لو الظابط دايقك...إشتكيه

**A7MED_PHARMA** · 07-01-2011 08:29 PM

السلام عليكم

أنا كنت عملت موضوع من حوالي شهر
إني كنت مع 3 أصحابي ع الصحراوي..وحصل إن في الكمين
نزلونا من العربية..وفتشونا
وكدرونا ربع ساعة ع الأسفلت
وطلعوا إلي في جيوبنا..وفتشوا العربية
المهم
أنا إشتكيت من إلي حصل في موقع وزارة الداخلية
ومكنتش مستني رد الحقيقة
لكن النهاردة
جالي إستدعاء من قسم الشرطة إلي أنا تابع ليه
علشان أسجل أقوالي في محضر رسمي
يعني جابت نتيجة أهه
يعني
لو حد قل أدبه عليك...أو دايقك
ماتقعدش تقول أصل وفصل..وأصل مش هاخد حقي
إشتكيه وإعمل إلي عليك
لكن ماتبقاش سلبي ....وتشتكي خلاص
والله المستعان

**ahmed_su** · 07-01-2011 08:44 PM

الله ينور عليك

**Akram** · 07-01-2011 08:54 PM

المشكلة ان الواحد بيبقى مش حاسس ان ممكن ضابط ييجي على ضابط زميله ,

يعني فيه عدم ثقة إن الحكومة هتجيبلك حقك من نفسها .

**Nile Heart** · 07-01-2011 09:00 PM

على فكره
موضوع التفتيش والتكدير ده مش سهل كده يتعمل
ولو انت فاهم القانون كويس ممكن تخللى ضابط الكمين هو اللى يخاف منك..يعنى هو عشان يطلب منك تنزل من العربيه ويفتشك ويفتش العربيه لازم يكون فى شرط متحقق مثل:
-وجود اخباريه بعربيه مماثله (ولو ادعى كده ممكن يتحقق معاه ويبقى فيه اذى ليه)
-وجود سبب قوى للاشتباه كأن تفوح من السياره روائح ممنوعات أو وجود انثى ذات شكل ملفت وخارج
-العربيه زجاجها فيميه
-الوقت متأخر جدأ والمكان خال

ومن حقك بكل تطلب من الضابط بكل هدوء وادب ان يعرفك سبب التفتيش, ولو قالك اشتباه وخلاص, قلله فى ايه بالضبط..

والله الكلام ده بجيب نتيجه فوريه

**ganash** · 07-01-2011 09:13 PM

هوه مش علشان يفتش العربيه لازم يكون معاه اذن الا فى حالات معينه زى ما الاستاذ Nile Heart قال كده ؟؟

**A7MED_PHARMA** · 07-01-2011 09:13 PM

إلي حصل كان كالأتي

أنا ماشي على الصحراوي..والطريق فااضي خااااااااالص
واحد جاي ورايا صاروخ عاوز يعدي من اليمين..وبيرعش جامد
إديت إشارة يمين...راح مرعش نور جامد ومعدي من الشمال
ولما عداني..إفتكر إني كنت برخم عليه
راح مهدي..ورجع ورايا
وفضل لازق في ظهري..وضارب العالي
أشاورله علشان النور...مفيش فايدة
المهم
قبل الكمين..راح معديني
وسابق ع الكمين..ونزل كلم الظابط كلمتين
.............................
دخلت الكمين
قابلنا أمين شرطة شكله شوارعجي صرف
""إنزل ياإبني إنت وهوا""
""طلع إلي في جيبك يا إبني إنت وهوا""
صاحب طلع تليفون..وهيتكلم فيه
"" سيب التليفون يالاه..مين قالك تتكلم في التليفون""
صاحبي تاني حاطط إيده في جيبه..من البررررررد
"طلع إيدك من جيبك يالاه..وإقف عدل""
ووقفنا صف جمب بعض ع الاسفلت ..بتاع ربع سلعة
وسلم على الراجل صاحب العربية التاينة بكل أدب..وسابه يمشي
ولما الراجل مشي
راح ممشينا
ودي لوحدها....فضلت حارقة دمي أسبوع كامل..محروووق وكرامتي وجعاني
وتاني يوم..قدمت الشطوى على موقع الوزارة
الظابط واقف
وسايب أمين الشرطة يعاملنا كأننا مجرمين ..أو شوارعاجية