الموضوع: كل شىء عن الماتريكس

المشاركة الأصلية كتبت بواسطة noda0007

الانذار فعلن بيبوظ وانا معايا 2008 والانذار زباله وكل مره اروح يغير كوز لغاية لما اتحرق كله وهيغيره كله هناك حاجه خره ازاى معداش عليها سنه والانذار يبوظ دى عربيات تعبانه اوى الله يخرب بيتك يا غبور عليك وعلى عربياتك الوسخه

بصراحة طلع عندك حق و قول زى ما انت عايز فيهم
دول طلعوا نصابين محترفين مش ممكن اللى بيحصل دة ابدا !!!!!!!!!!!!!!!!!
ذهبت امس بسيارتى الماتريكس لعمل صيانة الالف فى ابو رواش و طلبت اصلاح جهاز الانذار و جلست من الساعة 3 الى 9 مساء كل ما اسأل عن سبب تأخر السيارة يقولوا بيصلحوا فى جهاز الانذار و اقسم بالله لو انى قمت بأصلاحه بنفسى لن يأخذ فى يدى نصف ساعة لانى اساسا مهندس الكترونيات و ملم جيدا بهذه الاجهزة بس انا قلت يصلحوه بالمرة فى صيانة الالف و بعد طول انتظار استلمت السيارة و الجهاز شغال تمام و انا راجع فوجئت بسلك جهاز الانذار يعلق فى دواسة الدبرياج و وقفت و حاولت اعلقه فى اى مكان مؤقتا و هذه اول مصيبة اكتشفها فى شغلهم لقد تركوا سلك جهاز الانذرا يسقط و معرض للقطع و التلف اما المصيبة الاخرى و بحكم خبرتى فى الالكترونيات توقعت بما انهم عالم تعبانة بهذا الشكل و شغلهم زبالة كدة و تركوا الاسلاك تقع تحت قدمى يبقى مستحيل يكونوا عرفوا يصلحوا الجهاز اكيد غيروه طيب ازى غيروه و الريموت بتاعى كما هو انا معلمه ؟؟؟!!!! فلابد من تغير الريموت ايضا لان كل جهاز انذار له تردد مختلف عن الاخر و و قلت اصبر لحين رجوعى للمنزل و تجربة الريموت الاحتياطى لانه اذا اشتغل مع الانذار يبقوا صلحوه الجهاز اما اذا لم يعمل يبقى غيروه و لكن غيروه ازاى و الريموت هو تماما اللى كان معى و فعلا فوجئت ان جهاز الانذار لا يعمل بالريموت الاحتياطى طبعا اتجننت ازى الريموت لم يتغير و واحد شغال و الاخر بطل يشتغل اكيد فى سر و قررت افتح الريموت الذى كان معى فى التوكيل و اقارنه بالريموت الاحتياطى اللى من المفروض انه مثله تماما و فوجئت بأن الشخص النصاب الموجود فى التوكيل و المسؤول عن اصلاح اجهزة الانذار قد قام بفك قلب الريموت و غير الدائرة الداخلية له بأخرى خاصة بجهاز اخر قام بتركيبه غير الاول اللى كان موجود بها و اللى الريموت الاحتياطى بيشتغل عليه و طبعا عمل كدة لية علشان ما خدش بالى انه غير الجهاز و ابقى بعد كدة افوجىء لو ضاع الريموت الاصلى ان الاحتياطى عطلان و اعتقد انه باظ و الاغرب فى هذا الموضوع انه لو قام بتغير الجهاز بجهاز اخر جديد لكان قال لى ذلك بكل وضوح و اعطانى 2 ريموت جديد له اصلى و احتياطى و لكنه اخفى هذا الامر و غير دائرة الريموت الداخلية بأخرى كى لا اكتشف هذا و طبعا المعنى واضح ان الجهاز اللى ركبوه ليس جديد اصلا بل جهاز قديم عندهم متصلب و ليس لديهم الريموت الاحتياطى بتاعه لذلك عملوا فيا هذا المقلب و لحسن حظى انى بعد ان فتحت الريموت عرفت جيدا طريقة تعديل تردد الريموت الاحتياطى ليكون مثل اللى نصبوا عليا به عن طريق توزيع بنط لحام بطريقة معينة على الدائرة و الان انا محتار هل اقوم بتعديله بنفسى و افوض امرى لله و انسى ان الريموت فقد كوده الاصلى اللى كان ممكن اجيب به واحد اخر فى حالة ضياعه ام اعتبر نفسى مستخدم عادى لا افقه فى الالكترونيات و ارجع لهم مرة اخرى اطلب منهم حل هذه المشكلة لى؟؟؟؟؟؟.
بصرحة ان كنت أقرأ تعليقات الاعضاء هنا عن مساوىء هذا التوكيل و لكنى لم اكن اتخيل انهم نصابين محترفين بهذا الشكل و كيف انهم غيروا قلب الريموت كى لا اكتشف تغيرهم لجهاز الانذار بأخر قديم و حتى يتجنبوا اعطائى ريموت احتياطى للجهاز الزبالة الذى ركبوه انها منتهى النتانة و شىء مؤسف حقا و الحمد لله ان السيارة ليست تجميع غبور و الا اصبحت كارثة و حسبى الله و نعم الوكيل فيهم .
( و نصيحة لكل من يذهب الى توكيل غبور ان يتمم على صوابعه و على كل شىء بدقة قبل ان يخرج من عندهم )
و اذا كان غبور فعلا محترم يجيب جهاز محترم و يعدم النصابين اللى عنده اللى بيصلحه اجهزة الانذار فى التوكيل .

وبرده حصل معايا انى روحت الصيانه برده وعمل الانذار وفجاءه خرجت بالعربيه سليمه اتحرق الانذار على الطريق والى ركبه ركبه غلط وتيجى تقفل الزجاج يخبط فيه لما كان هيكسره وانا اصلا من المنصوره ومكتشفتش كده الى على الطريق فعلا حراميه ونصابين انارايح بكره وحالف لا هوريهم الشغل بجد وكمان المرايل الزجاج بتاعها بيقع لوحد لغاية لما اكسر محدش يعرف هو بكام عندهم