قانون المرور الجديد هيسود عيشتنا

**sherif80** · 30-03-2008 10:00 AM

المشاركة الأصلية كتبت بواسطة peranha

قانون المرور الجديد اللي هيناقشوه خلي كل حاجه نعملها عليها حبس حتي لو ركنت امام محل دقائق تشتري حاجه حبس. لو مشيت عكس الاتجاه حبس . لو نسيت رخصتك في البنطلون وانت بتغير هدومك حبس . لو نسيت تجدد الرخصه حبس . لو استعجلت وسقت العربيه بدون رخصه حوالين البيت تشتري حاجه علي السريع كده حبس . .

الله يكون فى عون مصلحة السجون - حيتبهدلوا جامد لما القانون ده يطبق:D:D

**Sharky** · 30-03-2008 10:10 AM

فى إنتظار تطبيقه على الكل دون تفرقة على أمل إصلاح حال المرور المصرى

**Akram** · 30-03-2008 10:46 AM

القانون الجديد لو بالشكل ده هتبقى الفزيتة اللي بياخدوها رجال المرور كبيرة أوي ,
دا الموضوع فيه حبس يعني بدل ما بياخد 10 ولا 20 هياخد 100 أو 200 و ممكن تكتبله شيك إذا مكنش معاك سيولة ,
أو ممكن تستخدم الفيزا كارد ,
:o :o :o :o :o :o :o :o
و هيفضل ابن الباشا باشا ,
و هتبقى مناسبة كويسة علشان يلموا أي حد مش عاجبهم و مش هيقدر يأبجهم .

**SEATLOVER** · 30-03-2008 11:15 AM

المشاركة الأصلية كتبت بواسطة Akram

القانون الجديد لو بالشكل ده هتبقى الفزيتة اللي بياخدوها رجال المرور كبيرة أوي ,
دا الموضوع فيه حبس يعني بدل ما بياخد 10 ولا 20 هياخد 100 أو 200 و ممكن تكتبله شيك إذا مكنش معاك سيولة ,
أو ممكن تستخدم الفيزا كارد ,
:o :o :o :o :o :o :o :o
و هيفضل ابن الباشا باشا ,
و هتبقى مناسبة كويسة علشان يلموا أي حد مش عاجبهم و مش هيقدر يأبجهم .

اهو هو دة اللى فاهم القانون صح

حقاً....... انة قانون الشرور الجديد

**Islam_galal** · 30-03-2008 11:21 AM

هو لسه في حد برئ كده
روح القانون في بلدنا و اضح و كل المتغيرات في القوانين المكتوبه بتصب في مصلحة روح القانون اللي هي -إنما الدنيا مسرح كبير-

فاهمين يعني فيه أبطال و أبطال مساعدين و ملايين الكومبارس

**hero** · 30-03-2008 11:39 AM

يا جماعه انتوا زعلانين لية....
يعني لو انا راجل ....ماشي في السليم زي الكتاب ما بيقول...
رخصتي في جيبي....
ماشي في طريقي ومش ماشي عكس الاتجاة..
بادور علي مكان اركن فية صح....مش بابلطج واركن في وسط الشارع...
اية ايلي هايخليني اقلق من القانون الجديد ....حتي لو كانت عقوباتة مهوووولة....

الانسان ايلي بيقلق من القوانين الشديدة....انسان عندة النية المبيتة لمخالفة هذا القانون...او احساسة انة لن يستطيع تطبيق القوانين....لانة من حين لآخر ....بيخالف القانون...

بالنسبة لحكاية البط الاسود والبط الابيض...
لو بصينا في الشارع....قولنا ان في ناس بيضة وناس سودة......طيب كنسبة كام في المية ابيض ...وكام اسود....
لو فرضنا جدلا ....ان الناس البيضة 10%....و90 % من الباقي اسود....وان في 80% من الاتنين بيخالفو......
لو القانون الفظيع دة اتطبق....وزي ما الناس قالت....الناس البيضة ...زي ماهي...يبقي الـ 90% هايمشي عليهم القانون....حلوقوي....طيب افرض فعلا ان ممكن واحد يدفع علشان ما يتحبسش..
هي دي بقي النقطة الاساسية....كام من الـ 80% ايلي بيخالف يقدر يدفع فيزيتا عالية...
اكيد نسبة لا تتعدي ال20% منهم.....

يعني مثلا سواقين المكروباصات...والتاكسيات...و التوك توك...وغيرة...هل هايقدر يدفع فيزيتا تقدر بحصيلة شغلة يوم ولا حتي نص يوم....علشان يخاطر ويمشي عكس الاتجاة ...زي ما بيعملوا كل يوم.....اكيد هايفكر الف مرة.....ولو مرة اتمسك...واتحبس اوحتي دفع....هايحرم يعملها تاني...

