يعني من الاخر متمرمطة وهوة اخر راحة

المشاركة الأصلية كتبت بواسطة miss_mona

انا مش متفقة معاك ان الست لازم تشتغل عشان دى مسؤلية عليها مع الراجل
كفاية عليها البيت والعيال وحضرتك
وبعدين بقى الراجل عنده سمه اساسيه هى الانانية
وعلى فكرة انا مش متجوزة بس مفيش واحدة من صحابى المتجوزين الا لما السمة دى تبقى موجودة فى جوزها
وغير عيوب كتير
طبعا عشان متزعلش الستات مش ملايكه بس انته انانييين

من الواضح أنك ما اخدتيش بالك من قصدى خالص و روحتى فى اتجاة أخر تماما أنا ما قولتش لازم تشتغل علشان تجيب فلوس ههههههههههههههه أنا بجد مش متخيل أنك ترجمتى الكلام كدة بس لو مشيت معاكى فى هذا الاتجاة يبقى طبعا هىة مش ملزمة بأى مصاريف داخل البيت دة حقيقى و الشرع أن الذمة المالية منفصلة و لكن بكدة حا تعيشو انتو الاثنين على قدر مستوى دخل زوجك و تكونى ملزمة برعاية المنزل و الاطفال و دة كفاية عليها و مفروض زوجها ينفق عليها و يديلها مصروف كمان دة صحيح لس أنا برضو بقولك انتى لم تفهمى المقصد من كلامى ابدا

المشاركة الأصلية كتبت بواسطة nonetta

انا معاك مية في المية يا استاذ هشام

لو الاتنين حسوا انها مركب واحدة الاتنين هيخلوها توصل لبر الامان
يا اما واحد منهم هيخليها تغرق

وانا باحترم جدا الراجل اللي بيقدر مراته وبيساعدها وما يستكبرش

مع ان رجال كتير بترفض انها تشارك الزوجة في اي حاجة مع انه بيرجع من الشغل بدري وقاعد بيتفرج على التلفزيون او نايم ومأنتخ ومالوش دعوة بحاجة خالص

وتبقى العربية راكنة تحت ويسيبها تنزل تودي الولاد المدرسة بالمواصلات مع انها في طريقه وتشيل طلبات البيت على قلبها وهوة ما وراهوش حاجة يعني من الاخر متمرمطة وهوة اخر راحة

الله ينور عليكى أنتى طبعا لقطتى و فهمتى المغزى من الكلام فى ثوانى بسيطة و على فكرة أنا الاولاد بالرغم من أنهم لسة صغيرين بخليهم ينضفو مكان ما وسخو و بقولة انا مش حا انظف مكان ما انت كركبت الدنيا لم اللعب و روق حاجاتك علشان اعلمة الاعتماد على النفس مش يطلع عيل خيبان ميعرفش بعد كدة يعمل لنفسة كباية شاى

المشاركة الأصلية كتبت بواسطة MISS_MONA

...............................
نداء الى مصاص الدماء اللى عمال يولعها خليك فى حالك احسسسسسسسسسن

هههههههههههههههههه ده هي والعة لوحدها من قديم الازل.

دنا علي ماقومت عملت كوباية شاي ورجعت لقيت مشاركات كتيرة وفعل ورد فعل .

طلعو طلعو اللي جواكو الكلام بيريح والمناقشة البنائة حلوة للصحة برده

انا فهما قصدك بس انا بقولك فى رجاله عندهم الست تكون بتشتغل يبقى دة حق مكتسب يعنى فلوسها للبيت يعنى مينفعش تجيب حاجة لنفسها حتى ولو قالت تقعد يقول لها يبقى استحملى
مش انا بقولك انا نيين الظاهر انت اللى مفهمتش كلامى ولا بيسعدم فى البيت ولا حتى لو فى حاجة بايظا بيسال الا لما الست تقعد تتحايل عليه عشان يصلحها ولا بيهمه يروح معاها للدكتور لو حد من الولاد تعبان وهى الللى طالع عينها