الموضوع: قلقان من الفتيس الاوتوماتيك , يعنى عايز رايكم , يا ريت حد يفيدنى ؟

اولا : السلام عليكم و رحمة الله و بركاته

---

#a33131

ثانيا و بكل صراحة و بدون مجاملات انا فعلا معجب جدا بالنشاط الرائع اللى فى المنتدى ده اللى شدنى و خلانى اقدر اسئل على اللى انا عايزه

ثالثا و ده الموضوع المهم هو انى اشتريت عربية كيا سيراتو 2006 مواصفات خليجى و ده من حوالى شهرين تلاتة و العربية اوتوماتيك , ساعة ما اشتريتها كانت عاملة حوالى 50,000 كيلومتر و حالتها ممتازة , المهم انا معجب بالعربية اوى و معجب بادائها بس من بعض المواضيع او المقارنات اللى قريتها فى منتداكم الكريم قلقت من قصة ان الفتيس اوتوماتيك علشان لقيت حد هنا بيقول ان الاوتوماتيك الكورى مش معمر و العربية بصراحة تعتبر هدية من والدى و بالتالى مش ناوى ان اغيرها قريب خااااالص و بالتالى عايز اعرف موضوع الفتيس ده فعلا هو مش كويس او مش معمر علشان كورى و لا ده كلام مش صحيح مع كامل احترامى للى بيقول انه مش كويس او مش معمر , و لو هو فعلا مش كويس يبقى ازاى اقدر اتعامل معاه و اصونه علشان احافظ عليه و على اداءه لأطول فترة ممكنة او لأطول مسافة ممكنة

رابعا و كدة ابقى طولت عليكما اوى بس فعلا من عشمى يا ريت لو حد جرب العربية دى قبل كدة يقوللى رايه فيها بمنتهى الصراحة مع العلم انى فعلا مبتدئ فى موضوع العربيات ده , بس العربية لحد دلوقتى من استعمالى ليها حوالى 5000 كيلومتر و زى ماقولت قبل كدة حوالى شهرين او تلات شهور مريحانى اوى و ابتديت اثق فيها لحد كبير , يعنى مثلا لما بحب اجرى بيها شوية وصلت مثلا لغاية 150 كيلومتر/ثانية و كنت حاسس برضه بالامان او حاسس انى مش على سرعة عالية بس مزودتش عن كدة لقلقى انا , انما بصراحة كنت حاسس انها عايزة تجرى اكتر ,

---

#c23131

خامسا : اممممممم كنت عايز بس اشكر اى حد هيرد عليا او هيتابع معايا او حتى هيمر على الموضوع , يعنى باختصار عايز اشكر اى حد هيضيع وقته معايا