ايلي يبص للشارع المصري ....هايعرف...ان مشكلة المرور اساسها سيارات النقل ...والاوتوبيسات والمكروباصات...والتاكسيات ايلي بتلف ليل ونهار تدور علي زباين في الشارع....واخيرا وليس باخر...التوك توك باشا......

يعني راكبي السيارات الخاصة والملاكي اغلبهم ...رايح ضحية الناس دي....دة طبعا غير المشاة...

يبقي انا في وجهه نظري.....القانون دة اكثر من راااااااااااااااااااائع...

**Islam_galal** · 30-03-2008 12:19 PM

طب يا سيدي اما مرة اتسحبت رخصتي علشان كان فيه زفه و الباشا امين الشرطة قال للواء النقيب إني ضربت الكلاكس اللي يفتقد لأقل معايير الزوق

للعلم كل مشاركتي في الزفة إني لابس بدلة بس و لا كلاكس و لا كنت جنبهم أصلا

كل اللي قدرت أقوله حسبي الله و نعم الوكيل
كان جنبي واحد زميلي اتنفرز جدا و بعد بعض الاتصالات منه جاب الرخصة من الظابط و بعد ما اخدتها منه قالي زميلي كنت عملت كذا و كذا و مكانش حيقدر يفتح بقه

أيع رأيك برضه في زفه علي البحر عامله غارة حربية مش زفه و لما ظابط و قفهم طلع احد أفراد الزفه من أبطال المسرح (راجع تعليقي الأول في الموضوع)وبالتالي البيه الظابط مشي جنب الزفه عشان محدش يوقفهم تاني

كمان واحدة
ملازم أول (جديد مش فاهم يا عيني) شاف بني آدم . . أسف كائن يشبه البشر بعربيه (عرفت بعد كده انها مشهورة ببلاويها علي البحر) قام الظابط المحترم جري وراه بالموتوسيكل ووقفه
والله فرحت قوي . . أول مرة أشوفهم بيستعملوا الموتوسيكل الجامد ده في الحق

الكائن نزل و تجاهل الظابط تماما و قعد علي سور البحر و مسك الموبايل و الظابط مسك اللاسلكي

جه ونش فيه نقيب و اتكلم مع الكائن شوية و بعدين مسك اللاسلكي

جه ونش تاني و بوكس فيه عقيد

و فجأه انشقت الأرض عن عربيه بها عسكري (اي و الله عسكري) و معاه ورقه أعطاها للعقيد لينتهي الموضوع في لحظه علي مشهد غريب

كل اللي موجودين علي المسرح مشوا و فضل الملازم الغلبان ساند علي الموتوسيكل و طلع سيجارة و تقريبا شربها في نفس واحد

كفايه كدة لإني دمي اتحرق للمرة المليون

**Xpert** · 30-03-2008 03:49 PM

المفر وض مش حبس يا جدعان .. غرامه فوريه يأما حبس .. كده تلاقي الحال انضبت ..

**hero** · 30-03-2008 04:20 PM

استاذ اسلام انا عارف ايلي انت بتقولة....وعارف انة مش صح...
بس برضة مشاكل المرور مش بسبب زفة ولا اتنين ولا عشرة في الاسبوع...
المشكلة الاساسية هي لا مابلاة الناس كلها....مش فئة قادرة علي مخالفة القانون...

حاليا الناس كلها بتخالف القانون الا ما رحم ربي...واخص بالفئة دي سائقي المكروباصات ...واعوانهم...

يعني انت مين ايلي بيضرك اكتر علي المستوي اليومي ..من اول اليوم لاخرة...سواقين المكروباصات والبلطجة ايلي هما فيها ....ولا كام واحد من ايلي ليهم معارف وبيظبطوا نفسهم...

الشارع المصري المروري بقي مستفز....يا سيدي الفاضل انا باشوف عربيات نص نقل ماشية مخالفة في عكس الاتجاة علي الطريق الزراعي وماشي من غير نور...وباليل...دة غير التوك توك...والبلاوي بتاعة باقي الناس...

لو الناس دي هاتغرم فلوس ...او هاتواجة الحبس....فدة في مصلحة الجميع....
اما بقي حكاية العدالة الاجتماعية ....ونزاهة المش عارف اية...والكلام الكبير قوي..اياة فدة طمع ولو ان مافيش شيء كبير علي ربنا ....قادر يهدي الناس...